يصغر الرجال أمام الجمال الأنثوي

الشاعر / محمد بن راشد البقمي في ابيات تتحدث عن نفسها ،،

يقول :

لحظة وداع الغلا .. في زحمة الصاله
................................ سـلــم عـلـيَّــه .. وقــــال الله يـعـدلـهـا

أقـفـى وفــي خـاطـره هــرج ٍ ولاقـالـه
................................ حـتـى ( فـمـان الله ) أزرى لايكمـلـهـا

يشـر بيمنـاه .. مايـدري عــن الحـالـه
...................................اللي غشتني .. وانـا ازريـت اتحملهـا

كن الشوى مع ضلوع الصدر ترقالـه
................................. وانا ابلع الريق ناشف .. لجـل انزلهـا

ودمـوع عينـي علـى الخديـن منهـالـه
..................................وامشـهـا بالعـمـامـه .. لا يـلــد الـهــا

اخـــاف لـــو شـافـهـا تـغـيـر أحـوالــه
.................................والــوم عيـنـي واقــول .. الله يفشلـهـا

مابـاه يزعـل .. ولايطـري عـلـى بـالـه
...................................وان راح اروح دموع العين واهملها

فــي مـاقـفـي يـــوم قـفــى وأتشـفـالـه
................................تنـداش الافكـار .. مـن شــي ٍ تخللـهـا

واخذت في ماقفي .. ساعه وانـا دالـه
................................عــزي لقلـبـي مــن هـمـوم ٍ يعامـلـهـا

من عقب ماراح عني .. ويش باحياله
...............................سـود الليالـي .. عسـى الله لايجملـهـا

ان جيت ابا النوم .. والا ابغى اتهياله
...............................عيني علـى النـوم ماغيـر .. أتحايلهـا

ترسـم علـى شـاشـة التفكـيـر تمثـالـه
................................وتسهر على صورة الغالـي .. تأملهـا

لحظة وداع الغـلا فـي زحمـة الصالـه
..............................انـام وأصحـى مـن الـنـوم .. أتخيلـهـا



اخوكم / بقمي جده

صح لسان الشاعر قصيدة رااائعه

جداُ اشكرك اخوي على نقل المميز

وحياك الله معنااااااااا

بقمي جدة لاهنت يالنشمي على الإختيار الموفق والجميل بارك الله فيك

ويعطيك العافية على القصيدة الجزلة وصح لسان شاعرها.

بيض الله وجهك يا البقمي على اختيار

هذه المشاركة الطيبة

ما قصرت وفي انتظار حضورك معنا على طول