تغير الديرة

ياديرةً نبت فيك الثوم والزقوم والشـــــــــــوك ... ابدال نبت العنب والخوخ واشجار الحماطي

مدري وش اللي دهاك . ومقدمه ماهو مبروك ... زادك تغير حياناً مر . واحياناً سماطي

ياطول صبرك على منهم بروا حالك . وعلوك ... اهل الكذب والنميمه والسناوي والهياطي

زاد الخنا والمجامل والنفاق وملية البـــــــوك ... وازدادت المنكرات . وكثرت انواع التعاطي

عشنا بك اسنين تبقى خالدة برجـــــال عزوك ... في وقت كانوا رجالاً ترتقي . مافيه واطي

كنتي لهم وافيه . واهمه ما يذكر يوم خانــوك ... وعودهم صادقة . ماهي مواعيد الخراطي

تدوج فيك السباع الشهب . والها رزق مدروك ... والصيد راهي حجل . والا وبر . والا غطاطي

وجوك ماقد غيره . غير اشهب البارود مدكوك ... يوم ان كلاً على فعله . ولاصار اختلاطي

لا عاد ترجين رجعتنا . مادام الجو مملوك ... غيرك لقينا بدل . لاعاد تطرين التباطي

صح بوحكك ياشاعرنا
ابدعت في اختيار كلماتك وراقت لي ،
الف شكر على رقي حرفك ،

يا هلا والله بك يا شاعرنا العزيز
أبو فيصل
والله يحييك ويبارك فيك يا بعدي
ما قصرت وصح لسانك ملايين

المحيااني
صح بوحك وجزل حرووفك ابدعت بسطوركـ..
وطبت بعافيةة ...

ابداع شاعر كبير ومميز
لا بد أن يعطى شعره قدره من الاهتمام

سلمت وصح لسانك يا شاعرنا
أبو فيصل
وبيض الله وجهك وعساك على القوة

ابوفيصل
صح لسانك واعتلى شانك
قصيد رايعه من روايع المحياني
تقبل مروري المتواضع وخالص
تحياتي لشخصك الكريم