أشوف لي ناسٍ نزل مستوها / للشاعر بسيس بن حديد

اشوف لي ناس نزل مستواها=بفعولهم مايعرفون المواجيب
عزي لقوم طيبها في نساها=وعلى النسيب يخربون المشاريب
من لا يميز كلمته ويحزاها=جابان لو يضرب بخضر المشاعيب
لو قالوا اقراء الفاتحه ماقراها=وثوبه قصير ماينوش العراقيب
ماعاد نعرف باحها من حماها=انا على غفله وجاني خبر ذيب
امه يارب البيت تجبر عزاها=حيث الولد طيب ومركا على الطيب
فقيدها غالي وغاية مناها=والموت حق ولا عن الحق تجنيب
يارب عبد طلبتك مانساها=حكمك رضى فينا ولا نعلم الغيب
سبحان مسنيها ومنبت حياها=ياعالم مايخطي العبد ويصيب
الارض باسطها ورافع سماها=واليا دعاك العبد توحيه وتجيب
النفس جاعانه ومكثر ضماها=لو زادنا زوده يملي الدواليب
ياكبدي اللي لو يجمع دواها=بعد سعد وفهيد مادارها الطيب
دنيا على الاجواد دارت رحاها=وهاذي من المولى علينا مكاتيب
واحد يغديها وواحد عشاها=سبعه بدون حساب غير المصاويب
محد درى عن حفرته لين جاها=ومن عاش في الدنيا يشوف التعاجيب
ماينعرف صدقانها من عداها=والحمد لله في سلامة تراحيب

سبحـان مسنيهـا ومنبـت حياهـا=ياعالـم مايخطـي العبـد ويصيـب
الارض باسطهـا ورافـع سمـاهـا=واليا دعاك العبـد توحيـه وتجيـب
النفـس جاعانـه ومكثـر ضماهـا=لـو زادنـا زوده يملـي الدواليـب

أشكرك على نقلك قصايد بسيس بن حديد يالذئب
ولك تحياتي

لا هنت ولا هان غاليك يا ذيبان
والله إنك كفيت ووفيت وما قصرت
وننتظر منك الجديد والمفيد دائماً

الله يرحم الشاعر بسيس ويسكنه فسيح جنّاته ،
ومشكور أخوي على نقل القصيدة وسلمت يمينك ..

ابيااات .. ومعااااني
في قمة الروووعـَة

صح اللسان الشاعر
وسلمت يمينك
دام هذا الحضور الرااقي

اشكركم والله لايحرم ابو فواز من دعواتكم
تحياتي لكم