قصيدة الشاعر مطرب العضياني العتيبي في جيرانه الجياشة

هذه القصيدة قالها الشاعر مطرب العضياني العتيبي رحمه الله

لمحمد بن ملهي رحمه الله يمدح فيها جيرانه الجياشة :



من الحارثي جاني كـلام مسطـر=بعد تباطانـي وانـا فـي المغيبـه
ليلة لفانـا الخـط والبـال مستـر=ويا سعد ليـلٍ يـا محمـد قريتـه
يا مرحبا به عد مانـاض وامطـر=واعداد من طب الحـرم يستعيبـه
واعداد من غنى على العود الاخضر=واعداد وبـلٍ يـوم سيـل شعيبـه
الحارثي مـن لابـةٍ تبـرد الحـر=ليا ولعت نـار الحريـب لحريبـه
آلاد جياش وان حصل يـومٍ اقشـر=كم من عقيدٍ مـن سببهـم ارميبـه
والبيـت بيبانـه تفتـح لمـن مـروفنجالٍ اشقر مـا يسـرب سريبـه
هـذا يجيبونـه الاخــر يبـهـر=وعاداتهم يـوم المرجـل صعيبـه
وراعي معاميلٍ على النـار تسهـر=ونجر تـوال الليـل نسمـع قنيبـه
مع اشناق حيلٍ كـل يـومٍ تجـزر=لـو زودوا فيهـا الثمـن مايهيبـه
يقولـه اللـي خابـره مـا تمكـر=وقـول بليـا فعـل ربـي رقيبـه
وصلاة ربي عد مانـاض وامطـر=علـى نبـيٍ بالـهـدى نقتديـبـه

و إعذرونا على القصور يا الرربع

بالنسبة للتنسيق آمل من المشرفين أن يعذرونا

لوجود مشكلة في جهازي

الحارثي مـن لابـةٍ تبـرد الحـر = ليا ولعت نـار الحريـب لحريبـه
آلاد جياش وان حصل يـومٍ اقشـر = كم من عقيدٍ مـن سببهـم ارميبـه

وسبعة أنعام بالاد جياش أهل الجيش والخيل

لاهنت يا حنشل على الموضوع ولاعدمناك يا سنايدي

بيض الله وجهك اخوي حنشل الجياشة
ونعم بالجياشة
وصح لسان الشاعر

الله لا يهينك يا حنشل الجياشه وصح لسان الشاعر مطرب العضياني من عضيان عتيبة ولكن ليتك جبت قصيدة شاعرنا الكبير محمد بن ملهي اللي مرسلها لمطرب علشان يكمل الموضوع لكن على العموم ما قصرت يالنشمي اخوك ابو متعب