الا يالطيف الروح قلبي من اجلك ذاب

الا يالطيف الروح قلبي من اجلك ذاب=كما ذاب معجون الذهب عند صبابه
اعالج عيون دمعها دايم صباب=واعالج فؤاد ذاب من حر ما صابه
الاياوجودي وجد من راح مع الاجناب=ترك دنوته واقفى علشان طلابه

على صاحب من طول فرقاه راسي شاب=ثلاث سنوات ما وقفت رجلي على بابه
دلال وجمال صويحبي والثمان عذاب=دوى علتي ودواي اذا قال لي جابه
الايابعد روحي ترى صاحبك منصاب=اذا ماوزى به يالغضي انتوا ادرى به

عسى الله يعافي من ذبحتوا بدون اسباب=غليل عليل الروح وانتوا من اسبابه
رموه العذارى حسبي الله على الاصحاب=طريح الهوى سبعين عله تلوى به

انا معفي عن حربهم والغضي حراب=نكست السلاح ومحزمي ما اتعنى به

انا حزبي واحد والعذارى يجون احزاب=سطوا بالضمير البيض ما عاد لي ثابه



الشاعر الكبير محمد بن سعد الجنوبي

إنتقاء جميل يا حنين
تسلمي على الطرح

قصيدة رائعة
لشاعر كبير يستحق التميز والمتابعة

احسنت الاختيار يا حنين
وألف شكر لك

لاهنتِ يابعدي

على الإيراد الرائع

كل الشكر والتقدير لكِ

قصيدة رائعة يعطيك
العافية على الطرح ..

صح لسان الشاعر

والله يعطيك العافية وما قصرتي

اسعدني جدا مروركم
.. ربي يعافيكم ويسعدكم
دمتم بالف خير ..

تسلمين والله وَ يسلم لنا إختيارك , لاعدمنا حضورك ..