خَفياّت النوايَا !

.

لاتاخذك كبر الهقاوي و كثره = لابد ماتنثر مدامعك صَيبه
وليا نثرت الدمع إياك تشره = الا على عقلٍ هقاويه رِيبه
حلمك على بعض المخاليق عثره = ياتيك من حلمك عليه مالصيبه
خذ من زمانك و المخاليق عبره = ماكل من دق الصدر تنتخي به
كم من غريبٍ شال همك بكبره = كنه على أفراحك موصى يجيبه
وكم من قريبٍ حط بالكبد جمره = خلى ضلوعك تصتفق من نحيبه
يالله ياللي مجري الكون بأمره = الشمس في أمرك تجي من مغيبه
وتعلم خفيات النوايا و ضَمره = ترى النمل بالقاع وتسمع دبيبه
لاتجعل فعولي مع الناس نَكره = أبي يقال عل هذيك النجيبه
ولا تمشيني دروبي و أنا أكره = و أبسط على ممشاي قدرٍ و هيبه
وهون على ضيقاتي اللي تخبره = اللي مضت بالفايته و القريبه

ل شاعرتها الراهية

صح لسان شاعرتها

متميزة باختياراتك سارة
تنقلين ما يستحق القراءة
و تألقك يستحق الاشادة و الكتابة

أهلاً يّاجميلة ،

يسلم اختيارك والله يسعد صباحك ..

اختيار رائعه ي ساره
ابدعتي ياجعل تسلم يمناك "

		المشاركة الأصلية بواسطة : غريب اقتباس
	صح لسان شاعرتها متميزة باختياراتك سارة تنقلين ما يستحق القراءة و تألقك يستحق الاشادة و الكتابة

حياك الله غريب صح بدنك
دُمت بخير و لا هنت ممُتنة على جميل الإشادة

		المشاركة الأصلية بواسطة : زهرة الكرز اقتباس
	أهلاً يّاجميلة ، يسلم اختيارك والله يسعد صباحك ..

و أهلاً بعودة الكرز و زهرته الغالية
سلم قلبكِ و عمركِ و مساؤكِ نور على نور

		المشاركة الأصلية بواسطة : سوكراَ اقتباس
	اختيار رائعه ي ساره ابدعتي ياجعل تسلم يمناك "

هلا و مسهلا سوكرآ تسلم روحكِ لا عدمتكِ

احسنت وتسلم يديك ويعيش ذوقك
يا سارة الغيد
وصح لسان الشاعرة الراهية
على هذا الابداع

		المشاركة الأصلية بواسطة : السلطان اقتباس
	احسنت وتسلم يديك ويعيش ذوقك يا سارة الغيد وصح لسان الشاعرة الراهية على هذا الابداع

حياك الله ي السلطان ومن قال سالم لاهنت
صح حضورك و تواصلك الدائمين