ترى المقفي ماحسبنا له حساب

السلام عليكم ورحمة الله وبركاته

صباحكم خير جميعاً

بدوووون مدخل ولا مخرج

هي قصيده كتبت في اشباه الاصدقاء

اتمنى ان توفي بالغرض الذي يخصني

ماجاك مني يالسنافي خطيه=يومك تعاتبني بلا ذنب واسباب
تضحك بوجهي ثم تقلب عليه=وانا الذي حاسبك من خير الاصحاب
معقول تسمع هرج الانذال فيه=ويخلفك عني كل حاسد وكذاب
خطيتك هذي تراها قويه=خلتني امشي طول الايام منصاب
لكن لاتقسى وخفف شويه=دام ان جرح القلب تبريه الاطباب
ياصاحبي ماجاك مني رديه=وافي معك وازعل على شانك احزاب
وانته تصدق كل هرجه دنيه=وتفرح اللي صار فالوقت مغتاب
لكن اخذ كل العلوم الوفيه=ترى المقفي ماحسبنا له حساب
لي صاحبٍ ياحظ منهو خويه=في وسط قصر المرجله شرع الباب
دامي بجنبه فالسنين العصيه=باطى المخاطر واسحر عقول والباب
ماهمني فرقى المقفي كذيه=ولاهمني فرقى طويلين الاشناب

تحياااااااتي لكم

عـــيـــــد الـــشــــــعــــــــــر

صح لسانك أخوي الغربي

وأشكرك على هذا الأبداع الغير مستغرب على شاعر مثلك
.
.
.
من ماحسبك مكسب ... لا تحسبه رأس مال

الغربي ،
قصيدهَ بقمه الروعهُ
ونقاء الابياًت كَ نقاء وجودكَ
دمت بهذه الشاعريهَ

لبيه ،

لا يهمك يا أبو عبيد هرج العاذل
صح لسسانك وبنانك يا بعدي

لا هنت

[quote=الغربي;719970]

لكن اخذ كل العلوم الوفيه=ترى المقفي ماحسبنا له حساب
لي صاحبٍ ياحظ منهو خويه=في وسط قصر المرجله شرع الباب
دامي بجنبه فالسنين العصيه=باطى المخاطر واسحر عقول والباب
ماهمني فرقى المقفي كذيه=ولاهمني فرقى طويلين الاشناب

ماشاء الله
مررررررررررررره
ر و ع هـ


صح لسانك مليون مرهـ ^_^

صح لسانك ملايين

لاهنت ولاهان غاليك

عاد هذا هو حال الدنيا يا عيد
كل يوم تتعلم منها درس وكل يوم
تصفي لك منها صديق
حتى يجي اليوم اللي تعرف فيه من هو صديقك
ومن هو بس اللي يضحك لك

صح لسانك ولا هنت

		المشاركة الأصلية بواسطة : غالي اقتباس
	صح لسانك أخوي الغربي وأشكرك على هذا الأبداع الغير مستغرب على شاعر مثلك . . . من ماحسبك مكسب ... لا تحسبه رأس مال

غالي

شكراً على مرورك المميز والغالي

وصح بدنك ياطويل العمر

تحياتي لك الغربي

صح لسانك.. وعلا شانك
إحساسك جميل وألفاظك مختارة بعناية
قصيده راقت لي بمعانيها و قافيتها
ننتظر جديدقصائدك

شاعرنا الغربي (أبو عبيد) دائم مبدع وقصائدك جزلة وبيض الله وجهك على هذه القصيدة الجميلة التي جت في وقتها فعلاً المقفي لا تعمل له حساب يمكن في صده وأقفاه خيرة ما يعلم بها الا الله وعلى قولة المثل طرد المقفي عيب عند الرجال الطيبين .