تعالوا ياشباب ,,فصلوا ثياب العيد !

والله الثوب الصيني عجبني بـ الحيل ودي افصل لولد خالتي مثله بس اتوقع
ماراح يلبسه بيقول ابي مثل بابا^^ بس عجبني الموديل
والله اشكالها حلوه بس ماتعودنها على عيالنا
وش فيه الثوب العربي وش حلاتها
ابرك من المزركش كانه ثوب مره
يمكن لو على البزارين الصغر مره بيكون حليو بس كبار
ابد مادخل مزاجي
يعطيك العافيه يـ مسافره

والله فيه تصاميم حلوه
بس موب حلوو مررره منقش وحالته حاله
يعني تطريز على خفيف يطلع حلو
بعدين تحسين هالثياب موب لايقه على وجيه عيالنا
حلاتهم هم لابسين ثوب ابيض وغتره حمراء واذا تكشخوا بيضاء


تسلمي ياشيهانه

الرجال براسه ماهو بلباسه

في السابق كانوا يلبسون على رؤسهم العمه اللي طولها 10 أمتار
ولا ضحكنا عليهم ولاشئ ولو نلبسها الآن ضحكوا علينا

شئ عجيب صراحة ,,, مثلاً أهل الشمال يتعجبون من لبس أهل الجنوب
ويقول الحمد لله اني لست من أهل الجنوب والعكس

كل ديره ولها ذوق ولها عادات في لبسهم
والثياب هذي اللي جابتها الأخت شيهانه مصدرها جده
وسالفة انها بتنقص من قيمة الرجال ,,, يمكن بعض الموديلات المبالغ فيها
ولكن الشئ المعقول الغير مبالغ فيه أفضل


شكرا شيهانه

ثياب غريبة
شيء مرقع وشيء مزركش
حلو يكون الثوب تصميمه عادي وإذا مره وده يغير
يكون تصميم خفيف
لكن ماتوصل لدرجة أنه يكتب أسماء عليها
الله يعطيك العافيه

سبحان الله

كل جديد ترفضونه بدعوى غريبة مالها أساس

بعض التصاميم بصراحة روعة و ذوق و أحب أشوفها على أقاربي

و بعضها صحيح مالها داعي

~

وش هذا ؟؟

وربي مافيه تفصيل يفتح النفس ويليق على الرجال

وربي لو يشفونه كبار السن عليكم

ومشكوره حبيبتي مسافره

ربي يسعدك

حياكــم الله جميـــع
شرفتوني بمروركم المميـــز ,,

دمتم بود وراحة بال

وأنا مع رأي أبو مشعل
إذا شفنا اللي يلبسونها وميوعتهم وأشكالهم
عرفنا إنها دخيلة علينا وما هي لنا

يا كثر ما نحارب مثل هذه الثياب في المدرسة
والحمد لله نادراً ما نشاهد أحد الطلاب يلبسها

بالفعل صار الشباب ينافسون البنات في
الزخرفة والتطريز
أصبح شبابنا مائلون لكل ناعم وصارخ

بصراحة منظر مثل هؤلاء الشباب
مقزز لأبعد الحدود

هذا ليس منتشراً بشكل واسع
والكثير ينكره ،
وأتوقع انتشاره
تطويل الشعر عند الرجال كان مخالفاً للرجولة
والآن تجد الرجل ومعه أولاده وشعره نازل على كتفه .
نسأل الله السلامة والعافية .

هلا بكم ,,
السلطان ..كلام صحيح 100%
متلهفة للتقى..فعلاً هذا ما يحدث بهالوقت

اسعدني مروركم