يا حمامة كفّي .. الله لا يجزاك خير

(يا حمامة) للشاعر خالد مدعث الدوسري بصوت مهنا العتيبي
[RAMS]http://www.6rg.net/Listen/SheiLaT/2/Ya_7mamh.rm[/RAMS]
ياحمامه كفي الله لايجزاك خير للشاعر / خالد بن مدعث الدوسري

يا حمامـه كفـى الله لا يجـزاك خيـر=من صلاة الصبح وانتي تجريـن النيـاح
كان من جور المحبه غدا شـرك شريـر=والله اني ذايـق ٍ قبلـك السـم الذحـاح
وكان لوعاتك من الوقت ومفارق عشيـر=والله ان قلبي من فراق خله ما استـراح
وكان مفجوعه على فقد عش ٍ مستديـر=والله اني فاقـد شـوف نجـد ٍ والفيـاح
من سمعتك يا حمامه وانا ما اقول غيـر=لى متى هذا الشقى؟؟ واردف الونه صياح
ما عليك خلاف عنـدك جناحيـن تطيـر=مير انا وشلون بانزح وانا ما لي جنـاح
مالي الا اسوق قلبي مع الغربي عصيـر=واسهر عيوني لامن شعـاع البـرق لاح
اتذكر واتوجـد علـى مـا فـات ميـر=ما ورا زود التوجـاد والذكـرى صـلاح
قبلنا شالح توجد علـى أخـوه الصغيـر=راح أخوه وعقب ما راح ذيب الخيل راح
واتوجد وجد من صار شـره مستطيـر=وجد سعدون العواجي على طيور الفـلاح
كل ليل وعبرتي تلتقـي عقـب الأخيـر=تبتلينـي دمعـة العيـن لحـد الصبـاح
والبلا لا صاح قلبي ورا الضلع القصيـر=عوية الذيب المذير مع الحـزم البـراح
لا بغيت ادله من الهم واسـلا واستخيـر=حدني من حده القـوم بزنـود السـلاح
من بعد نجد العذية وانـا مانـي بخيـر=التفت لا اقفيت عنهـا تلفـات الطيـاح
واتثاقل خطوة الرجـل واقدامـي تحيـر=وكن صدري باجداته زواريـق الرمـاح
يوم اجيها مثـل ورد الضوامـي للغديـر=اتعجـل بالمجـي واتبـاطـا بالـمـراح
دبرة الله مجري الفلك بالبحـر الغزيـر=جاري حكمه علينا مثل مجـرى الريـاح
واتعبتنـي حاجـة ٍ وردتنـي كـل بيـر=ارتوي هماج والناس يـروون القـراح
واحد ٍ حظه يشيله علـى شـداد البعيـر=واحد ٍحظه لا شاله تكرسـع ثـم طـاح
من ثلاث سنين وانـا اتحـرى للبشيـر=والبشير ابطا وانا سدي من البعـد بـاح
يا بشير الخير عجل عسى دربك سفيـر=لا تخلي للسهر جفـن عينـي مستبـاح
كل يوم اقول بكـره يجـي منـك نذيـر=وانقضت الايام والحين ما صـار اللقـاح
ما توَرد جمـة البيـر بسلـوك الحريـر=ولا اطلق المسجون هرج التعلل والمزاح
ما لقينا بالزمن كود مـا يلقـى الفقيـر=طامع ٍ بالمـال والمـال بيديـن شحـاح
يدري الله والعرب مادروا باللـي يصيـر=مير نوحي ياحمامـه واجاذبـك النيـاح

نقلتها لكم لعلها تحوز على رضاءكم وفقكم الله

لا هنت ولا هان غاليك يا أبو مشعل على هذه الرائعة
وتسلم يمينك وصح لسان الشاعر ابن مدعث
ما قصرت يا الذيب

السلطان

زيارتك لهذه القصيده تحفه تستحق إلاشاده من شخصي الكريم

ولك تقديري

ياهلا وغلا بك يا أبو مشعل

وبيض الله وجهك يالطيب

صوت جميل وقصيدة رائعه وتنسيق أجمل

سلمت ودمت

وفايف ستار يالذيب

يعطيك العافيه اخـوي ابومشعل

قصيده جميله وصوت رنان

الله يعطيك العافية ياسمو الأمير ابومشعل
قصيدة رائعة واداء رائع

بندر

برق

رعد


أشكركم والله يوفقكم على تواجدكم المشرف وفقتي اليوم ودوم

موفق في اختياراتك
ياأبو مشعل
لاهنت يالذيب

وافي الشدادي

تسلم على التواجد المشرف وفقك الله