بإختصار

اعتقد أنها لم تكتمل ولكن إذا لها باقي ستتم اضافته

آمل ان تنال اعجابكم :chkmk_ant

بإختصار إذا تبيهـا بإختصـار=ضاااااايق ٍ بالي ومليـت الصبـر
اطول اللحظات لحظات انتظـار=كيف لوكان انتظار اجمل خبـر
بسألـك بالله ساعـه فالمطـار=كيف تقضيها قبل رحلة سفـر
كيف واناالمنتظر حسم القـرار=في مصير انسان مع رحلة عمر
لاتضيعني معك في هالمسار=افهم الغايه ترى الدنيا عبر
في زمان العولمه والاحتكار=ياحبيبي صوبنا لد النظر
اتصبر لو بوسط القلـب نـار=في رجاء طلتك ياوجـه القمـر
كوكبك مع هالكواكـب فالمـدار=خطوةاقدامي يسيرهـا القـدر
ضاعت الحيله وحار المستشار=عالج الموقف يابو طرف ٍ حور
اووووه يالبى القوام وهالوقار=يابعدهم كلهم ساعة حظر
من بنات الفكر لك عليك أغار=وأنت لاأعذب خاطره تأمر أمر

تركي الشدادي

يا هلا والله وغلا شاعرنا تركي

ومرحبا تراحيب الأمطار ,,

صح إلسانك وطاب فالك يالطيب

لا تحرمنا من جديدك ..

		المشاركة الأصلية بواسطة : بندر النايف اقتباس
	يا هلا والله وغلا شاعرنا تركي ومرحبا تراحيب الأمطار ,, صح إلسانك وطاب فالك يالطيب لا تحرمنا من جديدك ..

ياهلا وغلا أخوي بندر النايف

صح بدنك ويشرفني مرورك طال عمرك

ومابه جديد يابندر بس هذي مدري كيف ظهرت

ولا لي عن الغزل وطروقه فتره ماطرى على البال

يا مرحبا بأبو عبدالله
والله يحييك وكل عام وأنت بألف خير
وباختصار من عندي
أنت مبدع ومتميز
وفقك الله وصح لسانك

		المشاركة الأصلية بواسطة : تركي الشدادي اقتباس
	ياهلا وغلا أخوي بندر النايف صح بدنك ويشرفني مرورك طال عمرك ومابه جديد يابندر بس هذي مري كيف ظهرت ولا لي عن الغزل وطروقه فتره ماطرى على البال

إذا تركي ما عنده غزل

أجل من عنده ؟؟

نبي غزلياتك فديتك

ولو تتابع برنامج الساعه 2 في الليل على mbc كانت هطلت أمطارك غزل كلها :icon_mrgr

فيها حليمة بولند ^_^

صح لسانك يا أبو عبدالله

وأنت شاعر بحر وقصيدك يعتبر منهج دراسي للشعراء

صح لسانك ياتركي

شاعر جزل

الله يعطيك العافية

امتعتنا بجديدكـ

صح لسانك يا أبو عبدالله

الله يعطيك العااافيه

		المشاركة الأصلية بواسطة : السلطان اقتباس
	يا مرحبا بأبو عبدالله والله يحييك وكل عام وأنت بألف خير وباختصار من عندي أنت مبدع ومتميز وفقك الله وصح لسانك

هلا ابو نوره وانت بالف خير

وصح بدنك

لاهنت ياقدع

		المشاركة الأصلية بواسطة : بندر النايف اقتباس
	إذا تركي ما عنده غزل أجل من عنده ؟؟ نبي غزلياتك فديتك ولو تتابع برنامج الساعه 2 في الليل على mbc كانت هطلت أمطارك غزل كلها :icon_mrgr فيها حليمة بولند ^_^

اخوي بندر طال عمرك الدعوى صوم وطاعة رحمن وانت ناوي تمسك بي طريق غير

المسلمين مكه مايمرها الله يرحم ابوك لاحليمه ولا غيرها حليمتنا
ههههههههه