القصائد المشاركة في مسابقة شاعر المنتدى لعام 1433 هـ

تم بحمد الله الانتهاء من استقبال القصائد المشاركة
في مسابقة شاعر المنتدى لعام 1433 هـ
والتي كان عنوانها
(نصرة إخواننا في سورية الشقيقة)
ونشرت شروطها واعلانها هنا
http://www.shdadeen.com/vbq/showthread.php?t=68261

وكانت من تنظيم وتقديم شاعرنا الكبير
سعود المسيلي
وفقه الله ورعاه

والذي جعل من المجاراة لهذين البيتين:

غمه على الامه وناراَ ولعوها أبنا المجوس=في شامنا اللي ينتظر مستقبلأ مانعلمه
تكفون خلونا نسوق المال ونسوق النفوس=بعد استباحوا عزة المسلم وعرض المسلمه

معياراً لتنافس شعراء المنتدى لاختيار فارس المنتدى وشاعره
لهذا العام 1433


وسوف نقوم بنشر جميع القصائد تباعاً حسب وصولها الزمني لنا
وبدون ذكر أسماء الشعراء وبعدها سيكون المجال مفتوحاً للجميع
بالتفاعل والمشاركة وابداء الرأي قبل دخول شاعرنا الكبير أبو هلال
لإلقاء كلمته وتعليقه حول المسابقة والقصائد المشاركة
وبعدها يتم التحكيم لاختيار الشعراء الثلاثة الأوائل ومنح الأول
لقب شاعر المنتدى ودرع المسابقة ووسامها
والثاني درع المركز الثاني
والثالث درع المركز الثالث

بالتوفيق للجميع

1

يا أهل الفلك وأهل النجوم اللي تعلم بالطقوس=الغمة اللي فوقنا وش علمها يا منجمه
غمة على الأمة وناراَ ولعوها أبنا المجوس=في شامنا اللي ينتظر مستقبلاً ما نعلمه
تكفون خلونا نسوق المال ونسوق النفوس=بعد استباحوا عزة المسلم وعرض المسلمه
نبا نخليها حرايب تشبه لحرب البسوس=وبشار إبن حافظ مثل جساس مهدورٍ دمه
يا راعي الصورة ترى ما عاد به ناس تبوس=واللي يبوسك يا عسى ينلف خشمه مع فمه
لا للتخاذل والتكاسل لا وممنوع الجلوس=يا أمة الإسلام هبي والحدود مرسمه
الدار معروفة ولا يبغى لنا نرسل عسوس=نبغى جيوش منظمة فيها الرجال محزّمه
تسوقها يم الاسد في برد والا في شموس=ولا تعود الا بنصر وتقطع روس الشرذمه
أربع عقودٍ ماضية والشعب بالظلم محبوس=أربع عقود أيامها مثل الليال المظلمه
أربع عقود وحافظ النعجة يحوس الشعب حوس=لا يرحم الشيخ الكبير ولا رضيعٍ يرحمه
وشبيحته تذبح عزاز الجاه تذبيح التيوس=لا دين يردعها ولا حقوق إنسان منظمه
واليوم قام رجال تهتف ما تبي عيش وفلوس=تهتف لدين الله ولا هي بالتشيع ملزمه
تهتف بكل مظاهرة ما ردها قطع الرؤوس=ولا ردها ضرب المدافع والبيوت مهدمه
لو عذبوها بالسهر والا بتقليع الضروس=الله مقوى عزومها على الظروف المؤلمه
أحرار يدفعها الأمل ما بينهم قلبٍ يئوس=عن النصر تبحث برغبة جامحة ومصممه
رجال تعطينا لمعنى الصبر درس من الدروس=تزف جثمان الشهيد وللجنان تقدمه
كأنه يقدم للزفاف وكن قدامه عروس=ولكن خلفه عايلة ولا صغار ميتمه
يا أبطالنا بالشام لو وجيهكم تنداس دوس=محشمة ومكرمة ومكرمة ومحشمه

2

ياللي تبعتوا سنة محمد ترى الشر مغروس=في قلوب ناسٍ روسها فيها الردى ومعممه
على الخطر والموت الأحمر بالقدم لازم ندوس=واللي مجاهد في سبيل الله واجب ندعمه
دقت نواقيس الخطر على ضواحينا جروس=تنبي عن أهداف وطموح الزمرة أهل المشئمه
الضعف يكسينا لباس الذل من بين اللبوس=والمسلمين تموت والمسلم محد يحقن دَمَه
تمر دورات الزمن في كل يوم ألها دروس=السهل منها نفهمه والصعب لا ما نفهمه
عامين مرت والعرب ما ترفع من الخوف روس=نشجب ونستنكر ونرجي البيت الأبيض مكرمه
نراجع التاريخ نبحث حرب داحس والبسوس=يمكن نلاقي حل لأحداث الليال المظلمه
أخواننا شنوا عليهم حرب شعوا وضروس=أحزاب شيطاناً من أقطار الديار ململمه
أطفال ريف أرخوا عليهم حد سيف وحد موس=شنوا عليهم حرب إبادة والعصابة مجرمه
ونساء ثكلى لا طعام ولا منام ولا فلوس=رجالهم قتلى وجرحى والبيوت مهدمه
من يمسح الدمعات من خد الفتاه العيطموس=أضحت تهل الدمع وأحداث الليالي مؤلمه
كذا كذا يا سوريا وجه الزمان أصبح عبوس=والحل ما هو في المجالس والعقود المبرمه
الحل طيارة ودبابة بجنزير وتروس=وجنود يردون المنايا مثل عسكر علقمه
اللي بعثهم سيد ألامه مع البيدا عسوس=من عاش منهم للنصر من مات ربي يرحمه
اقبل زمن قرع السيوف أدبر زمن قرع الكؤوس=والمسلمين إخوان حتى في زمان العولمه
يأهل العقول المدركة معاد في الدعوى جلوس=أما الشهادة في سبيل الله وإلا المغنمه
نصر الولي منا قريب وبأذن ربي قاب قوس=يارب عونك يامعينٍ في الشدايد نزهمه

3

من يشوف الوضع عاجز والحياه منها الدروس = والحقيقة في دروبي ضايعة والقلوب محطمه
ناس تنظر وناس ما زالت على وضع الجلوس= وناس عيت لاتخوض في وضعنا او تفهمه
كانها ما بيننا صارت كما حرب البسوس= نقتل ونسرق في بلدنا والحياة محرمه
يا شامنا بعد السكون اظناك الوجه العبوس= وجه بشع ما بيننا عيا القلم لا يرسمه
على الفساد تسانده مع اللاسف شيعه وروس= يقتل شعب من غير سبب والعيشه صارت مؤلمه
قتلوا ابادوا للاسف الاب والبنت العروس= عاثوا فساد باسباب ناس مقسمه
من ظلمهم حتى القدم افواهنا صارت تبوس=وقلوبهم فيها الفساد حتى الكهل ما ترحمه
هي ارضنا في دمنا ما غيرنا واجب يدوس= من اجلها بارواحنا هذا القرار راح نحسمه
اللي بيع ارضه بلاش علشان الفلوس= ما ينحسب منا اكيد ولا علينا نقدمه
يتلذذوا بعذابنا ودما ئنا تملأ الكؤوس=والمشكلة من ظلمهم صرنا دروس مجسمه
تفننوا بقتلنا سكين ومنشار وفؤوس= واصدق حديث قلوبهم على الدمار مصممه
اقدارنا دارت بنا وتدور بالمركب تروس= والله اعلم وين توصلنا العقول المظلمه
تكشفت انيابهم ويكشف لنا الواقع ضروس=والواقع ان الناس تبني صنم وتعظمه
زاد القهر حتى ظهر في داخل الاضراس سوس= والكفر واضح والكلام نالوا عليه الاوسمه
اقل شيء انكر بقلبي افعالهم وآخذ من العبر دروس=وارفع ايديني للسماء انصر عباد مسلمه

4

من بعد صار العار درس من الدروس=والذل في وسط المناهج والكتاب نعلمه
كنا عرب نعم عرب وسيوفنا حد التروس=واليوم فينا اشجع رجل ما نستطيله في نسمه
والحال ما فيها سعد ولا مفر من البؤوس=الين بعض الدم والأحساس يلقى مكرمه
يا مرشد امريكا ويا القايد ويا صلب التيوس=خلاص ملينا سلام ولا نبيها مرحمه
نبي غبار الخيل والتدمير والوجه العبوس=في يومٍ اقشر ما تحدد موسمه
عقب انتفاض الشام والحرب الضروس=ثارت كلاب الفرس في ادلب والفساد تعممه
تذبح الأطفال في دوما وفي حمص العروس=تقتل العزل وتحرم من تقرر تحرمه
راحت بلاد المسلمين وحوست بكل حوس=صارت مجازر واه ياصعب الحروب المؤلمه
اقول آآآه من الغبن والا من فعول النجوس=اللي عثت بأصل الخراب وكل دار تقسمه
اقول بإذن الله نثير الدم لو كان محبوس=ونحرر بلاد العرب ونرد كيد المظلمه
بشار يا الخاسر ويا الخاسي مصيرك للحبوس=وتذوق حر القيد لين نوسمه
يا اللي دمرت الدار بجيوشك وقطعت الرؤوس=الروس تشهد بالإله ومسلمه
ان كان تحسب ربنا غافل على صنع الطقوس=الله عليم وكل كافر معدمه
علاك منا يا العرب حلق الشوارب دون موس=وعلاك من رب العباد الويل ثم الملحمه
ندوسكم في ساحة الميدان والغارات دوس=نعبر ديار المسلمين وكل طيب نقدمه

5

يا أمة الاسلام صرخه تشتعل بين الهجوس=الوضع في شام العروبه ما يبي له ترجمه
شعوبنا يا شامنا اخذو كلهم وضع الجلوس=ما فيه من قام وشهر سيفه وثبت محزمه
قدامك اطفال الحجاره داسهم شارون دوس=قلب تراب القدس دم ولا احدٍ قد كلمه
يا شامنا يا شامنا برجالك اصعد وارق روس=روس النوايف ما رقها كود من حرك دمه
حصى الجبال الشامخه ما ذاب من حر الشموس=والصبر في وقت الملاقى ساس محدٍ يهدمه
النصر يا شجعان درعا ما يجي بيد اليؤوس=سيوفكم ضد العدا لازم تسوي ملحمه
شدو عزايمكم سوات الزير في حرب البسوس=خاض المعارك بالمشهّر والخصم ما يرحمه
افعالكم يا ابطالنا تشفي غليل العيطموس=وافعالكم تجمع شتاتٍ ماحدٍ قد لملمه
النصر بعد الجهد والعزه لها طقت جروس=والفارس المقدام يبحث للنصر والمغنمه
الشام وضعه يلفت الانظار والوضع محيوس=اللي ظهر صرنا نعرفه ما خفي ما نعلمه
بشار لا بده يذوق السم من وسط الكؤوس=يطيح طيحه تخلط عضامه ودمه ولحمه
بشار نجس ومن تبع بشار سموهم نجوس=افعالهم في اطفال درعا في الكتاب محرمه
يا أمة الاسلام هذا درس جاء ضمن الدروس=صف العروبة مختلف واحزاب تبغى تقسمه
ياالله في نصرٍ مؤزر في ضحى اليوم العبوس=وترد شام العز والباغي يا ربي تهزمه
وقلوبنا يا شامنا لجلك تفتق في اللبوس=ونفوسنا بعدالقضيه زادها ما تطعمه

6

غمة عساها تنجلي والدم في حال محبوس=واللي تخاذل وش يكون الا اداة مبلمه
ياقادة الاسلام وين الصف واحد والدروس=لابد مانكشف غطا غدر الليال المظلمه
ما عاد فيها يا عرب تكبيل يدين وجلوس=ما عاد فيها يا عنان اليوم روح وكلمه
باب الجهاد المنهجر نفزره في يومٍ عبوس=واللي تولى ما زحف للحق مرفوع قلمه
من كل فجٍ محتمل نبا نسلطها ضروس=نمسح دموع ارض الرسل من جور عرق مسيلمه
نبا ندك الطاغيه من عقب تحديده بقوس=في غارةٍ حربيةٍ بكروز جته مولمه
اما شهاده او نصر من بعدها تعتز روس=وينشر على البيضاء ربيع الشرع ويرز علمه
نصراً مؤزر من عظيم الشان ضاهر ومحسوس=لجل اعتلا رسالة التنزيل محدٍ يضلمه
واللي توثق بالعرى الوثقى لزوم انه يدوس=وجه الكريه ابن اليهود اللي على شكل حلمه
ياشامنا اللي يحتضر والشعب بالظلم مغموس=هذي سبايب زمرة الشيطان فيك ململمه
ذبح واباده من فكر حزب التطرف والنجوس=اخواننا فنيوا وحنا ندعي بالهيلمه
اكفانهم ضني قضت والدفن بانواع اللبوس=وفيض الجنايز ينتضر لن النعوش مسلمه
الغسل من دمع العيون اللي نزل شفرات موس=وامٍ تودع ما انجبت والاب ما الله سلمه
اثار تعذيبٍ على الاجساد يودعك محموس=ماله شبيه الا الثياب اللي تكون مقلمه
ياكيف نغفى ياهل التوحيد ولا قد نهوس=هدو بيوت الله وحنا في سبات العولمه
وقفت عقارب حزة الميدان في كل الطقوس=واللي تسمى بالاسد يرجع على ساس جلمه

7

تكفون خلونا نلقنهم ونعطيهم دروس=عن فزعة المسلم لاخوه أن صاح به والا زهمه
نبى نصبحهم صباح اقشر على سود الجموس=واللي يوقف قدمها روس البنادق تلهمه
دبابه ومدفع معا بندق وتحمينا التروس=والحامي الله فآخر الموضوع والا مقدمه
من فوقهم طيار حربي يعتلي فوق الشموس=طيار لا حدد هدف بالزر الأحمر يعدمه
من تحتهم نارٍ تشب اليا وطوها حد موس=والارض مزروعه قنابل كلها وملغمه
حتى تعوّد سوريا ونزفها زفة عروس=والمجرم اللي خانها ننحره ونسيّل دمه
يا خادم البيتين أبو متعب ترى الوضع محسوس=المعتصم لاجل امرأة ما قام يفرك معصمه
والنخله اللي بالرطب تثمر وفيها دب سوس=يا تنهي السوس بعجل والا الرطب لن تطعمه
هذا عميل الشيعة الكافر وعبّاد الفلوس=الشرذمه طاغي وتحت امرته وظف شرذمه
تقتل وتهتك عرض وتحوس فبلاد الشام حوس=ارواح راحت دون ذنب أسباب ناسً مجرمه
إلى متى حنا جلوس إلى متى حنا جلوس؟=إلى متى ونهاية الموضوع جداً مبهمه؟
إلى متى يتجرعون إخواننا مر الكؤوس؟=إلى متى وأخواننا من مظلمه في مظلمه؟
إلى متى والوضع باقي بين قوس وبين قوس؟=دولة تعارض ما حصل دولة تحاول تدعمه
إلى متى وإخواننا في قبضة يدين المجوس؟=إلى متى مصيرهم ما غير ربي يعلمه؟
سحقاً لضعف نفوسنا سحقاً لإذلال النفوس=سحقاً لمسلم ما انتخى من صوت عذراء مسلمه

8

اي والله ان الشام مبلي ومعفوس=واقع مرير وشر حلمٍ يحلمه
طول وصار الحلم للشام كابوس=وبشار شافه فلم تركي ترجمه
ناب الاسد في جسم الاطفال مغروس=اشبهه راعي غنم يذبح ويصلخ بغنمه
عدوان شعبه يدعمونه بالسلاح وبالفلوس=وهو مثل كلب البليس اللي يشمشم شمشمه
يلعن ابوها ايران والصين والروس=يذبح بشعبه لعنبوه وتدعمه
تكفون يا قضامة الروس بنيوس=عاداتكم بالحرب هشم الجمجمه
تكفون ترى الشام مبلي ومنكوس=رياض الاسعد معه سووا ملحمه
ثوره وخلوها على جيوب وجموس=وحطوا عليها الراجمات بنرجمه
مينا الذخيره والصواريخ طرطوس=نحتلها ما عاد تردعنا الانظمه
متى نشوفه كنه الكلب مدعوس=ويهد تمثاله ويحرق بصنمه
وقولوا لماهر اش يا حمار مركوس=مع حزب نصر الله تربط بسلمه
ونطلع اللي كل مظلوم محبوس=ويسجل التاريخ للحرث دخول العولمه
اهب يا هالقاف مقلي ومحموس=يا سعود صعبته على اللي ينظمه
يا شاعر العرضه ترى البيت معكوس=انته بديت القاف وانا بختمه
في القلطه بيوتك تراها حد موس=وفي النظم يا سعود المسيلي خمخمه

9

الوقت من بعد الرخى صاير لنا وجهه عَبوس=والشام يصرخ والضمائر بالضغائن مُفعمه
كيف الكبير اللي عليه الوقت باقدامه يدوس=يسترخصه دم إِعربي ينخاه ليته يرحمه؟
كيف الشريفه جردوها من عفيفات اللبوس=نامت على دمع القهر تبغى قهرها تكتمه؟
كيف الطفل مايرحمه من شرهم درع وتروس؟=كيف آحرقوه ومثلوا به والعرب مستسلمه؟
كيف اجرموا إجرام مامُؤرس على كل الطقوس=كيف العرب بالصمت تاريخ الأخوة تهدمه؟
عزي لعهد المعتصم سطر لاخوتنا دروس=يوم اصرخت باسمه مره كان الصدى في مقدمه
واليوم يا عنك الاخوة بين رمح وبين قوس=لو هي بنادم كان كفرناه واهدرنا دِمه
يا كيف ثار اليعربي من شان ناقه للبسوس=واليوم ثورتنا سكوت وموت آخوتنا سمه
تكفون لبو للمنادي لاتطيلون الجلوس=تكفون جرح الشام فزعتنا دواه وبلسمه
ذي قار واحداثك غبائن لاتذكرها المجوس=يوم إن كسرى ماهقى قلة عددنا تهزمه
يوم إن سيف اليعربي يترع بدم ودم روس=والسيف دونه سيف مارد الترجي مظلمه
تكفون خلو شامنا ذي قار لو حربه ضروس=خلوا عميل الفرس ملعون الصلايب نعدمه
تكفون فزعتنا وجوب ولاعن الواجب خنوس=آُخوة الإسلام من قال الشهادة تلزمه
تكفون ننصرهم مثل ماناصر الخزرج واوس=نبينا اللي من تهادى عن طريقه ماغشمه
اما قِـفا نبكي على مجدٍ لقى بالوقت بُؤس=والا اكرموا صوت المنادي من سوانا يكرمه