إلى الشاعر وحي الالم مع التحيه

السلام عليكم ورحمة الله وبركاته

إلى الشاعر وحي الالم مع باقة ورد طائفيه
.
.

ياقاف لامني بديت ابك بحماك=ماني من اللي ورطوك وتقافوا
يالله عسى اللي مايظبطك يفداك=ولا يطول اعلاجهم ماتعافوا
كل من بدع بيتين خرب مزايااك=دار الزمن فيهم وهم ماتصافوا
والقاف ياساير بلا شك ينصاك=ويصد عن ناسٍ عن الشعر حافوا
لكن هد اللعب واشعب مطاياك=دام الاوادم فالزمن ماتكافوا
العام فالميدان تفويت وادراك=واليوم كل الناس يالقرم شافوا
وش صار يابن العم في دار الاتراك=يوم الشيوخ اهل الاماره تنافوا
ناسٍ يكيفها معسل مع اجراك=وناسٍ عن الثنتين شاموا وعافوا
وناسٍ مشوا مع كل خاين وشكاك=داسوا على قانون الامه وطافوا
لا يازمن وش فيك كثروا ضحاياك=صوبت خلق الله وهم ماتشافوا
ياساير الاقوال ماهيب تخفاك=دندن ترى عدوان صاحبك خافوا
جتك القوافي وانتبه لاتعداك=دام الغموض ايحوفها بالبرافوا
لاتنخدع ياذيب ويزين مرماك=الناس من بعد المحبه تجافوا
هذا زمن مسي والالماني ابلاك=ماهو زمن يوم انطلاقات كافوا

.
.
الغربي

سلمت يابو عبيد ولاهنت

وحياك الله وحيا مضمونك

وانتظر ردي

الغربي
صوت فاخر من قامة شعر
ننتظر صداه من ساير
صح لسانك يامبدع

هلا بـ اخوي الشاعر

سعد العضياني

,
,
صح الله لسانك يابو عبيد
ابيات جميله
وننتظر وحي الالم
,

ردي على أخوي الشاعر الغربي


مع باقة ورد جوريه .




يامرحبا ياقاف واهلاً وحياك 00 وبطيوفك اللي مع جنابك تلافوا


أقلط وخلك متكي فوق مركاك 00 وابشر معازيبك لشوفك ترافوا


ياضيف مانكره وصولك ونشناك 00ربعي على الكرمات قومٍ تحافوا


يامرحبا ياعيد واطلق محياك 00 وشرواك لو زلوا علينا توافوا


ماجيت غير أسقي على العد مضماك 00 اللي على عدك حيام وتهافوا


صومتهم عن مشرب القرح من ماك 00وفالقيض من شدة جفافك تزافوا


خوفت غض العود تومي بشلفاك 00 ومن بخت نجلات العيون استضافوا


واسقيتهم ياعيد من كف يمناك 00كاسٍ عليه من الجروح استشافوا



ماخفت يابن عبيد من عين مولاك 00ولولاي ماتوا من ضماهم وزافوا


هذا وانا ماتهت عن درب ممشاك 00 وعيوني الثنتين فيه استطافوا


ياعيد لاتنشد وخلك بمبداك 00 دوبك دريت إن العباد استهافوا


إن كان عندك حل هاته وماجاك 00 عندي وماغيره دخيلك شفافوا .

		المشاركة الأصلية بواسطة : وحي الألم اقتباس
	سلمت يابو عبيد ولاهنت وحياك الله وحيا مضمونك وانتظر ردي

صح بدنك

واهم شي المضمون

فانتظارك

		المشاركة الأصلية بواسطة : سعد العضياني اقتباس
	الغربي صوت فاخر من قامة شعر ننتظر صداه من ساير صح لسانك يامبدع

حيااااااااااااك ربي ياشاعرنا

مرورك واشادتك فخر

صح بدنك

		المشاركة الأصلية بواسطة : العربية للعود اقتباس
	, , صح الله لسانك يابو عبيد ابيات جميله وننتظر وحي الالم ,

صح بدنك يا ام محمد

كل الشكر لحضورك الراقي

		المشاركة الأصلية بواسطة : وحي الألم اقتباس
	ردي على أخوي الشاعر الغربي مع باقة ورد جوريه . يامرحبا ياقاف واهلاً وحياك 00 وبطيوفك اللي مع جنابك تلافوا أقلط وخلك متكي فوق مركاك 00 وابشر معازيبك لشوفك ترافوا ياضيف مانكره وصولك ونشناك 00ربعي على الكرمات قومٍ تحافوا يامرحبا ياعيد واطلق محياك 00 وشرواك لو زلوا علينا توافوا ماجيت غير أسقي على العد مضماك 00 اللي على عدك حيام وتهافوا صومتهم عن مشرب القرح من ماك 00وفالقيض من شدة جفافك تزافوا خوفت غض العود تومي بشلفاك 00 ومن بخت نجلات العيون استضافوا واسقيتهم ياعيد من كف يمناك 00كاسٍ عليه من الجروح استشافوا ماخفت يابن عبيد من عين مولاك 00ولولاي ماتوا من ضماهم وزافوا هذا وانا ماتهت عن درب ممشاك 00 وعيوني الثنتين فيه استطافوا ياعيد لاتنشد وخلك بمبداك 00 دوبك دريت إن العباد استهافوا إن كان عندك حل هاته وماجاك 00 عندي وماغيره دخيلك شفافوا .

صح لسانك ملايييين وبيض الله وجهك ياساير

رد جزل ووافي من شاعر جزل

سعدت كثيراً بهذه المساجله وهدفها الرائع