قصيدة قديمة ومشهوره لشاعر عتيبي وردها

السلام عليكم ورحمة الله وبركاته: هذه قصة أعجبتني وأردت أن أشارككم بها وهي تدور حول رجل اسمه عايز من قبيلة الزراريق من عتيبة جارت عليه الدنيا وحدته الحاجة انه ينصى واحد من بني عمه الزراريق (خواله الهبشان من ذوي عالي)وكان اسمه رشيد وكان صاحب مال وفير لكنه للأسف طلع ردي وبخيل (وهذه ملاحظة مهمه :ان الردي كل الأطراف تتبرأ منه سواء أبناء عمومته أو خواله وكل طرف ينفي الصلة برداه ويرميه على الطرف الآخر) المهم ان عايز هذا بعد ماصده رشيد ولاقضى حاجته رجع لبيته وشب ناره وتهيض بالقصيدة هذي:

هيــض عليـه يـوم انـا نـازل لـحـالـي فـالـخلا = نـازل لـحالي مـامعي معزا ولا لي ضانيا
ياكـود عشر من الغنم في عدهن عشر سوا = لو اجتلبها في مراحي ماقضت لي شانيا
ويـابـوي يـاكـم ليـلـة شبـيـت نـاري فـالعشـا = سويـت لـي فنجال كايف لو مني ضرمانيا
قـلتـه وانـا ربـعـي ذوي زراق حـامـيـن الـقـرا = ربـعـي ذوي زراق اهـل ضـيـن كـما الربانيا
اقـول والـشرهة على اللي مرزقه فيه الضفا = مثـل الـهبـيـش الـلـي تـردى ميت النيرانيا
يـقـول لـيـه مـرجـلــه وابـوك يــامـال الــخـطـا = لافـايـد الـمـحـتـاج مـن ربـعـه ولا شبعانيا
مـايـسـقـي الـضـمـيـان عد فوق ضباح الصفا = عـد عـلـى صم الصفا مايسقي الضميانيا
لايـحـسبـنـا نـانـمـوت الـمـوت مـاأدري مـتى = يـمـوت من تقصر شبوحه عن هذا والثانيا

مشت القصيدة مع الناس وصاروا يقولون (مثل الهبيش اللي تردى ميت النيرانيا)ويرددونها وسمعها واحد من الهبشان من ذوي عالي يقاله عارف بن موصوص ورد عليها يقول:

يـاراكـب حـمـرا مـوجـهـة عـلـى قـد الـنـحا = وان جـيـت احـلـيـها كمـا ذيب الخلا سرحانيا
مسراحها من كشب واللازم ورا راس القرا = وتلـفيـن عـايـز فـي جـلال مدسم الضيفانيا
تـلـقـى مـنـازيـلـه لـيـامـنـه نـزل راعي نحا = الــيــا نـزل يــنـزل مـن الـهضبـة اليا العدلانيا
نـادى ولـد عـمـه رشيد اللي وزانـه باسمنـا = وانا اسمنـا مـاارضى عـلـيه برجحة الميزانيا
هوه بناخينا ليامنه على على الغيبة حما = وان مــاحـمـى حــنــا حـمــاية بـارد الـذرعانيا
وان مـاحـمـانـا يـالـعـل تـرداه حـمـى الـوبـا = تـاخـذ عــلــيــه الــثـلـث حـولـيـة وترجع ثانيا
وان كـان جـايـه نـسر خـايع مايجي من يمنا = تـقـفــره تــلـقـى عـلـيه مـن النـسور الثـانيا
قـعـدت لـه فـالـريع والـيا مشيته فيها الرخى = وابـطى عـلـي ورحـت انـا في لازمي عجلانيا
مـايـحتـمـل عـود البـكاة اليا دخل فيه الندى = الــحـاتــها تــنــطــف حـلـيـب وعـودها خرثانيا
وان سلتني خاله شعيـل الحر مقطوع الغيا = واخــاف مــن هــرج يــسيــر بــه مـع العربانيا

وسلامتكم.

إبن سعدون

لاهنت يالذيب على القصيدة الجميلة والرجال مواقف وأنا خوك والردي والبخيل

كلن يبي يتبرا منه الله يبارك فيك.

صح لسانك ولسان الشاعر يا بن سعدون لاهنت

قصة جميلة وقصيدة رائعة

شكرا لك اخي ابن سعدون على الطرح

احترامي

شكراً يابن سعدون على الطرح

الجميل

لاهنت طال عمرك

ابن سعدون مشكور على القصه والقصيده الرائعه

تحياتي لك

حياك الله أخوي سعدون وبيض الله

وجهك على حضورك وتواصلك معنا

أشكرك كل الشكر على هذه القصة وقصيدتها

والتي أتحفتنا بها في المنتدى

لاهنت يابن سعدون

اختيار موفق