مشاركة بمناسبة زواج اخي خيال الشدادين

سلام مني والنقا والتحيات=افلها واعيدها وابتدعها
وصبها صب الذهب للجنيهات=تشفي قلوب اهل الوجع من وجعها
تستهوي الالباب من حيث ماجات=تمشي كبر ماهمها من تبعها
هي فلسفة شاعر على هيئة ابيات=تصعب على اللي بالطمايع طمعها
والطمعه اللي فوق سبع السموات=طوبى لعبدٍ بالمساجد ركعها
يامرحبا ترحيبة الذات للذات=باللي توحاها وباللي سمعها
ياصاحبي سلطان للشعر وقفات=ماهيب رمعه كل من جاء رمعها
الشعر ياقف عند شرواك بالذات=لنك عدود وفيض وغيض ونبعها
نضرب بك الصعبه وتصبح سهالات=عز الخوي زبن المجنا ومعها
عليك من دم الشهامه علامات=طلق المحيا والمراجل قدعها
يشوم عن نبش العلوم الهزيلات=حتى يدينه لو تقصر مزعها
ما كنك الا شايبك حي مامات=عان الاوادم مانست من نفعها
وانتم بني شداد مجد وبطولات=وشداد وبيرق ماحدٍ قد جمعها
وانا حضوري ماتعيقه مسافات=جيتك محبه والغلا مبتلعها

فايز بن مشحن

صح لسانك مدد بلاعدد يا ابومشحن
وحياك الله بعد الغيبه
بارك الله فيك ولاعدمنا ابداعك وخيال الشدادين يستاهل اكثر وأكثر

.. مع التنبيه +

قصيده قوية وأعجبتني جداً ,,,,
الله يعطيك العافية على القصيده الرائعه لــ أخانا الكريم خيال الشدادين
ومبارك عليه
الف شكر لك يا شاعرنا الفاضل فايز بن مشحن

يا هلا والله وألف مرحبا بشاعرنا
أبو مشحن
والله يحييك في منتداك من جديد

ما قصرت
وافي يا شاعرنا
وأبو مشعل يستاهل كل خير
وصح لسانك ملايين

يستاهل أخوي خيال كل خير
صح لسانك مليون ولايسدون
ولاهنت شاعرنا على القصيدة الجزلة

صح لسانك شاعرنا
ولا مدحت إلا فليح يستاهل المدح وأكثر.

اهلاً وسهلا بكم

صحة ابدانكم جميع
وتشكرون على تفضلكم
بالاطلاع والمرور
والله لا يخيب لكم رجاء
دام الجميع بخير

صح الله اللسانك وابيض وجه يافايز
ويستاهل سلطان

صح لسانك
ياشاعرنا العزيز
فايزبن مشحن
ويستاهل الخيال
لاهنتو

شاعرنا القدير
سعد الروقي

ايضا

شاعرنا القدير
سفير وشاعر



اهلاً وسهلاً
بكم
صح الله ابدانكم
وتشكرون على تفضلكم بالاطلاع والمرور
دمتم

بخير