تعالوا نضبـط الجلسة أبي مركا على يسراه

حبيبي جاء ! يالبيـه ياوقـت ٍ رحـل ويـاه=سلب فكري وخلاني سلب هالقلـب وشعـوره
انا ادري ضامني وابعد ولكن هاجسـه صحّـاه=مدامه جاء ! يأهلا ً وسهلا ً تسبـق حضـوره
عيوني بددي حزنـك ومنّـي نظرتـك لقيـاه=تهني فلّي احجاجـك خطـاك الهـم وشـروره
خفوقي فز من صمتك من سبات الشقـاء والآه=بغيت وجاك ماتبغى ليالـي الحـزن مقـدوره
وريدي زيد في ضخّك ووسّع للفـرح مجـراه=ونظف كل مافيض عليك الحـزن مـن جـوره
شعوري اطلق عنانك ولملم من سمـا ذكـراه=تغنى وانطرب وابـدع ودكّ الشعـر وبحـوره
تعالو يالبدر يالليـل وهاتـو للسهـر رجـواه=تعبتـه مـرة ٍ افـرح ومـره العـن سـروره
تعالو نضٌبط الجلسه ابي مركا علـى يسـراه=وهنا بجنبه مخدّة ريش وهناك ورود منثـوره
ابي روض ٍ يمتّعنا رضا عنه المطـر واسقـاه=وابي غصن الشجر يزها بخضر اوراق ممطوره
ابي مركا على يساري ويميني تحتضن يمنـاه=ورمشي يحتضن رمشه ونظرة عين مقـروره
ابيه اقرب من انفاسي وابيـه يلمّنـي بشفـاه=ابي تغمرني انفاسه وتفيض بصدري عطـوره
ابي لالمّنـي اروى واحـنّ للمتـه واضمـاه=والمّه لين يروا بي ويرضـي نـزوة غـروره
ابهمس له واسولف له عن اللي ذقته بفرقـاه=وابشكي له واغني له واهدّ الفكر عـن طـوره
ابي غيم ٍ الـى منّـه هطـل هتّانـه وخـلاه=فتح له فجوه صغيـره تمـرر للقمـر نـوره
وابي ضـوء ٍ يسامرنـا يمتـع جونـا بدفـاه=سناه ينٌبش اهات ٍ شكـت هالوقـت مقهـوره
وابي نشوة هواء ٍ هادي تداعب جيده وتجفـاه=وعلى متن الهواء نسمة عبير ٍ فاحت زهـوره
ابيه يقـول لاجانـي وتـاه بناظـره لبـااااه=فديتك لعنبو الفلّه دخيلـك ماجمـل الصـوره
وفجاءه يختنق صوته بعبـرة ماضـي ٍ بكّـاه=ويهمس دنيتي فبعدك على الاهـات مجبـوره
والى منّه تعذّر لي عن جروح ٍ غـزت ذكـراه=بحط ايدي على شفاته واقول الوقت لـه دوره
فديت اللي خذا قلبي وشتت نبضتـه واشقـاه=فديت اللي ملك شوفي وفيه العيـن مسحـوره
فديت اللي الى منّه طرالـي ماقـدرت انسـاه=بشوق يزورني طيفـه ودوم ٍ طيفـي يـزوره
رهيف ٍ فارع ٍ ضاهي رزين ٍ مكسبـه مجنـاه=ظريف ٍ بارع ٍ باهـي جميـل ٍ بـازغ ٍ نـوره
بري ٍ مودم ٍ صافي خلـوق ٍ يحكمـه مبـداه=جري ٍ مقدم ٍ وافي صـدوق ٍ راجـح ٍ شـوره
قسـم بالله ياقـدره كبيـر ولا حـد ٍ يسـواه=وقسم بالله ياعينه تسـاوي الوقـت ومهـوره
احبه وافرح بحبـه وامـوت بخافقـه وافـداه=عشقته لعنبو جـد الغـرام ونشـوة شعـوره
عسى الله لايغيّر لي غرام ٍ عشت بـه واحيـاه=وعسى الله لايفرّقنا بعـد ماهمـت بحضـوره

بنـــدر النــآيف ‘ ابــدع‘ـــت كعــآدتك فــي انتقــاء الكلمــآآت ..

صح لســآآن شــآآعــرها ،، وسلمــت يمينك علآ هالنقــل .,.

ولآهنـت اخــوي ..

رائعة من روعة ناقلها 000سلمت يمينك000لك مودتي واحترامي

		المشاركة الأصلية بواسطة : شرقاوية اقتباس
	بنـــدر النــآيف ‘ ابــدع‘ـــت كعــآدتك فــي انتقــاء الكلمــآآت .. صح لســآآن شــآآعــرها ،، وسلمــت يمينك علآ هالنقــل .,. ولآهنـت اخــوي ..

هلا بك يا شرقاوية وحياكِ الله

ومبطي والله ما شفت أسمك ؟


يا مرحبا وشاكر لك كلامك الطيب

دمتي بود ,,

,,,

		المشاركة الأصلية بواسطة : عمرتي اقتباس
	رائعة من روعة ناقلها 000سلمت يمينك000لك مودتي واحترامي

هلابك يا عمرتي وحياك الله

والله يسلمك ويخليك


دمت بود

اللهم لك الحمد والشكرا
شكرااا لك

يستاهل الحمد سبحانه

^_^


,,,,

حياك الله

يسلموووووووووووو روووووووووووووووووووووووووعه

دمت بود

هلابك إلزابيث

ومرحبا تراحيب الأمطار


شاكر لك مرورك الطيب ,,

دمتي بود ,