والله فلا أطمع بثوب مايجي قدي..

مـجـمـوع الأوسـمـة · 02 Jul 2012, 11:15 AM

الـفـكــر شـــارد وانــا ودي ولا ودي=والـعــمــر مــحـدود والانفــاس مـحـسـوبــه
وأنـا مـن الــعــقـل مـتعــشي ومــتـغـدي =والحـمـدلله نعـرف الدار ودروبه
والله فلا أطــمــع بـثـوب مـايجي قــدي=يوم أكثر الـناس دايـم مـسـبل ثوبه
وشلي على اللقمه اللي في طرف يـدي =ما أقـدر عليا وهـي ما هـيـب مكتـوبه
كـم واحـد يــحـسـب إن الـــلــوم مـتـعدي=واللـوم غــشيه مـن راسه لعـرقـوبه
نـتـبـع ظـــروف الـزمــن ونـجـيــب ونــــودي=ونقوم ونـطـيح كــل دون ماجوبـه
مـــا بـيــن مـــوج الـبـحـر والـجــزر والـمــدي=تبـقـى الثـقـة حاجة فــي النفـس مطـلوبه
حتى لو إن الظروف تسير في ضدي=لابد تـرجع ظـروف الــوقت مـغـلوبه
ورث ورثتـه ورثـه أبوي عــن جـدي=ماهـيـن نفـسـي ورى الـلـي ينـفـخ أجـنـوبـه
أعـز نــفــسـي وأنـا مــانـيـب منـحـدي=الأمـر لله وباب الرزق مـن صــوبه
إخوان يوسف من أصل الأب والجدي=خــذوه مره وراحو به ولا جـوبه
يبـقـى الــردى فــي عـيـون الـنـاس مـتـردي=0مــتوقـي فـــي لـحف يــستر عــيوبـه
هـذا وانـا طـول عمـري مانكشـف ســدي =عـالي الـنـظــر والـقـلوب الــسود مـقـلوبـه
نـسـايــر الــوقـت واثـر الوقـت مـتحــدي=يـطــرح ويـجـرح ونـار الــمـوت مـشـبـوبـه
لا..واعـسـاهـا سـحـابـة صـيــف وتــعــدي=الـهـاجـس الــلي يـلوف الـقــلب ويــلـوبه
أمـــوت وارحـــل ودمـعــي مـاوطــى خــدي=حـتى لو الـروح مـسـلـوبـه ومـنهولـه