تحدي من الوزن الثقيل

حياك الله يابن دويس

وتراها تحدي

الليله الليله ترى ماهيب ليلة مسلمين=اما نطير جنها ولا نخرب فنها
الحشر جاكم يالسنافي من يسار ومن يمين=لكن تقدم والبيوت ام الجزاله غنها

يا مرحبا ياصاحبي وان كان لك عقل ٍ فطين=جنب عن دروبي وخل الناس تحسن ظنها
وين انت عن خوة هل القالات والطالات وين=وانا المهار اللي تخالفني بأجي و أعنهــا

		المشاركة الأصلية بواسطة : عمر ابن دويس اقتباس
	يا مرحبا ياصاحبي وان كان لك عقل ٍ فطين جنب عن دروبي وخل الناس تحسن ظنها وين انت عن خوة هل القالات والطالات وين وانا المهار اللي تخالفني بأجي و أعنهــا

الله الله

دام البقاء واللي تخفى يافتى لازم يبين=واليا شريت الصكه الاخرى بندبل صنها
ما اطرد ورى المقفي يابن عمي وانا ذرب اليمين=واجراس خلق الله تدور من يجي ويرنها

دامك نويت النيه القشراء معي ربك يعين=يا اللي حرمت الضيف من دلتك تشرب بنها
وين انت سارح عن دروب الشعر والخير السمين=لكن جعل الله يصبر لابتك ويمنها

		المشاركة الأصلية بواسطة : عمر ابن دويس اقتباس
	دامك نويت النيه القشراء معي ربك يعين يا اللي حرمت الضيف من دلتك تشرب بنها وين انت سارح عن دروب الشعر والخير السمين لكن جعل الله يصبر لابتك ويمنها

انته تهرب ماتبي تنصى الرجال الغانمين=وانا ليا زانت لي الاوتار قمت ادنها
غانم وربعي تفتخر بي ياعمر طول السنين=لكنك اركد والقصور اللي تذري بنها

ما دام ربعك تفتخر بك وانت ما عندك عوين=هن القبيله بك على راس المشارف هنها
مواقفي بانت مع ربعي قبل شعرك يبين=وانا معي سكين في وجه الرخوم أسنها

		المشاركة الأصلية بواسطة : عمر ابن دويس اقتباس
	ما دام ربعك تفتخر بك وانت ما عندك عوين هن القبيله بك على راس المشارف هنها مواقفي بانت مع ربعي قبل شعرك يبين وانا معي سكين في وجه الرخوم أسنها

خذها على البيبان ياللي ماعرفت الدرب زين=كن الزقاره بعد ماجوك تنكد كنها
حنا نسل السيف ابو حدين ضد المعتدين=واللي معه سكين ياكم ونةٍ بيونها

صح لسانك ياعمر

استمتعت بالمحاوره معك

وهات الختام طال عمرك

يا ولد شداد الله يعين القروم الصابرين
طروقك اللي تخلف الهقوات تعبت منها

وانا معك شاعر ذبحتك لين بيحت الكنين
كن القصايد ودها تسلم كسورك كنها

بيض الله وجهك يا أبو عبيد
وكذلك شاعرنا ابن دويس
وصحت ألسنتكم ولا هنتوا
وإلى المزيد من المحاورات
والله يوفقكم

صح لسانك يابوعبيد
وصح لسانك ياعمر بن دويس
كفييتو وفييتو