انا لي الفخر

هذه قصيدة قلتها في الأخوان :
طارق الحارثي ،محمد الحارثي ،عادل المسعودي،
مشعل الحارثي،وعبدالرحمن العتيبي..

سلام الله على رجالٍ لهم بالوفامشوار=رجال تكسب المعروف درب الطيب تمشيبه
رجالٍ شورهم يرجح الياكثرن الأشوار=محكحكةٍ معادنهم لهمبين البشرهيبه
أنالي الفخر يوم امتدحهم واكتب الأشعار=بيوت الشعرتنخاني وأصوغ البيت وأجيبه
هذامحمد هذاطارق هذاعادل طوال أشبار=هذامشعل وابوفارس ذياب الليل تسريبه
ولونذكرمزايا محمد المقدام والمغوار =نبى نلقى الشهامة والشرف أكبر عذاريبه
ذيابيٍ صميدع حر من قومٍ ذياب أحرار=صليب الراي صلب الراس لوالاخطار
خوي الدرب سيفٍ في يميني صارمٍ بتار=ولايخيب أحد ويضام وابومسفر
وأبوسعدطويل ذراع طارق مكرم الخطار=يعشي الذيب الأسحم يوم يقنب في مراقيبه
خضيريٍ معرب جد وأخواله رجال أخيار= يعرف الحق مايخطي وماتطفي مشاهيبه
ولامنك نخيته ينتخي مايعرف الأخطار =صديقٍ في الشدايد ياسعد من يعتزيبه
وأبوعوض صبي هذيل إله في المعرفةمشوار=يمينه تبذل الأحسان ويكمل مواجيبه
يلين مع الصديق ومع عدوه يكشف الأسرار=يروع القلب بأفعاله وماتخطي مضاريبه
رجل وافي رجل عاقل إله حشمة واله مقدار=تطبع بالشرف والعزواصل الطيب من طيبه
ولاني ناسيٍ مشعل الياأشعل شعلةٍ من نار=يشوم من الردى ماله مواطن مع هل الريبه
شجاع وشهم في وقت الملاقا صامل وصبار=عدوه في منامه طول طول الليل يهذيبه
كريمٍ في حلاله يكرم الضيفان ويّاالجار=نهل عد الرجوله عد صافيةٍ مشاريبه
وأبو فارس خوي الجنب لامن ركز المعصار= يتل المخطي اللي يخطي ويكسر عراقيبه
عزومٍ مايهاب من الخطر لو صار مهما صار=ذويبيٍ ثبيتيٍ ينتمي من عزوة عتيبه
ندي الكف كفه تذبح الخرفان للخطار =ليامن شاف ضيفه قام يكثر من تراحيبه
هذولا هم رجال الطيب في وقت الرخاء وأعسار= ماهمب من الرخوم اللي تناقل بينها الغيبه
تخاوينا على عز وشرف ونصارع الأمرار=وكل منا على نفسه تراه يبدي صحيبه
أنا في مدحهم صادق ولاني ياعرب قمار=هذا هوه كلام الصدق غير الصدق مانجيبه
ولابأنسى صداقتهم مادام إن الفلك دوار=وعد والوعد دين وديننا حنا نوفّيبه
وختم القول باقات الورود معطرة تذكار=هديه للرجال ودايم الطيب نماريبه

مشكور اخوي الحجري على هذه القصيدة الاكثر من رائعه 0 تحياتي

قصيدة رائعة يالحجري
مشكور ويعطيك العافيه....

قصيده اكثر من رائعه صح لسانك وانا اخوك يا الحجري

صح لسانك قصيده رااااائعه

وابداع منك في هذه الابيات

مشكور وماقصرت يالحجري

خوي الدرب سيفٍ في يمينـي صـارمٍ بتـار=ولايخـيـب أحــد ويـضـام وابومسـفـر صحيبه

صدقت يالحجري

ما فيه مثل الصديق الوفي في هذه الأيام

واللي له خويٍ وافي لا يتركه حتى لو زل وغلط

لأنه عمله نادره في زمن قل فيه الأوفياء

سلمت يالحجري ويستاهلون أخوياك

ألف الف شكر يالسلطان بالنيابة عن الحجري
وشكرا لمرورك على مشاركته ..

قصيده رائعه والله يعطيك العافيه يالحجري


الصداقه عملةٍ فيها المزور والحقيقـــي

،،،،،،،،،،،،،،،،،،،،،،،،،،،، والمنافق مع مرور الوقت يضهرلك نفاقه

والعلاقه كان ما تبنا على ساسٍ وثيقــي

،،،،،،،،،،،،،،،،،،،،،،،،،،،، هدها أحسن من بناها نعنبوها من علاقــــه


وتقبل تحياتي