ياصاحبي ظلم المخاليق

هين مردك للفرج يأكبـر الضيـق=دام الليـالـي تقتفيـهـا لـيـالـي
هي بس تبغى طول صبر وتوافيـق=وأشيل هـم النـاس كلـه لحالـي
وعمر المربط مايسـوق المطاليـق=والحر ماترضيـه غيـر المعالـي
ياصاحبي وإن زاد ظلـم المخاليـق=فلاتحسب إن الله عن الخلق سالـي
والطيب يمحى العيب عرف ومواثيق=والا الخطا ماله على الطيب والـي
واللي جرحني بين حدب ومعاليـق=مأخفي عليك انه الى الحين غالـي
ياحلمي اللي مالـك اليـوم تحقيـق=حبك حقيقي بـس وصلـك خيالـي
والحب يفضحني وان اخفيته يويـق=وإن مامضالـي بالوفـا مابقـالـي
جرحتني مختـار ياحالـي الريـق=واسامحك مجبـور يـاراس مالـي
صوره ولا يحتاج الإحساس تعليـق=أركض رجا ويطيح ميّـس ظلالـي
وان كان بيبان المشاعـر مغاليـق=فماهو جديد ان الزمـن ماصفالـي
ليت الهوى جمعه ولا فيـه تفريـق=أوليـت ماللبعـد فالقلـب صالـي
ياصاحبي وان شلت لك فوق ماطيق=فأنا لحالي جيـت وأرحـل لحالـي
وهين مرده ينتهـي كـل هالضيـق=وأقـول للمـره الأخيـره تعـالـي.

أرجو تعديل الموضوع الى....ظلم الخاليق

الله على هذي القصيده روعه اشكرك هذا الذوق الرائع والبيت هذا
ليت الهوى جمعه ولا فيـه تفريـق
أوليـت ماللبعـد فالقلـب صالـي
ذكرني ببيت الامير محمد الاحمد السديري الدوسري
ليت ربي ما خلق حب وفراق *** ولا خلق حب على غير فرقا

ياهلا والله فيك يا دخيل الدوسري نورتنا والله شكراً لمرورك الطيب

عسوله

أشكرك على أختيارك ولكن ليت نعرف من الشاعر

وبعدين وضحي كيف نعدل الموضوع وفقك الله

هين مردك للفرج يأكبـر الضيـق=دام الليـالـي تقتفيـهـا لـيـالـي
واللي جرحني بين حدب ومعاليـق=مأخفي عليك انه الى الحين غالـي
ياحلمي اللي مالـك اليـوم تحقيـق=حبك حقيقي بـس وصلـك خيالـي
والحب يفضحني وان اخفيته يويـق=وإن مامضالـي بالوفـا مابقـالـي
جرحتني مختـار ياحالـي الريـق=واسامحك مجبـور يـاراس مالـي
وان كان بيبان المشاعـر مغاليـق=فماهو جديد ان الزمـن ماصفالـي
ياصاحبي وان شلت لك فوق ماطيق=فأنا لحالي جيـت وأرحـل لحالـي
وهين مرده ينتهـي كـل هالضيـق=وأقـول للمـره الأخيـره تعـالـي.

عسولة
سلمت يمناك ولا عدمناك
وسلم ذوقك الرآئع والراقي
راقت لي هذه القصيدة
دمت بخير ,,,

خيال ابي تعديل لعنوان ...ابيه ظلم المخاليق....شكراً لك

روعة هالقصيدة يا عسولة
وأكثر من روعة بعد
أعجبتني بالحيل بالحيل
وتسلم يديك على هذا الاختيار

ياهلا والله ياأبو نورة نورت الموضوع شكراً لمرورك الطيب