آخر 10 مشاركات |
مختارات | قال تعالى: ولا تأكلوا أموالكم بينكم بالباطل |
|
|||||||||||||||||
تركي الدخيل ..تلعب على مين؟؟!
من هواجيس الرهاوي الله يعين على بعض الهواجيس!!! استفزني عنوان مقال تركي الدخيل اليوم في جريده الوطن بغض النظر عن مضمون المقال بحثت في مواضيعه السابقه وكنت اعتقد انني سأجد موضوع للدفاع عن ام المؤمنين عائشه رضى الله عنها وتفاجأت بمقال فزعه ودفاع!!! عن "فيروز" المغنيه اللبنانيه ؟؟؟!! في مشكله عائليه ثارت هواجيسى وهذه النتيجه ياتركي اترك بعض الافعال=مالك ومال الناس والدين جاهل ويلعب معك جهال=في ملعب ماله قوانين ضاع الحكم في وسط الادغال=والدردشه مثل الوراعين موقع "تويتر" صار مدهال="والفيس بوك" قبله بعامين وخلا المكاتب مثل الاطلال =يديرها غاوي وغاوين ماقلتها ظالم ودجال=عندي على قولي براهين قوقل يجيب العلم فالحال=باللي حصل من قبل شهرين وقف الرواتب وقّف ارسال=من "غايه الابداع" يومين ماودى استطرد فالاهمال=باخصّهم بالعلم بعدين وابقى معك يامشغل البال=بالغطرسه والمنطق الشين انت وعلى شاكلتك اشكال =واعوانكم صاروا كثيرين مغنيكم الله وانتم اطفال=والا حمدّتوا النعمه الحين!! ماشفتوا العزره والاهوال=وماتعرفون العيب والدين وحنا نشدّ احزام واحبال= وتال الشهر قشطه وخبزين! نصبر عليها ايام واليال=حتى يجي خمسه وعشرين ثم ّ شف على الصراف الازوال =صفّت طوابير متالين مافي المكينه يصبح ا ريال!! =وفي صفّت الطابور باقين!! رحنا ضحيه رجل الاعمال=اللي يحط القسط قسطين يرمي بنا من جال في جال =مايردعه شرع وسلاطين!! ان مال.. ملتوا معه لا..مال؟! =وحنا المدانين المساكين!! تبغوننا عامل وفوال!= وامغسل اصحون ومواعين!! الشغل ماهو عيب واذلال=العيب... يوم انا غنين الفقر سلّ الحيل والحال =والنفط منتوجه ملايين!! مابين لبرالي ومحتال=غادين يابن الناس غادين في نصره التطوير كسّال=وفي نصره التغريب عجلين ما احد وقف في وجه من قال=عن عائشه هرج ماهو زين ماشفت حبر اقلامكم سال=واصواتكم ثارت على مين؟ وفزعتك مع "فيروز" فالحال=يشهد لها كل المحبين مابين طبّاله وطبّال =تبي تصالح بين الاثنين؟! ومن يجتهد في بعض الاحوال=وعليه من سيما المصلين حرفتوا افعاله والاقوال=وشلتوا عليه الكيل كيلين واصبح ارهابي مفسد وضال=لو كان قلبه مع فلسطين لازم تصادر منه الاموال؟؟=ويحجر عليه اسنين واسنين؟؟ حتى يلين ويخلف الحال=ليناَ ماهوب ايشابهه لين!! يحط لك مخرج ومدخال= ويمكن يغنّي له مغنين !! وخواتنا اللي.. رمز.. وامثال=بالستر والعفه مزايين درتوا عليهن مثل الابطال=وجيتوا تحدون السكاكين!! لازم تسوق وترفع اثقال =واتبيع في وسط الدكاكين ولازم تخالط شله رجال=الظاهر ان ماانتم بصاحين؟؟!! ان كان تشري الفسق بالمال= وتغري من الفسقه نساوين سلعه لها عشرين شيّال=وقيمت شرفها راتب الفين!! وسلعه شرفها ستر واجلال= ماهيب تعرض للغريبين منسوبه من عم وخال = ومنزالها في داخل العين والله ماترضى بالتهمّال =ومعاكس الاقصى والادنين اشباهها ما هنّ ب قلال = ومن الميه تسعه وتسعين اسلوبكم واضح وبطال=والله ماحنا غبيين غرب من الدوله لك ارجال=سعد الفقيه ومعه الاخوين وشرق من الدوله لك امال = وصاير مع الراشد شريكين متحالفين يمين واشمال=لو انكم صرتوا فريقين ياخادم البيتين لازال =في داخل الدوله موالين للي يبي تدمير الاجيال=ويسمم افكار الغريرين تكفى يابومتعب بالافعال =قص المناخر والجناحين
التعديل الأخير تم بواسطة الرهاوي ; 02 Oct 2010 الساعة 09:55 PM
|
29 Sep 2010, 08:23 PM | [ 2 ] | ||||||||
شاعر
|
رد: تركي الدخيل ..تلعب على مين؟؟!
حضوووووووووور اووووووووووول مرحبا مليون يالرهاااوي حياك الله ياشاعرنا الغائب الحاضر في قلوبنا وحيالله مالفيت به من جزاله وقول صارم وغيره على الدين والشرف محمد قصيده قمه بمعنى الكلمه لايجيد صياغتها االا الرهاوي فقط . . هذا اللي نكبنا يابو عبدالله .. الدخيل واشكال الدخيل لم يسخرون اقلامهم في نصرة رسول الله ولا نصرة ام المؤمنين ولا نكبه الشعوب والقضايا التي احزنت اخواننا المسلمين بل سخروها في فيروز واشكال فيروز .. صح لساااااانك ملايييييين يالرهاوي وان شالله انها ماتكون الاخيره يعلم الله اني فرحت برجعتك يالغالي اتمنى انك ماتقاطعنا ولا تحرمنا تواجدك الطاغي بالروعه تحياتي لك اخوك الغربي وبيض الله وجهك |
||||||||
29 Sep 2010, 08:30 PM | [ 3 ] | |||||||||||||||||||||||||||
شاعر
|
رد: تركي الدخيل ..تلعب على مين؟؟!
شرفتني بحضورك يالغالي |
|||||||||||||||||||||||||||
29 Sep 2010, 09:11 PM | [ 4 ] | ||||||||
عضو متميز
|
رد: تركي الدخيل ..تلعب على مين؟؟!
حي الله الرهاوي وحي ماجابه الناس مقومين الدنيا على نصرة بيت رسول الله والدخيل ماسكه معه على فيروز الناس حسب العقليات وهذا أكيد عقله مسح والله يعوض أهله فيه فيروز المغنيه صارت أهم من أم المؤمنين وفي قلوب أحفاد المؤمنين الله يزين الحال يالرهاوي والله يبيض وجهك على هالجزله |
||||||||
|
|||||||||
29 Sep 2010, 09:34 PM | [ 5 ] | |||||||
شاعر
|
رد: تركي الدخيل ..تلعب على مين؟؟!
الرهاوي صح لسانك لين ترضى ابداع وفي حالة الابداع اقف عاجز عن التعبير شامخة بشموخ الرهاوي سجل اعجابي بما يخط قلمك |
|||||||
|
||||||||
29 Sep 2010, 11:08 PM | [ 6 ] | ||||||||
عضوة متميزة
|
رد: تركي الدخيل ..تلعب على مين؟؟!
^ ^ والله مدري وش أقول !! الله ينصر الاسلام والمسلمين ويفكنا من فيروز وأشكالها صح لسانك أخوي على القصيده وماقصرت |
||||||||
30 Sep 2010, 12:06 AM | [ 7 ] | ||||||||
عضوة متميزة
|
رد: تركي الدخيل ..تلعب على مين؟؟!
|
||||||||
|
|||||||||
30 Sep 2010, 02:34 AM | [ 8 ] | ||||||||
عضوة متميزة
|
رد: تركي الدخيل ..تلعب على مين؟؟!
ماشاء الله تبارك الله ابداع الله يوفقك لقول الحق |
||||||||
|
|||||||||
30 Sep 2010, 03:46 AM | [ 9 ] | ||||||||
عضو متميز
|
رد: تركي الدخيل ..تلعب على مين؟؟!
صح لسانك اخوي الرهاوي وسلمت على هالقصيده الصادقه ونسأل الله بأن يثبت الحق ويزيل الباطل ولا نستغرب من هالفئة شطحاتهم الغير مبرره لهم وليست الأولى فغيرها الكثير والكثير ولا نقول إلا حسبنا الله عليهم شكراً اخوي الرهاوي |
||||||||
|
|||||||||
30 Sep 2010, 05:23 AM | [ 10 ] | ||||||||
شاعر
|
رد: تركي الدخيل ..تلعب على مين؟؟!
الرهاوي
بيض الله وجهك على هالدرة الثمينة أبيات في غاية الروعة وفي الصميم شكراً لك |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وجهة نظر برنامج اضاءات مع تركي الدخيل | فواز بسيس | بحور القوافي | 6 | 16 Jul 2010 09:27 PM |
الهلال اليتيم ينجو من الجحيم | فيصل الشدادي | عالم الرياضة | 4 | 25 Mar 2009 12:26 PM |
طريق الجحيم | بسمة | منتدى القصص والحكايات | 2 | 19 Aug 2008 06:00 PM |
أتسقط معي إلى الجحيم ! ! ! | بنت المملكة | النقاشات والمواضيع الهادفة | 14 | 24 Nov 2007 11:06 AM |
حماية الدخيل. | عمر الشدادي | منتدى القصص والحكايات | 10 | 30 Jun 2006 11:27 PM |
أدوات الموضوع | |
|