الحب لسعود سليمان

السلام عليكم

القصيده هذي موجهه لسعود سليمان

سكران والله ماحلى جوها سكره = سكرت غرام المولع ذق وجربها
سكره من السلسبيل العاشقه مكره= تمكر بعقل المولع لين يخربها
ياسعود ماهو اسبوع أقولك بكره= اجمع معاني الغزل ياسعود وأضربها
يابن سليمان لاتنسى على فكره= يابن سليمان بالا الات حسبها
الحب ياسعود فوق الراس لي غتره= والحب كلمه أبعدها وأقربها
والحب كلمه وحمدالله وله شكره= الحب كلمه بوسط الكبد مضربها
ياسعود بيني وبينك دارة المكره = وكان ماشرقت ياسعود غربها

قول وفعل أخوي هاجوس

صح لسانك قصيدة رائعه وقوية المعاني

وتحكم في الحب صعب أن يفعله أخي شخص

والله يعطيك العافيه وبيض الله وجهك

ياسعود بيني وبينـك دارة المكـره=وكان ماشرقـت ياسعـود غربهـا

اتوقع انك ناسي شي في الشطر الثاني من هذا البيت

يابن سليمان لاتنسـى علـى فكـره=يابـن سليمـان بـالا الات حسبهـا

الحب ياسعود فوق الراس لي غتره=والحـب كلمـه أبعدهـا وأقربهـا

كان ودي تتوحد نهاية الشطر الاول ( كره) ونهايه الشطر الثاني (ربها)

على العموم صح لسانك مليووون ياهاجوس قصيده رائعه

وفي انتظار ابو سليمان

صح لسانك يا شاعرنا هاجوس

وفي أنتظار رد الشاعر أبو طارق

بيض الله وجيهكم

صح لسان اخوي هاجوس وصح لسانك

على القصيده الراااائعه نتمنى ان سعود

يحل شفرات القصيده تحيتي لك

هاجوس
قصيده رائعه
ومثل ماقال الرهاوي اعتقد انها تحصل كثير والعتب ع الكيبورد
اعتقد انها كلمة (ان) في البدايه
اما مسالة توحيد القافيه فلو كانت في البيت الثاني او الثالث لخرجت من الحرج
ولكنك الزمت نفسك بمالا يلزم وهو حرف الكاف
على العموم حنا بانتظار رد ابوطارق
وكما اسلفت
قصيده لا يكتبها الا هاجوس

رائعه فعلا قصيده رائعه منك ياهاجوس

ننتطر رد ابوطارق وصح لسانك

هلا بالشاعر المبدع هاجوس...
صح لسانك من أول بيت الى أخر بيت...
دارت مكرة القصائد لكن توني شفتها وابشر بالرد
الشطر الثاني من البيت اللي يقول الرهاوي فيه شئ ناسيه
أنا فمهته والبيت كامل هكذا

ياسعود بيني وبينـك دارة المكـره**وإن كان ماشرقت ياسعود غربها

		المشاركة الأصلية بواسطة : الرهاوي اقتباس
	ياسعود بيني وبينـك دارة المكـره=وكان ماشرقـت ياسعـود غربهـا اتوقع انك ناسي شي في الشطر الثاني من هذا البيت يابن سليمان لاتنسـى علـى فكـره=يابـن سليمـان بـالا الات حسبهـا الحب ياسعود فوق الراس لي غتره=والحـب كلمـه أبعدهـا وأقربهـا كان ودي تتوحد نهاية الشطر الاول ( كره) ونهايه الشطر الثاني (ربها) على العموم صح لسانك مليووون ياهاجوس قصيده رائعه وفي انتظار ابو سليمان

اهم شي القافيه ماتغيرت وهذا هو الشي المطلوب

وماكل مايتمناه المرء يدركه مشكور على مرورك

وبعدين انا مانسيت شي فقط انطق البيت بالشكل المطلوب

		المشاركة الأصلية بواسطة : جزاء دهيس اقتباس
	هاجوس قصيده رائعه ومثل ماقال الرهاوي اعتقد انها تحصل كثير والعتب ع الكيبورد اعتقد انها كلمة (ان) في البدايه اما مسالة توحيد القافيه فلو كانت في البيت الثاني او الثالث لخرجت من الحرج ولكنك الزمت نفسك بمالا يلزم وهو حرف الكاف على العموم حنا بانتظار رد ابوطارق وكما اسلفت قصيده لا يكتبها الا هاجوس

ترى القافيه موحده وبعدين انا بنيت على الراء والهاء

الكاف ماهو مطلوب ابد والبيت ماهو مكسور بس ركز

واقراه مظبووووط مشكور على التواجد