قصيدة للمرحوم مريسي بن سعد

الشاعر مريسى بن سعد بن مليفي

من أكبر شعراء بني الحارث أقدم لكم هذه الألفية لعلها تنال إعجابكم

الحارثي عنده من الشعر مؤجز = وذرعت منهاج الشعر تذريع
الألف لفينا خيار المعاني = وزعتها من خاطري توزيع
توزيع وزعته وزعته بلا زعل = القلب حافظ واللسان يطيع
الباء بيوت أهل الندى تخر الندى = مداها على طول الزمان يريع
يريع فيه الدين والحق والشرف = والصدق في داج الظلام يشيع
التاء ترى راع الردى يخر الردى = ساسة على الجرف الهيال رعيع
رعيع لو طالت مبانيه ينهدم = ورداه دائم يجمعه تجميع
الثاء ثنى عسر الليالي صعبها = العسر يثني كل رأس طليع
طليع مار العسر ثنا قرونه = ورده عن العليا وهو شجيع
الجيم جال اللأش لا تلتجي به = اللأش جاله ما يكون وسيع
وسيع لنمه والكيد والنكد= ومن قدم المعروف فيه يضيع
الحاء حلاوات الليالي ليا أقبلت = كما نبت صيفاً يكتفيه ربيع
ربيع كن الشتاء في عقايبه = يخل الغصون المثمرات جضيع
الخاء خيار الناس من يعرف القدى = يشري مع أهل المعرفه ويبيع
يبيع الرخيص ويشتري كل غالي = وقلبه على درب الشجاع وليع
الدال دل الله على الحق بالحكم = وحنا على مافي السطور نطيع
نطيع ما نمشي على كل بدعه = الحق بين والضلال بديع
الذال ذل الله من ذل جاره = حمى الجار عند الطيبين منيع
منيع وصى به محمد نبينا = نبينا اللي للعباد شفيع
الراء ردوا للأجاويد جودهم = جازوا هل المعروف والصنيع
صنيع يقلون الصنائع ودائع = أن كان جاء مأمونها وديع
الزاء زراع الشر يحصد ندامه = ندامة على اللي يزرعه تزريع
تزريع ما يشعر ولا فيه فائدة = وزرع الندامة حقه التقليع
السين سدك لا تعلم به العدو = يروح عند الكارهين يذيع
يذيع ليا أوحى هرجتاً زاد مثلها = وسجل لها التاريخ والتوقيع
الشين شقان الليالي شنيعة = شنيعة يجي مضرابها شنيع
شنيع لا من ألرفاقه تفاوتوا = وتولعت نار الفوت توليع
الضاد ضدات الليال العسيرة = يبدي لها رجلا فيهم سبيع
سبيع جرب حالي وغالي = وتجرع مرارات الشقاء تجريع
والطاء طّمن حزت الضيق بالصبر = ومن لا يطاوعه الزمان يطيع
يطيع لا يدري عن كل شامت = اللي على نقل الحكى سريع
الظاء ظليمت كل مؤمن وغافل = تخلي البنايا الشامخات دعيع
دعيع يوماً الظليمة هديمه = تقطع الحبل الوثيق تقطيع
والعين عيناً ما توالف قريبها = عسى لها عقب العمى تفقيع
تفقيع يظهر دمها مع دموعها = والطب فيها للطبيب يضيع
الغين غبن الشيخ لا مات هين = والموت سنة ما منه تجزيع
تجزيع يوم الشيخ يخر خوالف = وغبينةٍ يجي عقب الأسود ضبيع
الفاء فلا يا فال من فيده الحسد = أيمان قلبه ينزعه تنزيع
تنزيع من حسده ومن شين نيته = وعن العلوم الطيبات يتيع
القاف قيفاً ندرق في ذراهم = وهم عزوتي سوات سيفاً وريع
وريع دون الجار والضيف و الخوي =وراع الخطايا نردعه ترديع
الكاف كافيني مذاريب لابتي = وبحر الهوائل نشرعه تشريع
تشريع بالحيلة وبالفعل والعزم = ومن العزم الحديد الصليب يميع
اللام لو لميت الأموال كلها = لابدها تقعد وراك وضيع
وضيع واللي مايكمل وجوبها = ولا علومه مالها تسنيع

صح لسان الشاعر الكبير

على هالقصيدة الرااائعه

اتمنى تكون القصيدة في مكانها الطبيعي (قسم الشعر الشعبي )

كل الود

الاخ الفاضل ناصر مرزوق
سلمت يدك على النقل الرائع والاختيار الموفق
لقصيدة المرحوم بذن الله الشاعر الكبير مريسي بن سعد بن مليفي الحارثي
وتقبل تحياتي

رحم الله شاعرنا مريسي بن سعد

ولا هنت يا أبو محمد على اتحافنا بهذه القصيدة الطيبة

ونتمنى أن توافينا بالمزيد من مكتبتك ومكتبة أبو ناصر ولا تبخل علينا

ناصر مرزوق
سلمت يدك على النقل الرائع والاختيار الجميل
ورحم الله شاعرنا مريسي بن سعد

حياك الله ياناصر


وشرفت المنتدى الشعبي


وصح الساااان الشااااعر

وعزالله قصيده ما عليها كلام وفيها فن فالبدع


الباء بيوت أهل الندى تخـر النـدى
مداها على طـول الزمـان ( يريـع)
(يريع) فيه الدين والحـق والشـرف
والصدق فـي داج الظـلام يشيـع


تلاحظ الكلمة اللي ينتهي بها البيت الاول من كل حرف يبدى بها البيت الثاني

وهذي من التعجيز في البدع وغالبا يتفووق فيه الشعراء المبدعين مثل مريسي

بس فيه ملاحظه ياناصر


اما انك ناسي بعض الابيات


او ان عندكم يابالحارث الحرووووف 22 حرف ؟؟؟!!!هههههه


وين الواو وين الهاء .....


حسب ماتعلمنا ان الحروف الهجائيه 28 غيرها مدري ؟؟؟!!!


وسيـع لنمـه والكـيـد والنـكـد
ومن قدم المعـروف فيـه يضيـع


الشطر الاول يمكن يكون ناقص حرف




تحياتي واحتراماتي

صح لسان الشاعر الكبير مريسي بن سعد الحارثي

وكل الشكر لك ياناصر على النقل الرائع

تقبل مروري الغربي

الله يرحمه

جميله القصيده وسلمت يداك ع نقلها لنا

الى اللقاء

مرحبا بكم جميعاً
وبالنسبة لأستفسار الرهاوي
نعلم عن ذلك ولكن الحرفين ساقطة من الطباعة
وغير موجودة في المسودة التي عندي ولجمال القصيدة
حبيت نشرها ولدي بعض القصايد له ولبعض شعراء بني الحارث
أتمنى أن أجد من الوقت ما يساعدني على نشرها

أرق التحايا للجميع

بيض الله وجهك يابن مرزوق


على حفظ هذه النادره لاحد شعراء بني الحارث الاعلام


لاهنت وحفظك الله


.