يا أهل قيا والصور تكفون

يا الله يـا مـن لـه سجـودي وطاعتـي=يـا مرتجـى الإنسـان وقـت الضـيـق
تغفـر لـزلاتـي و تمـحـى خطيـتـي=إليـا بـرق شوفـي ونشـف الـريـق
الحارثـي يبـنـي بـيـوت المعـانـي=مبنـى علـى سـاس ثـبـات وثـيـق
حنا بن الحـارث هـل العـرف والوفـاء=نـعـم الـرجـال و مجـدنـا عـريـق
بـلا قصـور فــي جمـيـع القبـايـل=مـن الجنـوب الـيـا شـمـال بقـيـق
مـن لا يسنـد منسبـه فــي قبايـلـه=مـا هـو نجـل حـر شـهـام طلـيـق
ومـن يتـكـل بالله يـعـزه وينـصـره=وعــدٍ عـلـى رب العـبـاد حقـيـق
يـا الله ترحمـنـا و تـرحـم بـلادنـا=مـن مزنـةٍ منـهـا الـديـار تفـيـق
دار المـلـوك آل السـعـود الأصـايـل=اللـي لهـم مـنـزل رفـيـع شهـيـق
عبـدالله وسلـطـان وخــوان نــوره=الـعـزوه الـلـي للـحـكـم تـلـيـق
من حبهـم حبـوه و اللـي شنـا لهـم=يصبـح سجـيـن ورهــن للتحقـيـق
ويا جاهل الدنيـا خـذ النصـح والعبـر=و أحـذر بعـدهـا تخـطـي الطـريـق
فـكـرت فالدنـيـا وجـربـت مـرهـا=ولقيتـنـي فــي بحـرهـا غـريـق
مـا قصـر مسافتهـا ومأبخـل يدينهـا=ودون الـرجـاوي بـابـهـا غـلـيـق
و الخيـر لــه درب وسـيـع ميـسـر=والشـر لــه درب عسـيـر عـويـق
والنـاس فيهـا تاجـد الـلاش والكفـو=وفيهـا الـردي والخـبـل والحـذيـق
الـلاش يـا مقصـر يمينـه وخطـوتـه=لـو كـان مـن سـد البحـور يـويـق
والرجل يبقى رجـل مهمـا يصيـر لـه=سـقـم المـعـادي سـعـد للـرفـيـق
و أعـط الصداقـه كـل مـن يستحقهـا=حيـث الصديـق الكفـو أخـو شقـيـق
تلقـى صديقـك حـزة العسـر والقسـا=ظلـه مثـل ظـل الـهـداء وطـويـق
صديقـك اللـي منـه خـيـر ومــودة=مثـل الـذهـب والـمـاس والعقـيـق
و عاف الرخيص اللي رخيصـه معادنـه=لـو جالهـا بـيـن الحـجـار بـريـق
و لا تعطـي العربـان كــل المحـبـة=غــدر المحـبـه جرحـهـا عمـيـق
و لا تعطـي العـدوان كــل الـعـداوة=كـم واحـدٍ بـعـد الـعـداء صـديـق
و أهل الردى والكره مـا وصـل بيوتهـا=لــو قلطـوهـا مـنـدي وسـلـيـق
أجـي لمـن عنـده سفـاط وبشـاشـه=لـو ماجـد إلا قـرص فــي طبـيـق
و أهل الخطـاء مانـي بتابـع دروبهـا=يـجـي لـهـا فالمخطـيـات زهـيـق
ومن يشـري الطلبـه ويصبـح زبونهـا=يـروح فـي ليـل وظــلام سحـيـق
فـرق بنـي عمـه وفــرق رفاقـتـه=سـوات مـن ثوبـه علـيـه شقـيـق
لا هـو بمتلـبـس ولا هــو بـعـاري=ولا عـلـى بــرد وسـمـوم يطـيـق
والـحـق يـامـا غيـرتـه الـدعـاوي=يلفـقـونـه بـالـكــذب تـلـفـيـق
وراع النميـمـه والفـتـن والمشـاكـل=عـســاه زاد الـنــار والـحـريـق
و يا عزوتي يـا تـاج راسـي ولابتـي=يا هل قيـاء والصـور و أهـل زريـق
حثوا على المعروف وانهوا عن الخطـاء=وكونـوا علـى ميـل الزمـان فـريـق
وصلـوا علـى خيـر البريـة وصاحبـه=مـحـمـد المـخـتـار والـصـدّيــق

الشاعر / نايف بن مطر بن عمار الحارثي

صح لسان الشاعر نايف بن مطر
وكفو والله ومليوووون كفو

قصيدة تشرف كل حارثي
وبني الحارث عيال عمي يستاهلون أكثر


وهج الرياض
ألف ألف ألف شكر على نقلك للقصيدة


تستحق التميز والتثبيت

من حبهم حبـوه و اللـي شنـا لهـم

يصبـح سجيـن ورهـن للتحقـيـق

ويا جاهل الدنيا خـذ النصـح والعبـر

و أحـذر بعدهـا تخطـي الطـريـق

فكـرت فالدنيـا وجـربـت مـرهـا

ولقيتنـي فــي بحـرهـا غـريـق

وهج الرياض تسلم أيداك على نقل القصيدة وبيض الله وجه من قاله وتستحق التثبيت وصح لسان القايل

الله الله يا وهج الرياض

قصيدة جداً رائعة وما نقول

إلا صح لسان شاعرها نايف بن مطر

وسلمت يد ناقلتها وهج الرياض

قصيدة من عيون الشعر وفرائده

وتستحق التميز والتثبيت

والاحتفاء ..

صح لسان أبن عمار

وسلمت يد الناقل ..

وهج الرياض احسنتي نقلها وصح للسان شاعرها بارك الله فيك

يعطيكم ألف عافيه
ومشكورين على تثبيت القصيده لانها رمز فخر لكل حارثي


تقبلو مودتي

صح لسان الشاعر المبدع وصاحب العقل الراجح والنظرة الرجولية الثاقبة ( نايف مطر ) . لانه لا يكتب مثل هذه الدرر إلا عقل راجح وفكر سليم ورجل شهم .
والشكر والتقدير لـ ( وهج الرياض ) على الأختيار والذوق الرفيع والسليم

أخي نايف بن مطر ؟؟؟
غــــائبــــآ أو حــــــاضرآ .....
صح لسانك على القصيدة الوافية في قبيلة تستاهلها ,,,
وبيض الله وجهك ...

أخيتي وهــــج ....
سلمت :
أناملك ع نقل القصيدة ..
وسلم :
فكرك ع حسن الإختيار ...
تقبلي مروري أخيتي ....

قصيدة تستحق التثبيت

صح اللسان الشاعر ملايين

وبيض الله وجهه

سلم يدك ياوهج الرياض

أختيار موفق وعلى القوة








دمتي بخير


,,,, عنادالقــــــــــاف