هذا بنات اليوم برقع جوال

هذي قصيدة تتكلم عن حال بعض الفتيات في وقتنا الحاضر هدانا الله واياهم.

هذا بنات اليوم برقـع وجـوال=والعبايـة كتـف هـم يلبسوهـا
والراس فوق الراس طرحه مع الشال = حتى الخصال الطيبة افقدوها
يوم البنات اللي غدٍ سبت إهمال =ويوم السبايـب أهلهـا هملوهـا
الأم نامت والابو صار تمثال =والبنت راحـت ويـن مـا يسألوهـا
بالليل تسهر بين هاتف وجوال = والا على دش الفلـس سهروهـا
اقفاي هي ما بين الأسواق وإقبال = بلا غرض راحت ولا انشدوهـا
اللبس تلبس كل ما يطرب البال = وفلوس لو تنقص عليها عطوهـا
من شافها باللبس يا ساتر الحال = يسبهـا ويسـب مـن خلفوهـا
كومة لحم وعيون والرمش قتال = ويلا مشت كل الشباب اتبعوهـا
هم ما دروا لون البراقع بتنشال = ونشوف وش تحت البراقع خفوها
يرتاح من صابه من اسبابها هبال = ويشوف والله من عيونه هووها
وين البنات اللي بهم تضرب امثال = ليت السلوم الطيبة ما تركوهـا
البنت زين البنت لا زانت الحال = ما هو بلبـس ولا علـوم خذوهـا
وين المراجل ما بقى غيره ارجال = ليت الشوارب واللحى حلقوهـا
اللي على عاره رضي الذل ينقال = ليت الكرامـة ليتهـم يرفعوهـا
ما عاد ينفع قول فيها ولا قـال = لا الأم والله ولا الأبـو انفعوهـا
اصبح ضياع البنت بسباب جوال= البنت ضاعـت والأهـل ضيعوهـا

على العموم هي منقوله

ولا تعم كل البنات تخص فئه نسال الله العلي والقدير لهن الهدايه

تقبلوا تحياتي

الله يصلح شأن المسلمين

الله يصلح فتيات المسلمين أجمعين
ويهديهن الى الصواب .
شاكر لك ابو عزة طرح القصيده

قصيده حلوه ابو عزه سلمت يمينك وكلامك سليم ان اللي ضيعوا البنات الاهل اللي لاهين عنهم وبسببهم ضاع مستقبل بنات كثير
بس الله يهدي الجميع

		المشاركة الأصلية بواسطة : أبو عزة اقتباس
	وين المراجل ما بقى غيره ارجال ... ليت الشوارب واللحى حلقوهـا

مشكور اخوي ابو عزه على القصيده

الراااائعه لاهنت الله يعطيك العافيه

أبو عزة

زين يوم يكون فيه برقع !!!

بيجيك زمن يكون البرقع من الماضي المنبوذ

ويكون السفور من الحاضر المحبوب

شكراً لتواصلك

ابوعزة

مشاركاتك إبداعيه ولكن القصيده قد كتبت تحت هذا الرابط أشكرك مره أخرى وتقبل تحياتي ،،،

http://www.shdadeen.com/vbq/showthread.php?t=4230