فدوة عيونه من يدوجن بالسوق

هو وينه اللي بالغلا مسكنه فوق=ومسكنه الأخر بين حدب الحنايا
العام كان أقرب من الرمش للموق=واليوم عن قلبي بعيد النحايا
أمسيت أغنيبه على كل طاروق=وأصبحت أخاف أنه سهوم المنايا
يغمى عليه بعض الأحيان وأفوق=وأقول لا أستيقضت ماله حلايا
رمشه ليا سلهم على العين برفوق=كنه يقدم لي عظيم التحايا
وشفايفه مال العسل عقبها ذوق=وسوالفه ترو الكبود الضمايا
زينه من الله ماتزين بمسحوق=وللمشاهده تشتاق حتى المرايا
وش عاد قلبٍ مابقى فيه معلوق=وتطاوله بالصد عذب السجايا
رح عاد دور به شرايين وعروق=تلقى الفراق مسوين به سوايا
واللي بقى له من حبيبه بصندوق=وجيش الوفاء متمركزن بالزوايا
وأنا لو تبوق المخاليق ما أبوق=ولا أحتاج فأسرار المحبه وصايا
بيني وبينه بالغلا عهد موثوق=ماينقض حتى تموت الخلايا
أشتاق اله وأشفق للقياه وأتوق=لو إن غيابه ماتركلي بقايا
وأغليه لو قلبي من البعد محروق=وأغيض وأقهر من غلاه الصبايا
فدوة عيونه من يدوجن بالسوق=اللي مقاضيهن عطور وهدايا
ويالوف قلبي كل ما لأفه الشوق=لوف السباع اللي تلوف المطايا
من يستهين بصد الأحباب مطفوق=لا جاء الصحيح وعودت للحمايا
ولو كل مخلوقٍ يعوض بمخلوق=ما أفنى جناب الحب نصف البرايا
يغمى عليه كل ما أطروه وأفوق=ولافادني كثر الدواء والكوايا
العام كان أقرب من الرمش للموق=واليوم عن دربي بعيد النحايا

الله الله يا مشرفنا
أبو ضاوي

ما قصرت وعسى الله يطول عمرك ونقرأ لك كل جديد وجميل
وعز الله نظمت وأحسنت النظم وأجدت المعنى وما قصرت
تسلم يديك وتسلم مشاعرك ولا هنت

وأغليه لو قلبـي مـن البعـد محـروق وأغيـض وأقـهـر مــن غــلاه الصبـايـا

فـدوة عيونـه مـن يدوجـن بالسـوق الـلــي مقاضـيـهـن عـطــور وهــدايــا

.

.

ولـو كـل مخلـوقٍ يعـوض بمخلـوق
ما أفنى جناب الحب نصف البرايا

.

.

صح لسانك مليون ولا يوفون أخوي الرحال
إبداع × إبداع
وبانتظار إبداعاتك القادمة ..

		المشاركة الأصلية بواسطة : السلطان اقتباس
	الله الله يا مشرفنا أبو ضاوي ما قصرت وعسى الله يطول عمرك ونقرأ لك كل جديد وجميل وعز الله نظمت وأحسنت النظم وأجدت المعنى وما قصرت تسلم يديك وتسلم مشاعرك ولا هنت

يامرحبا مليون يا أبونوره والله لايهينك على هالحظور المشرف والأطراء الجميل
وعسى أيامك أطوال يا الغالي وشهادة أعتز أبها طال عمرك

		المشاركة الأصلية بواسطة : @جواهر@ اقتباس
	وأغليه لو قلبـي مـن البعـد محـروق وأغيـض وأقـهـر مــن غــلاه الصبـايـا فـدوة عيونـه مـن يدوجـن بالسـوق الـلــي مقاضـيـهـن عـطــور وهــدايــا . . ولـو كـل مخلـوقٍ يعـوض بمخلـوق ما أفنى جناب الحب نصف البرايا . . صح لسانك مليون ولا يوفون أخوي الرحال إبداع × إبداع وبانتظار إبداعاتك القادمة ..

ياهلا بك يا جواهر مشكوره على الحظور الرائع وأبشرو بكل مايرضيكم
وصح الله بدنك مليون ولايكفون

بيـنـي وبيـنـه بالـغـلا عـهــد مـوثــوق

مايـنـقـض حـتــى تـمــوت الـخـلايــا

راق لي ماصاغ قلمك المبدع

صح لسانك ولاهنت

دمت بحفظ المولى

صح اللسانك يابو ضاوي
انا بنشدك هو حبن حقيقي والا من الخيال
انكانها موجوده ابشر باللي يتوجه معك على اهلها ويخطبها لك
وانكانها من الخيال يابو ضاوي دورلك على ام اعيال

صح لسانك مليون ياعزيز

قصيدة في القمة يابو ضاوي
لكن اترك عنك الهوى والغزل
مالك ومال الخط المعلق ياعزيزاعرس اعرس يامال الشحم

		المشاركة الأصلية بواسطة : غـــــــــــلا اقتباس
	بيـنـي وبيـنـه بالـغـلا عـهــد مـوثــوق مايـنـقـض حـتــى تـمــوت الـخـلايــا راق لي ماصاغ قلمك المبدع صح لسانك ولاهنت دمت بحفظ المولى

ياهلا بك ياغلا وحظورك يشرفني وأعجابك يسعدني وصح الله بدنك
وأنتم تستاهلون الأبداع ودمتي بحفظ المولى

		المشاركة الأصلية بواسطة : الرحال اقتباس
	أمسيت أغنيبه على كل طاروق=وأصبحت أخاف أنه سهوم المنايا يغمى عليه بعض الأحيان وأفوق=وأقول لا أستيقضت ماله حلايا رمشه ليا سلهم على العين برفوق=كنه يقدم لي عظيم التحايا وشفايفه مال العسل عقبها ذوق=وسوالفه ترو الكبود الضمايا زينه من الله ماتزين بمسحوق=وللمشاهده تشتاق حتى المرايا وش عاد قلبٍ مابقى فيه معلوق=وتطاوله بالصد عذب السجايا

الله الله يابو ضاوي صح لسانك مليون ولا هنت يالذيب

وياليت ماتنقطع عنا وتروح بعيد لا تطيل الغيبات