آخر 10 مشاركات |
مختارات | زيادةُ القولِ تَحكي النقصَ في العملِ ومنطقُ المرءِ قَدْ يَهدِيه للزلل |
مواضيع ننصح بقراءتها |
|
||||||||||||||||||
صفحة الشاعر / عبدالله بن حديّد الشدادي رحمه الله
|
08 Jan 2012, 12:58 PM | [ 2 ] | ||||||||
مؤسس شبكة الشدادين
|
رد: صفحة الشاعر / عبدالله بن حديّد الشدادي رحمه الله
الشاعر/ عبدالله بن سفر بن حديد الشدادي رحمه الله شاعرنا احد شعراء الشدادين المميزين والمعروف لدى شعراء قبيلته هو الشاعر عبدالله بن سفر بن معيض بن عواض بن حديد الشدادي الحارثي , ولد عام 1371هـ بالحارثيه ديار اباءه واجداده وعاش بالباديه مع والده سفر بن حديد ( اخو قطنه ) وتعلم منه الصفات النبيله من الكرم والشجاعه وعاش شاعرنا في بيئه شعريه اصيله فوالده سفر بن حديد شاعرا واخوه بسيس بن حديد شاعرا واخوه سعد بن حديد شاعرا عليهم رحمه الله التحق شاعرنا وعمل بالحرس الوطني بينبع بتاريخ 18\12\1408هـ تميز شاعرنا بالعذوبه بالشعر, وعدم التكليف, وقوه المعنى كقوله فاحدى اشعاره ممتدحاً قبيلته : ذكرت ربعي طحاطيح الشداديني = خيالهم لو يشوف الموت ماهابه لقيتهم من شمال العد ويميني = في رأس حزمٍ تهب الريح بترابه فعول ربعي تورخ في المياديني = لاصاح صياح جاء للخيل ركابه على مهار شقر مثل الشياهيني = واليا اعتزوا كلٍ اخذ السيف بنصابه فعولهم شيب رؤس الرضيعيني = يومٍ كلٍ معه شلفى ومشعابه كم شيخ قوم قسمه الرمح قسميني = وكم شيخ قوم تعشت رأسه ذيابه اهل البلاجيك لانادى المناديني = والله مايخطي الرماي مضرابه من مات جعله شهيد مع الشهيديني = والحي سعد الرفيق اليا تعزوابه حنا الشدادين من رؤس القحاطيني = واميرنا لابدانا الريع يبدابه معروف عند القريب والبعيديني = والبيت للي يبا به بدون بوابه ولقد توفي شاعرنا عبدالله بن سفر بن حديد في 28 / 7 / 1424هـ رحم الله شاعرنا واسكنه فسيح جناته |
||||||||
التعديل الأخير تم بواسطة عيد الشدادي ; 09 Jan 2012 الساعة 12:57 AM
|
|||||||||
08 Jan 2012, 01:08 PM | [ 3 ] | ||||||||
مؤسس شبكة الشدادين
|
رد: صفحة الشاعر / عبدالله بن حديّد الشدادي رحمه الله
ولشاعرنا المرحوم عبدالله قصائد كثيرة سوف نستعرضها هنا تباعاً ونرجو ممن لديه أي مشاركة عن هذا الشاعر أن يتكرم بها مشكوراً يالله يامنشي السحاب المزابير = إنك تعدينا سبايب خطرها اون في كبدي سوات المسامير = على شيوخ روحوا في خبرها كانوا يدن وحده على الشر والخير = ومجالسن للي يجيها شكرها العود يدرج والمصافي مناحير = ومفطحاتٍ سمنها من ظهرها حريمهم مانقشن بالمناكير = ماحطت الحمره وقصت شعرها اليا أخذت القربه تبى الماء من البئر = محلى القلاده ترتعش في نحرها من يوم راحو والليالي مدابير = ماعاد نعرف شمسنا من قمرها البارحه كثرت علي التفاكير = صبت عيوني فوق خدي مطرها صفت همومي عند وجهي طوابير = والناس تسبح في شواطئ بحرها أحدن سند وأحدن يحب المحادير = وأحدن يبا جبر العظام وكسرها فروا علينا الناس مثل العصافير = والله يشقر من عصانا شقرها اصحابنا صاروا سوات المناشير = تموت حر وكيدها في نحرها صرنا هدف للي يدق المزامير = والناس عور ولاتبين عورها لاوالله الي عكر الجو تعكير = واشوف بعض الناس محدن ذكرها لبسيس ابو فواز حشمه وتقدير = الرجل عن بعض الجماعه قصرها اهو ذرانا عن هبوب المعاصير = من دوننا ياكم خساره خسرها نفسه عزيزه ومايحب المساير = وله ميزتن عينه بعيدٍ نظرها لو طاعني قلبي تصدقت ببعير = لحرق بنات الشيخ وادفع مهرها على النبي صلوا صلاه وتكبير = عداد ماشاف القمر من بشرها |
||||||||
08 Jan 2012, 01:16 PM | [ 4 ] | ||||||||
مؤسس شبكة الشدادين
|
رد: صفحة الشاعر / عبدالله بن حديّد الشدادي رحمه الله
وهذه القصيده قالها الشاعر عبدالله بن حديد مرثيه في الشيخ فواز بن زياد يرحمهم الله جروح قالبي قامت اليوم تزداد = واليا برت جاله جروح جديده ياكبدي الي ماتبى الشرب والزاد = قامت تداهمها همومٍ عديده مرحوم ياشيخ من الاد شداد = لا والله اللي راح منا فقيده يعوضنا فيك الصبر يابن زياد = وتعوضك الجنه هو اللي تريده محشوم عن درب الخطاء والتنقّاد = محشوم ياراعي الصفات الحميده الوجه ينور كانه الفجر لاانقاد = ونصائحه للي يبيها مفيده عنيد ابو فاهد اليا جاءت العناد = وان قلت الجمه ذراعه عضيده حرٍ ولد حر على كف صياد = يبى العشاء من صيده اللي يصيده إن جئت ابى ارثي ماله اعداد = ولا ودي اكثر بيوت القصيده الله يصبر لابس حجاب وحداد = سنه محمد ساسنا والعقيده الموت حق ولا على الارض مقعاد = الي خلقنا الله وحنا عبيده وصلاه ربي عد مادن رعاد = على النبي عده حروف القصيده |
||||||||
08 Jan 2012, 01:18 PM | [ 5 ] | ||||||||
مؤسس شبكة الشدادين
|
رد: صفحة الشاعر / عبدالله بن حديّد الشدادي رحمه الله
هذه القصيده قالها الشاعر عبدالله بن حديد عندما كانت اخته ام سعد منومه في العنايه المركزه رحمهم الله يالله ياعالم بما تخفي الناس = يالي ظلالك فوق خلقك يظلي
تشفي لمن حطوا على قلبها اجراس = المسلم اللي للفرائض يصلي سهرت ليلي بين همٍ وهوجاس = وأقول يامتى هالخطوره تزلي تقول في كبدي سكاكين وأمواس = تذرف دموعي مار محدن فطن لي مجار من قوه الوجع يأخت هباس = يالي لاجيناك قامت تهلي امٍ حنون أفعالها ترفع الرأس = وجيرانها من شوفهم ما تملي الله يجيرك يأم متعب من الباس = شقيقتي وأفخر بها عزوة لي |
||||||||
08 Jan 2012, 01:20 PM | [ 6 ] | ||||||||
مؤسس شبكة الشدادين
|
رد: صفحة الشاعر / عبدالله بن حديّد الشدادي رحمه الله
هذه القصيده قالها الشاعر المرحوم عبدالله بن حديد مرسلة الى زياد بن فواز يافائز اركب موترن يرعد رعاد = فرتٍ شكامينه سوات الربابه
فرتٍ جديدٍ ماشريناه باقصاد = ريح الخواجه في المقاعد وبابه ومكيفن تنعش الروح ببراد = وثلاجه فيها الطعام وشرابه علاه سواقن من الاد شداد = ضاري على درب الخطر مايهابه يسرح من الطائف يبي دار الامجاد = أديار ابن مهرس معشي الذيابه واليا وصلت انشد عن الشيخ زياد = هداج تيماء مثل وبل السحابه البيت للضيفان مزبن وميراد = زبن الدخيل اليا انتخاء التوابه اليا اعتزاء تم قال انا ابوك ياطراد = يرد سيف المعتدي في قرابه قله ترانا بيننا الملح والزاد = اليا نسى حبل الصله والقرابه تسمع كلام الي يسمون الكباد = راعي النفاق الله يدمر شبابه اخذ الكلام اللي توقد توقاد = والرزق عند اللي وسيع جنابه اوفيت مخلاصك ولي عندك اسناد = ولا لك لزوم في الورق والكتابه تسلم وتبني بالفلل يابن الاجواد = ويدوم بيت العز مفتوح بابه عسى الليالي المقبله كلها اعياد = وكلن على قده يفصل ثيابه وصلاه ربي عد مارد رواد = على نبين من خيار الصحابه |
||||||||
08 Jan 2012, 01:26 PM | [ 7 ] | ||||||||
مؤسس شبكة الشدادين
|
رد: صفحة الشاعر / عبدالله بن حديّد الشدادي رحمه الله
هذه قصيده قالها للشاعر رحمه الله في ولد اخوه بندر بن سعد وصيه بزواجه بديت باسم الله صدوق الوعودي = اللي خلقنا ثم خيره لنا عم
أوصيك يابندر عريب الجدودي = وصيه ان ماجربتها ماتندم صل الفروض الخمس ساس العمودي = هي عمود الدين وبها تلزم إن كانت تبغى العز ترق سنودي = لاطعت ربي ينجلي عنك الهم أنته من اعز الشباب السعودي = عساك من صكات الايام تسلم أنهض كما شيهان خل الرقودي = عند يؤمن الارزاق تقسم وان كان تبغى الزين غض النهودي = راعي القرون الشقر حال المبسم ابو شفائف حمر مثل الورودي = وخدودها رويانتٍ صافي الدم بنت رجال الي سوات الفهودي = مكرمه معاشت الهم والغم وليا ضميت اشرب قداح العدودي = مايروي الضامي يقع صافي الجم يالله يامنشئ صدوق الرعودي = انك تعافي اهل القلوب المهيم عسى زمان العولمه مايعودي = تمشي المره في السوق من غير محرم |
||||||||
08 Jan 2012, 01:27 PM | [ 8 ] | ||||||||
مؤسس شبكة الشدادين
|
رد: صفحة الشاعر / عبدالله بن حديّد الشدادي رحمه الله
هذه القصيده قالها اللشاعر رحمه الله عليه بمناسبه زواج عبدالله بن سعد يامرحبا في محل طوال الايماني = عند النشاما بخور العود والدله
ذوي بنيه سوات السيف شاماني = سعد من شيوخهم والشبل عبدالله اخو مشاعل نهار القوم قوماني = يحقق اللي يبى مايعرف الذله اخذت بنت الاصل من رؤوس عتباني = جعلك بمال وبنون وتعمر الحله ورت عدّن قراحٍ وانت ضمياني = الله يهنيك بالي نور الفله |
||||||||
التعديل الأخير تم بواسطة عيد الشدادي ; 09 Jan 2012 الساعة 12:52 AM
|
|||||||||
09 Jan 2012, 01:09 AM | [ 9 ] | ||||||||
شاعر
|
رد: صفحة الشاعر / عبدالله بن حديّد الشدادي رحمه الله
هذه القصيده لشاعرنا المرحوم وقد قالها قبل وفاته بعدة اسابيع .. رحمة الله عليه لم توضع القصيده كامله في اول الصفحه ..ولكنها الان مكتمله ماعاد ادل الطريق اللي يوديني=واللي من الله بنومن به ونرضابه اون والناس بالعمران لاهيني=احدٍ يغني واحد خلاقه ادرى به نارٍ تجدد على قلبي تصاليني=واليا انطفت جاء جديدٍ يشعب ركابه يالله ياللي خلقت الناس من طيني=تجيرنا من عذاب القبر وحسابه طارٍ طرالي وانا اللي في كافيني=خلى دموعي على الخدين سكابه ذكرت صوت الحوير والبعاريني=وذكرت طرشٍ تداحم فوق مشرابه وذكرت خلفٍ تحلب فالموازيني=حليبها مايجيه خلاف شرابه ذكرت ربعي طحاطيح الشداديني = خيالهم لو يشوف الموت ماهابه لقيتهم من شمال العد ويميني = في رأس حزمٍ تهب الريح بترابه فعول ربعي تورخ في المياديني = لاصاح صياح جاء للخيل ركابه على مهار شقر مثل الشياهيني = واليا اعتزوا كلٍ اخذ السيف بنصابه فعولهم شيب رؤس الرضيعيني = يومٍ كلٍ معه شلفى ومشعابه كم شيخ قوم قسمه الرمح قسميني = وكم شيخ قوم تعشت رأسه ذيابه اهل البلاجيك لانادى المناديني = والله مايخطي الرماي مضرابه من مات جعله شهيد مع الشهيديني = والحي سعد الرفيق اليا تعزوابه حنا الشدادين من رؤس القحاطيني = واميرنا لابدانا الريع يبدابه معروف عند القريب والبعيديني = والبيت للي يبيه بدون بوابه قلت الحقيقه عن اللي شافته عيني=وافواه شيابنا ماهي بكذابه واختامها الورد الاحمر والرياحيني=والعود الازرق على الذربين يمشابه وصلاة ربي على اللي وحد الديني=نبينا اللي هدانا واقتدينا به |
||||||||
التعديل الأخير تم بواسطة عيد الشدادي ; 20 Feb 2012 الساعة 11:34 PM
|
|||||||||
15 Jan 2012, 03:31 AM | [ 10 ] | |||||||
عضو جديد
|
رد: صفحة الشاعر / عبدالله بن حديّد الشدادي رحمه الله
بــديــت بــســم الله الـرحـمــن=عـلـى النـبـي عـــد مـــن زاره
ذكـــرت وقــــتٍ مــنــول كــــان=لــــكــــن الايــــــــام غـــــــــداره وقـتٍ مضـى كــن مـاقـد كــان=يـاحـلـوهـا قـطــفــة اثــمـــاره خوينـا مثيـب ابــن مشـحـان=وابـو حـمـد عـاشـت اخـبـاره فـي كـل ماقـف تقـول اخـوان=بـالـصـدق مـانـنـوي الــبــاره نمشـي مـع البـدو والرعيـان=فـــي واديٍ تـنـعـش ازهـــاره وابــو سـعـد حـاكـمٍ شـمــران=وعطـو عـلـى مـوتـه ابـشـاره صــدر قـــراره عـلــى عـلــوان=يحـكـم وحـنـا مـــن انـصــاره تشهـد لـنـا سـكـت الضلـعـان=ويشهد لنا المـور ابـو خيـاره وتشهـد لنـا حــرة السبـعـان=ويشهـد لنـا الـحـزم وغـبـاره ويشهد لنا القهوجـي شنـان=لاقـــــــدم الـــبــــن وبــــهــــاره ويشهد لنا العم ابـن نمشـان=وتشـهـد لـنـا عـمـدة الـحـاره ويشهد لنا الصوبر البطـران=مــاهـــم راعـــيـــه مـــشـــواره ويشـهـد لـنـا راعــي الـمـيـزان=لاشــافــنــا قـــــــال طـــيــــاره ويشـهـد لـنـا قـدرنــا المـلـيـان=لا قـــــام يــومـــي بـصــفــاره ويشهد لنا طعس في نـاوان=مـيـقـافـنــا اخــــــر الـــغــــاره ويشهد لنا الشرطي الغلبان=لا شـــافـــنـــا صـــــــــك دواره اخـذت سجـه مـع الشجـعـان=والـعـافـيـه اكــبـــر اتــجـــاره والشوف تـاجٍ علـى الانسـان=والـيـا طـفـى طـفــت انـــواره هلت دموعـي علـى الاوجـان=ازريــــت لا اســــوق ســيــاره اركب وراء خلف ابن صيتان=وحسبـتـنـي كـبـتـن الـطــاره عوت اراعي رضـاء الورعـان=صــحـــيـــح الايـــــــــام دواره كــن الكـبـر فــي شكـلـه بـــان=مـــن يـــوم حـطـيـت نـضــاره عـان الزمـان اختلـف يـافـلان=الـفــيــن يـامـكـثــر اخــطـــاره عان المرض هب في الحيوان=والـنـاس لحقـتـهـم اضـــراره اطلبـك يـا الله عظـيـم الـشـان=اتنـجـي الـخـلـق مـــن نـــاره |
|||||||
|
||||||||