|
||||||||||||||||||
بنات الشام
البارحه يوم كلٍ نام=النوم عن عيني إنحاشي مدري علامي عجزت أنام=وفكري مشوش ومنداشي وأذن صلاة الفجر وآقام=وآنا آتقلب على فراشي كني صويبٍ كسير عظام=راميه خصمه برشاشي ولاّ سجين وعليه إعدام=ومظلوم ومن القهر طاشي وأسباب هذا يابو عزّام=ريمٍ للاذهان لباشي ريمٍ صدفته بسوق أسدام=ومن شوفتي عقلي إنداشي صغير سن ورشيق قوام=عفري وحجانه عكاشي أرقّ من لبّة الشمام=وأبيض من القطن والشاشي مطنوخةٍ من بنات الشام=مزيونةٍ تربش إرباشي الأم هيفا وابوه هشام=والاسم آمال الدمرداشي دلوع بابا حبيب المام=وجميع مايطلبه ماشي مايلبس إلاّ قصير أكمام=حرير مايلبس قماشي زين الحضاره عليه وسام=وعليه فن الدلع غاشي يحرم ماعمره سكن بخيام=ولاصنادق ولاعشاشي ويحرم ماعمره سرح بأغنام=ولا داج في شبك الادباشي ولاحط شيله ولبس لثام=ولا اوجع رجوله بمنقاشي ولاشق خشمه وحط زمام=ولاقام يدفي له عراشي وعليه قلبي يصيح هيام=ودمعي تقول إنه رشاشي وياجعل من لامني ينلام=ويبطي منوم بالانعاشي
|
03 Oct 2012, 07:18 PM | [ 2 ] | ||||||||||||||||||||||||||||
مؤسس شبكة الشدادين
|
رد: بنات الشام
أعذب الشعر أكذبه وأجمله ما تخيله
اسم مصري ما هو شامي لازم تتأكد من الجنسيات زين يا شاعرنا لا هنت وصح لسانك |
||||||||||||||||||||||||||||
|
|||||||||||||||||||||||||||||
04 Oct 2012, 03:49 PM | [ 3 ] | ||||||||||||||||||||||||||||
شاعر
|
رد: بنات الشام
ههههههههه صح بدنك وسلمت ولاندمت إذا كنت لاتعلم فتلك مصيبةٌ .. وإن كنت تعلم فالمصيبةُ أعظم معلم أجيال .. ومؤسس شبكة قبيله بحالها يفترض أن يكون مطلع ومثقف وينفي وجود مجرد إسم عن أحد أفراد دوله كامله لاتعليق تحياتي |
||||||||||||||||||||||||||||
04 Oct 2012, 06:36 PM | [ 4 ] | |||||||
شاعر
|
رد: بنات الشام
ابو علي شاعر متعدد الاغراض قصيدة ممتعة لايجيد صياغتها الا المبدعين امثالك سجل اعجابي المتجدد (الدمرداشي) ما هو ضروري يابو عبد الله يكون اسم حقيقي ومعروف نسبه ههههه دمتم في سعادة جميعاً |
|||||||
|
||||||||
04 Oct 2012, 07:41 PM | [ 5 ] | ||||||||
مؤسس شبكة الشدادين
|
رد: بنات الشام
ههههههه صحيح أعلم الأجيال يا أبو علي لكن تعليمي لهم في مجال الحاسب ما هو في قبيلة بني دمرداش اللي تعرفهم |
||||||||
05 Oct 2012, 05:28 AM | [ 6 ] | ||||||||
شاعر
|
رد: بنات الشام
سعد هلابك ومرحبا تسعدني رؤيتك شكرا على المجامله ياحبك يابونواف لدس السم بالعسل هههههه تحياتي |
||||||||
05 Oct 2012, 06:19 AM | [ 7 ] | |||||||
عضوة متميزة
|
رد: بنات الشام
قصيدة جميلة والحقيقه تقال ليست مفهومة كل ابياتها اضحكتني الردود اسعد الله قلوبكم |
|||||||
|
||||||||
06 Oct 2012, 03:33 AM | [ 8 ] | ||||||||
شاعر
|
رد: بنات الشام
أنثى القمر حياك وشكرا على المرور وش اللي ماهو مفهوم بالقصيده تحياتي |
||||||||
11 Nov 2012, 10:58 PM | [ 9 ] | ||||||||||
عضو جديد
|
رد: بنات الشام
حــلــووة الـقـصـيـدة مـع انـي مـا فـهــمـتـهـا كـتـيـر تـسـلـم ايـدكـ |
||||||||||
|
|||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|