حلم العشيق

تحت السما فوق البحر وبين الاشجار=كـــانت سـوالفنا جــوارالحديقه
اخترت لك بيتــين من عــــذب الاشعار=وصارحتلك باحسـاس كل الحقيقه
الليــل مــــن دونك فلافـــيه ســـمـار=يابسمة الـــورد وشـذاه ورحــــيقه
غيرك فــلا فكرت وغيـــرك فــلا اختار=ايوالله انك حـــــب روحـي الغريـقه
اهرب من الواقع ورى طيش الافكار=والــثانيه تشهد بحــضن الدقيقة
تــــدرين علـــيك اغار واغار واغار=وان غبتي لحظة ما أطيق الخليقة
حبيــــتك بكــــل المشــــاعر ولادار=غيـــرك مـــن العالم وهـذي وثــيــقه
في قلـب ابو مشهور لوصــار ماصار=ياللي مثل طعم العسل حلـو ريــــقــه
لا أنت غــــدارة و لا نيب غـــدار=وحلم العشيق انه يــــعانق عـــــشيقه

من قصايد موسى ابو مشهور الصايغ

هلا بك يا أبو مشهور
طبت وطاب قافك ومعناك
ولا هنت وبيض الله وجهك يا بعدي
ما قصرت وعسى فالك الطيب

هلاوغلا لاخلا ولاعدم خوي السلطان
مرور يشرفني ووسام على صدري
لاعدمناك

صح لسانك
ولا هنت أخوي
كل الشكر والتقدير

الاستاذة بنت النشامى مررت بااحرفك الانيقه
في متصفحك الراقي من هنا

.



الله الله رسائل من الوجدان مكتوبة بإحساسٍ وارف
صح الله منطوقك أبو مشهور و لا هنت
طبت بخير و دام حضورك الماطر

لا هنت يا أبو مشهور
وبيض الله وجهك وسلم قافك
تستحق الشكر وطيب التكريم

الاخت الاستاذه ساره الغيد لاهنتي على مرورك من هنا

الاخ الاستاذ - درع الخوي لاهنت على متصفحك الراقي