|
||||||||||||||||||
الجنتلة
قصيدة ذات فكرة جميلة وتضع يدها على كثير من الواقع السلبي لمجتمعنا الحالي ، فهي خيالية ...!! وتسرد قصة شخص يخاطب رجل (متوفي) كبير في السن.. إلتقاه في المقبرة ، فبدأ يسأل الشاعر عن أحوال مجتمعه بعد وفاته . لا أطيل عليكم .. وأترككم مع هذه الروعة والجمال منقطعي النظير .. ياالله وأنا طالبْك تغفر لي ذنوبـي يـا غفـور=أرجيك وألجالك وأنا سايـل وأعيـد المسألـه لو ما تطهّرنـي بعفـوك ماتطهرنـي البحـور=جيتـك وذنبـي قـد تعـلاّ غاربـي يامثقلـه أنا من الطين انخلقت اخطـي ولانـي بمعـذور=قامت عليّ الحجه بدعـوة رسلـك المرسلـه مومن بتوراتـك وإنجيلـك ومؤمـن بالزبـور=وبسنـة محمـد وآيـات الكتـاب المنـزلـه لكن خدعت بزخرف الدنيـا وزادتنـي غـرور=أبدت مفاتنهـا وورتنـي مـن العمـر أجملـه طبعاً بما أني بنـي آدم حصـل منـي قصـور=وأذنبت يا مولاي ذنـبٍ فـي الخفـا ماتجهلـه اسألك تغفر لي وتستر موقفـي يـوم النشـور=إليا القفت خلقك صحايفهـا وهـي مستذهلـه من يستلمها بالشمال أفلس وهو يدعـو ثبـور=ومن يستلمها باليمين افلـح لخيـر المنزلـه واسألك ياربي تعاونـي علـى نيـل الاجـور=أحيا حياةٍ مكسبـي فيهـا مـن البـر أفضلـه واسألك جاهٍ مع هـل الدنيـا وحـظٍ مايبـور=أيضا وعرف مع هـل الحكمـه ورزق تكفلـه من لا تهيا له مقـام مـع طويليـن الشبـور=يبكي على مافات من عمره وخيبـات عملـه وإن شاب راسه لاترجى فيه تجبيـر الكسـور=لاخير في تالـي زمـانٍ ان مـا تغانمـت اولـه وماني بناسي قصةٍ صارت وانـا ازور القبـور=لازلت افكـر فـي غرابتهـا وبالـي تشغلـه ساعة ظهرلي شايبٍ له حول قرنيـن محجـور=في جوف قبرٍ عن هل الدنيـا طـواه ويعزلـه سلّم وجا صوبي يقول: آبنشدك ياللـي تـزور=عن حالة الدنيا وعن وضع الزمان وعن هلـه أنا مضى وقتي ومرت بـي طويـلات الدهـور=والباقي بعمـري بعيشـه بينكـم واستكملـه قلت: الزمان اللي يبارينا علـى خبـرك يـدور=الوقت نفسـه ماتغيـر ماشـيٍ فـي جدولـه أما البشر لا والله ألا غير مـن حـد الجـذور=صار انتقال من يميـن الـى يسـار المنقلـه إستغرب الشايب من اللي قلت وبليـا شعـور=حط اليمين على الشمال وخاطره فيـه اسئلـه قال افتني عن حالة الشيبان والشيـخ الوقـور=أهل الخبر والراي والحكمه وضـرب الأمثلـه القدوه أصحاب الأمور التي تطاع بكـل شـور=اللي يفضّـون النـزاع ويحكمـون المشكلـه قلت: البعض منهم على ماقلت في وصفك وقور=قدوه ولكن رايهـم ماينفـرض فـي مسألـه الطاعة العميا بقـا منهـا مجاملـة الحضـور=اللـي تلاقيهـا مـع أول فرصـةٍ متنصّـلـه والبعض لا عبـدٍ يخـاف الله ولاعبـدٍ شكـور=لا زهّده شيبـه مـن الدنيـا ولا هـو جمّلـه بهيمةٍ يرجع علـى منحـاه الأول ومحصـور=في لعـب بيلوتـه وريـح زقارتـه ومعسّلـه والبعض الآخر شابت رموشه على درب الفجور=ينقل جـوازه للسفـر مـن مزبلـه لا مزبلـه اشيمطٍ زاني قضى عمـره بحانـات الخمـور=والعايلـه ورعٍ يغـرر بـه وبنـت مهمـلـه قال: افتني عن حالة الخفرات ربـات الخـدور=اللـي تصـان فبيـت عايلهـا وبابـه تقفلـه شيهانةٍ تشمخ عفاف وتصقل فـروخ الصقـور=بين الفريق ببشتهـا الضافـي وثـوبٍ تسبلـه قلت العـذارى فـي زمنّـا ببغـاوات الطيـور=تقليد هرج وعرض ريـشٍ خلفهـا تستخملـه تلبس عباةٍ ضيقه حـول الردايـف والخصـور=فضيحةٍ تكشف جسدها مـن علـوّه لاسفلـه وموضة شيالٍ تكشف الوجنات وألوان الشعـور=والمحـرم اتبّـدل بجـوالٍ بيـدهـا تحمـلـه لا فوّحت صفر الدلال ولاْاعرفَت طبـخ القـدور=تطبـخ لهـا خـدامـةٍ بالعايـلـه متوكـلـه الأم ما صانت عفاف البنت من عمر الزهـور=والأب ديـوثٍ تحكمـه حـرمـةٍ مسترجـلـه وشلون يتربـى عيـال أم التبـرج والسفـور=الا خنـازيـرٍ دمـاهـا بــارده ومغفّـلـه قال: افتني بحال الشباب الصلب صيَاد النمـور=الفارس اللـي ينطـح خصومـه بزنـد يفتلـه الوافي الشهم الغيور اللي لعرض الجار سـور=البار عند أمه وأبـوه وعلـم ربعـه يشغلـه قلت الشباب بوقتنا وجـهٍ مثـل بـدر البـدور=والجسم من زود الرخا ما تنفتل فيـه عضلـه قصـة شعـورٍ سيّرتهـم لا إنـاث ولا ذكـور=والثـوب راح ولا بقـا الا عالـم متبنطـلـه ناسٍ (فلنتينو) وناسٍ تلبس (كرستـان ديـور)=صار التنافس بينهـم فـي لبسهـم والجنتلـه من كان يشرب من قرار البير مشروبه (بيور)=والبل راعيها غـدا يشـرب حليـب النستلـه ما منهم اللي قام دون أعراض جيرانه غيـور=من قام قالوا : وش ملقّف حضرته وش دخله؟ والوالدين حقوقهم ضاعت وعنهم فـي نفـور=إن غاب عنهـم لا تذكرهـم ولا جـاه الولـه بدّا عليهم شلةٍ تهـوى الوطـا بيـن الجحـور=لو تعزله عنهم تبي لـه شـان كنـك تقتلـه ماراح يوم يشارك ربوعه بحـزن ولا سـرور=حتى ابن عمّه يعرفه بالوجه واسمـه يجهلـه بدّل حكاه وضيّع سلومـه وحالـه فـي دبـور=وإن شاف ضيف ٍ دس راسه لين يفارق منزله ناظر لي الشايب بعين تجمع السبـع البحـور=ثم قال : أنا لايمكن أدخـل مجتمعكـم واقبلـه إنتو لكم وقت تصدّع مـن بلاويـه الصخـور=ما يقعد الجمّال به ساعـه ولوضـاع جملـه الشاعر ظافر بن عبدالله الحبابي القحطاني ( خوي المطاليق )
|
22 Oct 2007, 08:45 AM | [ 2 ] | ||||||||
|
صح إلسان شاعرها وصحت أناملك المباركه التي نقلت القصيده وشكرآلك يا أخت نجود تقبلي تحياتي |
||||||||
|
|||||||||
22 Oct 2007, 12:57 PM | [ 3 ] | ||||||||
شاعر
|
قصيده جميله جداً
وتحكي قصه خياليه واجهت الشاعر واستطاع ان يعبر عنها بهذه القصيده الجميله صح لسان شاعرها وسلمت يدينك يانجود على النقل والاختيار الرائع ربي لايحرمنا تواجدك ان شالله وفي انتظارجديدك تقبلي مروري الغربي |
||||||||
22 Oct 2007, 02:20 PM | [ 4 ] | |||||||
نائب المشرف العام
|
صح لسان شاعرهااا جداً اختيارك رااائع اشكرك اختي الكريمة مودتي |
|||||||
|
||||||||
22 Oct 2007, 02:34 PM | [ 5 ] | |||||||
|
روعة وإبداع واختيار قمة هذه القصيدة أختي نجود والله ما قصرتي ونتمنى أن تتواصلي معنا دمت بخير |
|||||||
|
||||||||
22 Oct 2007, 02:34 PM | [ 6 ] | ||||||||
مؤسس شبكة الشدادين
|
والأجمل من القصيدة هو ذوق من اختارتها فقد وفقتي كثيراً أختي نجود في الاختيار تسلم يديك على النقل ويسلم ذوقك على الاختيار |
||||||||
|
|||||||||
23 Oct 2007, 08:36 AM | [ 7 ] | |||||||
عضو متميز
|
صح لسان شاعرها ومشكوره أختي نجود على النقل تحياتي ,,, |
|||||||
|
||||||||
25 Oct 2007, 04:39 AM | [ 8 ] | |||||||
عضوة متميزة
|
قصيدة في قمة الروعة ..,,.. تسلمين يانجود على هالانتقاء الرائع ...,,.. تحياتي ..,,.. |
|||||||
|
||||||||
21 Nov 2007, 04:07 AM | [ 9 ] | ||||||||
بنت البادية
|
:؛: بندر .. صح بدنك اخوي .. والاروع تواصلك الطيب .. لاخلا ولا عدم .. :؛: |
||||||||
21 Nov 2007, 04:08 AM | [ 10 ] | ||||||||
بنت البادية
|
:؛: الغربي .. الاروع تواجدك مشرفنا .. ماننحرم من هالتواصل العذب .. كل الشكر لك .. :؛: |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|