رجل الى من طاح محدً يخليه

رجل الى من طاح محد يخليه
ينصونه العربان من كل وادي

ورجل يطيح ولاحد يلتفت فيه
لوكان بأعلى الصوت فيهم ينادي

ورجل يقوم بحمله ولا يعانيه
لو كان فوقه حمل الايام زادي

ورجل مايدري وين ربي موديه
عادي واقل شوي من شخص عادي

ورجل مع العالم يجيب المشاريه
اما بياض الوجه والا سوادي

ورجل صبور وحكمة في تفاديه
للكلمه الي جايةً من عنادي

ورجل يطير فحلق منهو يعاديه
في حلق من عاداه مثل الزنادي

ورجل عن المخطي ترده مباديه
نار على ماقيل تحت الرمادي

ورجل مواقيفه مع الخلق تكفيه
لو قالو ان افلان وافلان غادي

ورجل يحب الخير والله هاديه
ماضاع فعل الخير بين العبادي

وفعل ينومس لاذكر باسم راعيه
ويسبق صداه اذاعة اهل الروادي

وفعلً من الرجال في الارض ينفيه
اما مع اهل الحضر والا البوادي

هلا والله بك وألف مرحبا يا شاعرنا العزيز
أبو نايش
ولا هنت وبيض الله وجهك يا بعدي
ولا هنت على هذا التواجد المشرف

الله الله
ابيات وجزله بمعانيها اجدت نسج سطورك
وطبت بخيروعافيةة
...

كلمات جميلة تسلم وصح لسانك
تحياتي لك

صح يمناك فاتك ،
دائم حاضر بكتتاباتك الرائعه والجميله ،
الف شكر لك ،

الله الله

مبدع يا شاعرنا ابو نايش صح الله لسا نك واعتلى شانك

تحياتي..

سلمت وصح لسانك يا شاعرنا
أبو نايش
وبيض الله وجهك وعساك على القوة

صحة ابدانكم جميع وشكراً لكم ولمروركم الكريم

اخوي
فاتك حضوري
صح لسانك واعتلي شانك
قصيده شامخه بشموخ شاعره
تقبل مروري المتواضع وخالص تحياتي

مشكور والله يعطيك
الف صحة و عافية