ملك القلوب

بمناسبة شفاء خادم الحرمين الشريفين ,
لا أريد أن تمر هذه المناسبه الغاليه بدون
أن نشارك بهاوهذه قصيده بهذه المناسبه
الغاليه على قلوبنا:

على صدر شاعر ينظم القاف ويحوفه = توارد هجوس الشعر جوعا وضميانه
كما هجن أصايل روحت عصر مشعوفه = تبي ماردٍ لا وصــــــلته جات نشوانه
ونبض القصــــــيد وجل معناه وحروفه = قوافيه مع أبداع نســــجه مع أوزانه
مليكٍ له قلوب الملايين ملــــــــــهوفه = ترفرف مثـــل طــيرٍ يرفرف بجنحانه
ويالله ياللــــي نعبــــده قبل لاأنشــوفه = ألاهٍ مليـــــك الملك نرجيه سبـــــحانه
تمد بعمر من للـــــــوطن بان معروفه = ويبقى ذخر للـــشعب وأهلــــه وخلانه
وتكفيه سوء الباس والدهر وصدوفه = وتشقر عصـــا عدوان شعبه وعدوانه
مليكٍ تفوح الــــه المشاعر ومحفوفه = يالاشواق فوح الهيل في وسط رسلانه
وكفه لردع الظلم تبــــطش ومعروفه = وبالبذل ميل الغيــــــــث لاانهل ودانه
وللتنمية خصص ملاييــــن مصروفه = نظام اقتصادي شاد بنيــــه وسيسانه
وقطاع الامن يرعاه وأعتزت صفوفه = والارهاب بان بقـــــدرة الله خـــذلانه
ولاجا نهار الحرب ماكلَــــــت سيوفه =على الحوثي اللـــــي زاد بغيه وطغيانه
وياللي على لحن الوتر يضرب ادفوفه = تطبل له ضــــعاف الروابع وطربانه
ياتاجر يتاجر بالعقول وقصر شوفه = لابده تخيس بضـــــاعته وســــط دكانه
ترا ياردي الحــظ الاوراق مكشوفه = وحب الملك في وريد شـــــعبه وشريانه

صح السانك وقلبك مليون
ابدعت بماء كتبت يالمحياني
ولاهنت ولاهان راسك ياحمد
ويستاهل اكثر ابومتعب
هالمشاعر من شاعر حزل مثلك
وبنتظار جديدك يالقرم
لك اعذب التحايا

كفو والله يا أبو سلطان وصح لسانك
ويستاهل أبو متعب كل خير
والله يرزقه البطانة الصالحة
لا هنت يا بعدي

.
.

وَ تكفيِه سوُءْ البَاسْ وَ الدهّر وَ صدوُفه = وَ تشقر عصَا عدوانْ شعبه وعدوانه

اللهُمَّ امينْ . . اللهُمَّ اميِنْ

حيَّ هَلا بكْ يَ المحيَانيَّْ وَ حيّ مَاجبتْ مشَاعرُ فياضَّة وَ قافيَّة مُترفّة
صَّح البوُح وَ سَلِمَّ البنَانْ لا هِنتْ وَ يستاهلْ منَّا والدنَا كُلْ
حُب وَ شعوُر ’

صح لسانك ولاهنت

يستاهل أبو متعب المدح والثناء
ملك قد حاز مجدي فوق مجد
ولا أروع من هالكلمات وفقك الله يا شاعرنا
وأبو متعب مكانته عاليه في قلوبنا الله يحفظه
ومشكور على ابيات الجميل

تسلم يابطل وصح لسانك

عطاء جميل ووفاء اجمل