بنوك المعرفة

الاخوه الكرام اداري واعضاء
شبكة الشدادين الرسميه
اسعد الله صباحكم/ومسائكم بكل خير
اضع بين انظاركم هذه القصيده المتواضعه
أأمل ان تحوز على رضاكم والسلام عليكم

ماللورق غير القلم والليل مهراس القصيد=وماللذرى غير البيوت الثابته بجدايره
حنا نريد ويفعل الله مايحب ومايريد=والحق واضح والنفوس ابضعفها متضايره
والرشد ضمن الصدق ماخالف رشيد=على اعتبار الصدق قيمه ثابته بالدائره
والناس تدرك معطيات الحق والعلم الوكيد=وفي محتوى الاسواق تلقى الطيبه والبايره
اليا صدقت وقالو الدقه قديمه بالجديد=فالدبلوماسيه جديد الكذب جت ومخايره
والكذب الابيض كذب وبلونه فريد=تنميق مستحدث يجدد خطته ودبايره
سج الخطا فالوقت مابين القريَب والبعيد=على طريقك ملتقى للهينه والجايره
من لايخسر فالليالي لو يورى مايفيد=ومن لايجرب لو يفكر يلتقي فالحايره
ماينحر الايام غير الفكر والراي السديد=والا الهقاوي لابدا صدق اللوازم نايره
لو تشفع الهقوى لمن هقوى جمح راس البليد=وجات الاماني لجل هقواته عجالى طايره
للمعرفه عند الرجال آبنوك وحساب ورصيد=وحسابها مايقبل التزوير والا العايره
لو كان مالك زايدٍ بالثانيه مثل الوليد=ونفسك رخيصه مايفكك رخصها من عايره
تظهر بحال وتختفي تنقص بطبعك ماتزيد=وتلقى الطريق المستقيم ومستحيل تسايره
الطبع يغلب للتطبع والحقايق ماتحيد=والآمَعه عقرب خبيثه داخله ويعايره
لاشفتها ماتستوي جنب وحاول ماتعيد=لله في خلقه شؤون ولا غرابه صايره

صح لسانك ملاييييييييييييييييييين

قصيده جزله من شآعر جزل

ويشهد الله انك وفيت وكفيت

تقبل مروري وحترامي

الله الله الله

ويا سلام عليك يا جزل البيان ويا سحر الشعر وقمة إبداعاته ,.

قصيدة حكيمة جداً وكلها معرفة وثقافة حياة عالية ,,

أحسنت يا شاعرنا وكفو ونعم بك وصح إلسانك مدد بلا عدد

دمت بود

اخوي/بحور القوافي
صح بدنك يالغالي وسلمت
وماعليك زود ياسنايدي
وشكرا لمرورك الراقي
تفضل بقبول تحياتي

		المشاركة الأصلية بواسطة : بندر النايف اقتباس
	الله الله الله ويا سلام عليك يا جزل البيان ويا سحر الشعر وقمة إبداعاته ,. قصيدة حكيمة جداً وكلها معرفة وثقافة حياة عالية ,, أحسنت يا شاعرنا وكفو ونعم بك وصح إلسانك مدد بلا عدد دمت بود

اخوي/بندر النايف
دئما مرورك راقي وانت راقي
اسعدني مرورك كثيرا لاخلى ولاعدم يالغالي
تفضل بقبول
تحياتي وصادق الود

جزل البيان
الكلام الجميل لايحتمل امرا غير الانصات التام
واستنشاق المسك الذي ينتثر منه
جزل البيان
بهذا النص الادبي انت تذكر الشجره بان العصافير التي تتكىء عليها ليست من صلبها
لك مني جزي الشكر على هذا النص الفاخر
تفضل بقبول فائق الاحترام

حياك الله يا شاعرنا القدير
أبو فهد
لا هنت وصح لسانك ملايين
ومثل هذه القصيدة لا تعتبر متواضعة أبداً
بل تعتبر من الدرر الثمينة

صح لسانك اخوي جزل البيان

وطاب لنا ماقدمت من شعر

..

تحياتي

صح لسانك شاعرنا
وتسلم على القصيده الرائعه
الله يعافيك

ماينحر الايام غير الفكر والراي السديد
ولاالهقاوي لابدا صدق اللوازم نايره
الفكر والعرف واالراي السديد والحكمه والتجربه والعذوبه اجتمعت وكونة هالدره الثمينه اللى يطرب لها قاريها وكل ماقراها يزيد اعجابها بمافيها من المعاني الراقيه صح لسانك مليارات ومليارات ياجزل ودمت مبدع يامبدع
تقبل تحياتي,,,,