الصقر دايم بالسماء يبعد الحوم

الصقر دايم بالسماء يبعد الحوم

ما دامت الدنيا ترى لام كلثوم =ولا دام منديل السهر والدلاعه
ولا دامت الدنيا لعنتر وللروم =وعاد وثمود اللي دفن في قلاعه
أوصيك يا اللي تفهم العلم وتشوم= احرص على دينك بجدٍ وطاعه
صل الفروض بوقتها وكثر الصوم =ترا العمر يمضي والايام ساعه
ولا أنته من الرحمن يا قرم محروم =الله يجازيك العفو والشفاعه
والمرجلة ارقى لها عالي رجوم =الرجل دايم مكسبه من ذراعه
الصقر دايم بالسماء يبعد الحوم =تعجبك هداته وبعد ارتفاعه
والرجل ما يلعي كما يلعي البوم =الله عطاك لسان عرف وبراعه
والصدق خله منهجك دايم الدوم =وخلك لبيبٍ للاهل والجماعه
ولا تخاوي الانذال واحذر من اللوم =النذل يوردك الخنا والدناعه
وان جاك ضيف بواجبه أنت ملزوم =اكرم سباله يا زعيم الشجاعه
وان جاك محتاجٍ من الناس معدوم =ابذل له المجهود في مستطاعه

الشاعر/ فيحان بن ناجي الشدادي

ارحب ارحب
يا أبو فوزي والله يحييك
مبدع ومتميز والله يوفقك
وبيض الله وجهك وصح لسانك يا بعدي

.



الله الله نّصٌ فريد بمعانيه و كل ماجاء فيه من نُصح
صح الله منطوقك و سلم بنانك شاعر القدير و لا هنت على هطولك الدائم .


# يَعتلي الثُريا و يوُشم بالتميّز

صح بدنك ابوعبدالله ومشكور على كلامك الطيب واشادتك الجميله بارك الله فيك

يسلمو اختي ساره مرورك الاروع واشادتك وسام اضعه على صدري بارك الله فيك