|
||||||||||||||||||
البيعة
البيعه
عبدالعزيز اللي كتب ذكره السيف = يوم العرب كل من الذكر خالي أزاح عن كل العرب ظلمة الحيف = وأعلن جهاده للردي والظلالي جانا من ديار غدا بحجرها ضيف = دار الصباح ودار صفر الدلالي جانا يعيد المجد ويموت الطيف = ويعزف على الواقع بدوس الخيالي جانا يوحد ديرته قريه وريف = بحكم الشريعه والمباح الحلالي الف وثلاثميه وتسعة عشر كيف = سؤال يطرح في سواد الليالي من هو قهر عجلان وأصبح بالأرشيف = واخلف هقاوي بن رشيد الشمالي هذاك ولد الحر ماله تواصيف = صقر سكن كبد السماء والجبالي صقر يهاب اليا وضح للعرب شيف = واليا حضر طاريه جاهم جفالي وحد لنا الدوله وعقب العواصيف = ساد الأمان بجوها والظلالي وكتب لنا التاريخ من صيفها لصيف = وأعلن حدود المملكه بالكمالي وحان الوداع وحان صعب المواقيف = فرقا الملك فرقا الابو والخوالي وعين ملك ثاني نصير المعاريف = واسمه سعود وللكرم بيت عالي ما رد شعبه واعتذر بالمصاريف = ولا قال ما اقدر في مجال ومجالي وبعده ترى فيصل سياسي وهديف = يعرف نقاط الضعف للخصم طالي ناقش قضية قدسنا صدق مو زيف = ونوخ شعوب امريكا مثل الجمالي راح وترك للشعب خالد ولاخيف = على الذي عاش بظلاله وجالي راع العلوم مولف قلوب توليف = واليا طرى كنه بوزيد الهلالي فتره وجانا الفهد والوصف حريف = حريف في فن السياسه ووالي أول وزير للمعارف وبالكيف = يسقي مناهجنا بعلم زلالي مر بمناصب جمه وذاق للكيف= وعرف مطالبنا بليا سوالي وجانا الخبر بالصيف راع الغطاريف = وصار الفرح حزن صباح وزوالي مرحوم يالقايد وستر الهوانيف = مرحوم ياحلال صعب الثقالي لكن ربي عاضنا بدون تكليف= بصقر العروبه والصفه دوم غالي ماله شبيه بروسيا صدق وجنيف = ضلع رسى شامخ ولاهوب مالي أعلنت له بيعه وعفت المظاريف = واقسم برب الكون صدق امتثالي بايامنا الحلوه 00 وسود الحراشيف = سيفه ليا قابل عداه الموالي وترسه ليا جته السهوم المهاديف = وحصنه من الغدره ليا كان سالي بيعة بني الحارث ولا هم ملاقيف = وعند الطلب شجعان راحات بالي وبيعة رجال العلم من دون تغليف = وصدق المشاعر شرحهم بالتوالي إل خادم البيتين ما هي سواليف = بيعة ولاء عهد ووفاء بارتحالي تم القصيد وما بقي غير تعريف = للشاعر اللي قاف شعره مثالي منية يمينه للتحيه وتشريف = تشريف شيله للنجوم الغوالي شاعر مغمور
التعديل الأخير تم بواسطة صويب الوله ; 14 Jun 2006 الساعة 03:26 AM
|
13 Jun 2006, 04:08 AM | [ 2 ] | ||||||||
عضو متميز
|
حيأأأك الله يا شاعر مغمور صح لسانكـ على هذه القصيدهـ 1000 شكر ويعطيك العافيه |
||||||||
14 Jun 2006, 02:37 AM | [ 3 ] | ||||||||
عضو متميز
|
صح لسانكـ أخوي شاعر مغمور بيض الله وجهك قصيدهـ رآئعه لآ هنت يالنشمي |
||||||||
|
|||||||||
14 Jun 2006, 03:29 AM | [ 4 ] | ||||||
|
صح لساااان أخوي الشاعر الرائع ورحم الله الملك الموحد وأبناءه الملوك الابطال لاهنت يالقرم على رائعتك وحياك الله يالغالي |
||||||
|
|||||||
14 Jun 2006, 06:58 AM | [ 5 ] | |||||||
|
صح لسانك مليون....يستاهلون الكرام البيعه!!!
|
|||||||
|
||||||||
14 Jun 2006, 09:46 AM | [ 6 ] | ||||||||
مؤسس شبكة الشدادين
|
يستاهلون البيعة الله يعزهم وينصرهم على عدوهم صح لسانك يا شالشاعر المغمور وبيض الله وجهك حياك الله وننتظر قادمك الجديد |
||||||||
|
|||||||||
14 Jun 2006, 10:31 AM | [ 7 ] | ||||||
|
صح لسانك اخوي شاعر مغمور والله يحييك |
||||||
|
|||||||
14 Jun 2006, 10:35 AM | [ 8 ] | ||||||
|
|
||||||
14 Jun 2006, 04:06 PM | [ 9 ] | |||||||
عضو متميز
|
ونعم فيك وفيهم وصح لسانك ويستاهلون ارواحنا ياشاعرنا المغمور نتمنى ان نرى جديدك |
|||||||
14 Jun 2006, 04:34 PM | [ 10 ] | ||||||
|
شكرا وبيض وجيهكم على هذا الثناء الولهان وسيف الشدادين وصويب الوله وسعود سليمان(ابو عبد العزيز) والسلطان وابو راكان وسلطان جديد والشدادي وتقبلوا تحياتي شاعر مغمور |
||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ذكرى البيعة الخامسة | طفلة الثلج | القسم العام | 7 | 09 Jun 2010 08:15 PM |
|