الديرة الفارغة

الديرة الفارغة ماية بلي ديرة = دار(ن) يسير بها هندي وسوداني
دار(ن) ليا سرت فيها تعمي السيرة = ابي ديار(ن) ربت جدي وعماني
ماهو بسوق البلد لا قرقعوا زيرة = تبات مرتاح وانا ابات سهراني
مع رقرق الخط ليا طالت مشاويرة = ماقال انا من طويل الخط تعباني
وتشرفوا بالسلام وياعسى خيرة = مع مفرق(ن) مشترك حرث وزهراني
في وادي(ن) فوق نزلة حايم(ن) طيرة = والظان يعدي عليها الذيب سرحاني
والضلع يا ابو سعد ماحلى تباشيرة = مع مرقب(ن) عسر يبدي مرقب(ن) ثاني
الله وانا ابو سعيد يسقيك يالديرة = يسقيك نو الحياء من غر الامزاني
ويازين دار البدو لا شبو النيرة = لو كان مازارهم في الدار ضيفاني
والناس مايعرفون الجار والجيرة = والجار من شوفت الجيران زعلاني
قالة محمد على شورة وتقديرة = وعزوتي في اللقى حامد وحمداني
واون ونة غريب(ن) ضايع(ن) طيرة = يبات من بعد ضاع الطير جيعاني
والبر يا اصحابنا ماقبل معاذيرة = في مجلس(ن) ماحظر فية كل شيطاني
واختم كلامي بدكر الله وتعبيرة = اعداد ماهل السقاء من غر الامزاني

وســلامــــــتكم

الله وانا ابـو سعيـد يسقيـك يالديـرة=يسقيك نو الحياء مـن غـر الامزانـي
ويازيـن دار البـدو لا شبـو النيـرة=لو كان مازارهم فـي الـدار ضيفانـي
والنـاس مايعرفـون الجـار والجيـرة=والجار من شوفـت الجيـران زعلانـي

صح لسانك يابن شديد
والله يسقي ديارنا ودياركم وديار المسلمين
قصيدة جزله من راس جزل
تحياتي لك ...

صح بدنك


اشكرك على مرورك الطيب


اختي عايشة بعز ابوها

قالـة محمـد علـى شـورة وتقديـرة=

ونعمين .. بـ ( محمد )

وبـ ( حامد ) و بـ ( حمدان )


تسلم .. يأبن شديد .. وصح .. لسانك .. وبيض الله وجهك

والسيل .. من .. جبل ..

صح لسانك ولاهنت اخوي على

القصيده الجزله بارك الله فيك

دايماً نكون في انتظار جديدك وروايعك

بيضه الله وجهك يا ابن شديد وصح لسانك

عز الله إنك كفيت ووفيت

وفي انتظار الجديد عسى عمرك يزيد

ونعم فيك وفي من ذكرت

وصح لسانك

عسى الديره بالسيل والربيع الطيب

يا هلا بابن شديد وعلومه

ذكرتنا بالديرة عسى الله يسقيها بالسيل

وبيض الله وجه شاعرنا ابن شديد وعسى عمره طويل

ولا هنت على الحضور الطيب ونطالبك بالاستمرار وموافاتنا بالجديد

صحت ابدانكم جميعآ

واشكركم على مروركم الطيب

ابن شديد

صح لسانك قصيده جميله

ومعاني اروع الله يعطيك العافيه