|
|||||||||||||||||
مرثية في سعود بن بعيصيص الشدادي يرحمه الله
يا الله يا اللي فوق عرشك تعليت=يا عالمٍ بالخافية والبياني عفوك ولطفك كان مخطي وزليت= أنت الكريم اللي جزاك الحساني من بعدها هاضت هجوسي وغنيت =ما هو طرب لا والله الا حزاني جاني خبر وأوحيت مدري وش أوحيت =وقمت اتلمّس للخبر يوم جاني واخذت وقت أقول يمكن عسى ليت= عسى يكون اللي وصل علم ثاني وبعد تأكد لي عن العلم تثبيت= عجزت حتى لا احترك من مكاني وحسيت ضغط القلب زاد وتهاويت =والسكر يسابق مسار الثواني وسامرت ليلي بين الافكار ما أمسيت= لين الصباح بمطلع النور باني كنّه يذر بنون الاعيان كبريت=قلبي يفور وجفن عيني عصاني وقمت اتفكر بالليالي وونيت= العمر يقصر وآخر العمر فاني صحيح عمر العبد حدد بتوقيت =ما لك عن المكتوب يا مودماني بعض المنايا علمها كالدناميت= مثل الرصاصة بالضلوع المحاني وانا من العلم المفاجي تكويت= وراحت علومي بين خمس وثماني وشفت الحصون مشلهبة ثم صديت =اليوم غايب يا سهيل اليماني عهودها صارت بقايا تشاتيت= وقصورها مختلفتن فالمباني يا عمي اللي راح في ومضة الليت= في ديرةٍ بين التهم وزهراني عمي سعود اللي منه ما تغثيت=وعيال عمي ما شكوه واخواني هذاك ابو هلال هو ذايع الصيت=كريم سبلا يا عساه الجناني للضيف ريف ان جيت له ما تعديت= تلقا مع الترحيب سمن وسماني مرحوم ياللي ما حصل يوم وخطيت= ولا نذكر انا منك يومٍ نعاني عسى الجنان الخضر لك مسكن وبيت =وقبرك عساه السيل طول الزماني وصلاة ربي عد من حج للبيت =على النبي اللي نزل بالحساني مرثية الشاعر: فيحان بن ناجي الشدادي في عمه: سعود بن بعصيص الشدادي (رحمه الله) الذي وافته المنية مساء الخميس الموافق 2 / 6 / 1438
|
10 Mar 2017, 08:22 PM | [ 2 ] | |||||||
شاعر
|
رد: مرثية في سعود بن بعيصيص الشدادي يرحمه الله
الله يرحم أبو هلال ويغفر له ويسكنه فسيح جناته وصح لسانك يا شاعرنا أبو فوزي وبيض الله وجهك |
|||||||
|
||||||||
10 Mar 2017, 08:24 PM | [ 3 ] | ||||||||
مؤسس شبكة الشدادين
|
رد: مرثية في سعود بن بعيصيص الشدادي يرحمه الله
حياك الله يا أبو فوزي والله يرحم أبو هلال ويجعل مثواه الجنة ويعظم أجركم ويحسن عزاءكم وصح لسانك ملايين |
||||||||
|
|||||||||
10 Mar 2017, 11:50 PM | [ 4 ] | |||||||
شاعر
|
رد: مرثية في سعود بن بعيصيص الشدادي يرحمه الله
الله يرحمه رحمة واسعه ويسكنه فسيح جناته ابوهلال يبني حصون في كل ديره وماذكر عنه الا كل خير وانتم احد حصونه يابوفوزي والله يجبر مصيبتكم ويرحم ميتكم ومن خلف مامات انتم واخوانه وعياله خير خلف لخير سلف وصح الله لسانك كل بيت مرثيه لحاله وعساها اخر الاحزان ياخوال |
|||||||
11 Mar 2017, 01:20 PM | [ 5 ] | ||||||||
مراقب عام
|
رد: مرثية في سعود بن بعيصيص الشدادي يرحمه الله
صح لسانك شاعرنا ابو فوزي الله يرحم عمك ويجعل مقره جنات النعيم. |
||||||||
|
|||||||||
23 May 2017, 05:15 PM | [ 6 ] | ||||||||
عضو متميز
|
رد: مرثية في سعود بن بعيصيص الشدادي يرحمه الله
الله يرحمه ويغفر له هذا حال الدنيا والله يبيض وجهك يا أبو فوزي |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|