كذاب

لا تعتذرو العذر أقبح ذنوبك=لا تعتذر مادمت بالحب لعاب
رميتني وحدي بآخر دروبك=وأنا جعلتك وحدك بدرب الأحباب
كذَبت فيك إحساس وأخفي عيوبك=وأكبر عيوبك بالهوى كنت نصاب
علمني كيف أنساك وشلون أتوبك=مدام أحبك قلتها وأنت كذاب
طنشت كل الناس مهما حكوا بك=وكذبت ناس ٍكانوا أكثر من أقراب
وصدقت قلبي فيك وإثره كذوبك =وأصبحت وحدي مالي اليوم أصحاب
من زود غدرك بلل أطراف ثوبك=ومن زود ظلمك تجرح بدون أسباب
دايم أحاول أبتعد عند دروبك=وش لي بدرب ٍ آخره جرح ماطاب
أمشي وألاقي نفسي أمشي لصوبك=وأبكي على حب ٍ نهآيته وش جاب
حنا إنتهينا جات لحظة غروبك =وحب ٍجمعنا مات من نظرة إعجاب
عيبي أحبك وأنت أكبرعيوبك =كلمة أحبك قلتها وأنت كذاب
ذنبي أحبك ذنب كفر ذنوبك=ماهو بكيفي والهوى صدق غلاب

دايم أحاول أبتعد عند دروبك
وش لي بدرب ٍ آخره جرح ماطاب
سلمت اناملك على هذا الطرح المميز.

هلا بك يا خيالة الشرفاء
وتسلم يديك ويعيش ذوقك
على روعة وحسن الاختيار

		المشاركة الأصلية بواسطة : *ملاك* اقتباس
	دايم أحاول أبتعد عند دروبك وش لي بدرب ٍ آخره جرح ماطاب سلمت اناملك على هذا الطرح المميز.

الله يسلممك والتميز مرورك
لاعدمتك..

عيبي أحبك وأنت أكبرعيوبك
كلمة أحبك قلتها وأنت كذاب
،،،،،،،،،،،،،،،،،،،
الله الله
وربي جريمة .
أوف عليه الحب اذا كان كذاب .
تسلم على هالاختيار الفذ .

		المشاركة الأصلية بواسطة : السلطان اقتباس
	هلا بك يا خيالة الشرفاء وتسلم يديك ويعيش ذوقك على روعة وحسن الاختيار

سلِمت آخوي وعشت
والآروع مرورك لاهنت..

الله يسلممك اخوي
ولاهنت ع المرور..

صح لسان قايلها تسلم يمين ناقلها لاهنتي يالغلا ولاعدمنآك ...

		المشاركة الأصلية بواسطة : شيهانة المرقاب اقتباس
	صح لسان قايلها تسلم يمين ناقلها لاهنتي يالغلا ولاعدمنآك ...

صحت أبدانك
ولا عدمنا مروركك..

قصيدة أكثر من رائعة
سلمتِ يالغالية
ولاعدمناك