يا رفيقي ليه جرح المشاعر؟!

.
.


بسم الله الرحمن الرحيم
يارفيقي ليه تجهل عليه بالكلام . . . . . .

يارفيقي ليه تجهل عليه بالكلام = ليه و أنا ذاخرك درع للسيف الشطير
إن تجرعت المرارة بكأس الإحترام = وصبرت لزلتك لو كوت جوف الضمير
فإنتبه ياعزوتي يالكريم أبن الكرام = لا تغفلني بسهمك وترديني حسير
ثم تدعيني إلى شفت من حولك جهام = تدعي المغدور تنخاه لاشفت المغير
و أنت ذا بالأمس جرعتني سم السهام = ليتني باعيش و أفداك ياذا المستجير
أنت تاجي و أنت لبسي ودرعي و الحسام = و أنت ذاتي و أنت روحي وشوري والمشير
و الله إن آحول دونك إلى إشتد الزحام = ما يخيب الظن فّيه و أنا حي أسير
و إن تحسست الفتن من ورى عتم الغمام = أذكر الله وأتعوذ من إبليس الحقير
خاتمتها إسمك اللي على صدري وسام = أتحمل لاجله العلم لو دربي عسير
لابةٍ كالشمس تجلي عن العين الظلام = إسمها يجلي الغشاوة عن عيون الضرير
صاملين ساعة الحرب واللا في السلام = ثار شيخ في اللوازم وفي القالة خبير
في ذرى من شعبنا تحت حكمه مايضام = كلنا رهن إلى قال ياقوم النفير
خادم البيتين ياجعل عمره للدوام = صقرنا صقر العروبة و فارسنا الكبير
و ألف صلى الله وسلم على خير الأنام = حن على شرعه و أهل سنته مانستخير

أبو فيصل 20 / رجب / 1433 هـ 1.30 ظهراً


.

صح لسانك يا ابوفيصل
قصيده راااائعه
دام ابداعك

قصيدة رائعة
صح لسانك شاعرنا
ولاهنت

صح للسانك شاعرنا الحلافي ولاهنت ابيات روعه

ما شاء الله بحق قصيدة قوية
قصيدة رائعة في معانيها
في صعود للقمة شاعرنا

ارحب ارحب ارحب يالحلافي منور المنتدى يالعذب

صــــــــــح اللسانك يالحـــــلافي

صح لسـانك واعتلى بالخير شانك

لاهنت

أسعد الله أرواحكم برضاه

جميع من علق على الموضوع أو شاهده كنت سعيد بكم وممنون للطفكم وأذواقكم وحسكم وفقكم الله....


أبو مشهور لك رسالة في منتدانا إهداء خاص وهو رد على أبياتك التي انزلتها ....


يشرفني ترحيبك وأنا فخور بك وسعيد بك عندنا وهنا....

عليه آلصلآة وآلسلآم

وصح إلسآنكك

شكري وتقديري