مجاراة كيبورديه ( قالوا ثمانين عام )

قلت الثمانين عام بقصد هيبه وشان=ما جا على خاطري ذكرى سنين الضياع
يابنت سود الليالي طبعها الامتحان=لاتكسرين الحدود وللعتب ماش داع
خلّ المشاريه ياريم الفلا لا هوان=ماحدّك الله ولاني من خباث الطباع
وسلسال الالماس يتبع جبّة الغيهبان=إن كان فاق المهر عن طاقة المستطاع
والورد ليل الفرح يزهى حدود المكان=ونسايم العطر في قصر السعاده تشاع
الطيب ساسي وانا جدي كريم الزمان= غطا على حاتم الطائي بليّا نزاع
واضحك واسولف وعزمي مثل عزم الحصان=وعندي على البطش قدره مير حدّ إمتناع

ما شاء الله عليك
مجاراه فاقت القصيده
أسعدني بأن تأتي مجارات متواضعتي من شاعر بحجم وحي الالم
مبدع ولا فيك حيله وأنا ما أقصد يوم كتبتها زعل لا والله
أنا واثقه بنفسي واخر وحده تزعل
أختكم ترانيم
بس جت فكره وكملتها
<<<<<شنب ما يهمها احد ههههههههههههه
تقبل تحيتي وأحترامي

صح لسانك ياوحي الالم والله انك تروع الله يكفينا
شرك وصح لسان من جاريتها كلكم تملكون ادوات
الشعر والابداع تقبلو تحيات أخوكم سعيد والاهنتو

صح السانك والشاعرة ترانيم كفو وقدها وقدود وتستحق المجاراة وبقوة
تقديري واحترامي

هلا بك ياترانيم

وتراها بعد كيبورديه


والله لايجيب الزعل
تحياتي

هلا بك ياسعيد

ولاعليك زود طال عمرك

تحياتي

وهلا يابدر وحيااك


وتحياتي

كفو يا ساير
وفكرتك وصلت
وصح لسانك ملايين ولا هنت

وسلسال الالماس يتبع حبة الغيهبان
ان كان فاق المهر عن طاقة المستطاع
لله درك ياوحي الالم بيت يسوا قصايد وقصايد صوت وصدى راقي من شاعر وشاعره مبدعين ابدعت ترانيم في البدع وابدعت في المجراه الله يعطيك الف عافيه وصح لسانك مليارات يامبدع
تقبل تحياتي,,,,

اخوي/وحي الالم
مجاراه موفقه بكل المقاييس
صح لسانك واعتلى شانك يالنشمي
تقبل مروري وخالص تحياتي

هلا بالجميع

ولاعليكم زود ويشرفني مروركم

تحياتي