هوى الزين

الله من قلب غدابه هـــــــــوى الزين=مثل البعير اليا غدا بجــوف حره
واتعب عشيقه فـــــي جميع العناوين=يمشي على الجـــــره وقلبه يجره
يصبح بديره ما بها رمشـــــــة العين=ولا كلمة اقلط ويحصــــلك مبره
ويمسي على جال الجمر والفنـــاجين=وأفكاره تلوب المــــــراره ومره
والله من قلب شرب كاســــــــة البين=لين امتلت كل المعـــــــاليق حره
وأصبح اذينه يشـــكي لحضرة بطين=ويندب على حظه ومنـدوب شره
والماسه اللي شافـــــــها غطت الدين=وأعلن هواه وقال عمــري يا دره
نسي الشريعه واتبــــــــع له شياطين=واخذ طريق ابليــــس جره وجره
وترك طريق الخير في حشمة الشين=وباع الثمين بفلس وانباح ســـــره
ولبس القســـاوه ما عرف ميزة اللين=وشمس العنا في جبهته جات حره
وهاز القدم في درب مفروش بالطين=وتعثرت خطــــــــــواته بكل مره
ياليت يرجع للهــــــــــدايه من الحين=ويلبس لباس التـــــوبه وعقل مره
ويمشي على ضـــوء العقل والقوانين=ويحفظ علـــوم العقل كوكب وذره
ويضفي على داره هـــــدوء البساتين=ويرتاح جيــــــــــرانه وينذاق بره
وتنشم من حوله عطـــــور الرياحين=وكل فخر به جاب طــــرق يجره

ياليت يرجع للهدايـه مـن الحيـن=ويلبس لباس التوبـه وعقـل مـره
ويمشي على ضوء العقل والقوانين=ويحفظ علوم العقـل كوكـب وذره
ويضفي على داره هدوء البساتيـن=ويرتـاح جيرانـه وينـذاق بـره
وتنشم من حوله عطور الرياحيـن=وكل فخر به جاب طـرق يجـره

الله الله صح لسانك ولاهنت

على القصيده الراااائعه

شكرا عبدلله الشدادي


على متابعة قصائدي اولا باول


شاعر مغمور

الله يسلمك يالشاعر.. امتعتنا واعجبتنا بجزالك

شكرا على الاطراء


شاعر مغمور

بيض الله وجهك ولا هنت يالبناخي

تسلم ويسلم غاليك

صح لسانك ولاهنت ياشاعرنا المغمور

على القصيده الراااااااااااااااائعه

صح لسانك ولاهنت ياشاعرنا المغمور

على القصيده الراااااااااااااااائعه

شكرا للجميع بدون استثناء أحد

شاعر مغمور

تبي النور ما تبي الظلام

تحياتي