|
|||||||||||||||||
يالهاجري لو تعتزل ما فقدناك ...؟؟؟!!!
]سلطان الهاجري يعتزل المحاورات لمدة سنه .! أعلن الشاعر القدير / سلطان الهاجري (( توقفه )) عن محاورات المناسبات الخاصه ، لمدّة - سنه بسبب تأثره برحيل زميله الشاعر / فيصل الرياحي - رحمه الله . المصدر [/quote] شاعر العرب سلطان بن وسّام الهاجري موقف يشكر عليه ولاهي غريبه عليه وسلطان إذا فقدناه في المحاوره ما بنفقد قصيده في النظم عسى عمره طويل ولكن ابو بدر إعتزاله نهائي عن الدنيا والمحاوره والنظم الله يرحمه ويغفر له أبيات كيبورديه بعد قراءتي للخبر وان شاء الله أكملها وأراجعها وتوصل لشاعر العرب إسمحووا لي يالهاجري لو تعتزل مافقدناك؟؟!! = تعوضنا قصايدك عن مقامك حياً ..ونقدر ننتظر ونتحراك = وغيبتك عام ...ورجعتك بعد عامك الله يطول عمرك... وعمر شرواك = والله يلوم الى من الحزن لامك تُشكر.. وهذي ميزه من مزاياك =تفرض على كل الرجال أحترامك مير البلا فيصل تركنا وخلّاك =والايردّه من مماته كلامك والا يردّه حزن هذا وهذاك =ولا التواسي وش بلاك.. وعلامك ذي سنة الدنيا.. خذته .. وتلقّاك = الله يطول في البسيطه مقامك وفيصل يابن وسّام ماهوب يخفاك =أخوك... والاّ واحد من عمامك اليا كسرك الوقت وأحتجت له جاك = ويمكن يبدل من عظامه عظامك يحتاج منك ابو بدر تخلص إدعاك =كل ما خلدّة.. وقبل صحوت.. منامك وختم الكلام الله يجيرك ويحماك = وحنا نتحرّى رجعتك بعد عامك
التعديل الأخير تم بواسطة الرهاوي ; 09 Jan 2009 الساعة 11:36 PM
|
09 Jan 2009, 10:59 PM | [ 2 ] | |||||||
|
الرهاوي قصيدة يبي لها قرأة على رواقة ولي عودة |
|||||||
|
||||||||
09 Jan 2009, 11:04 PM | [ 3 ] | ||||||||
|
الله يرحمه ويسكنه الجنه أبو بدر من الشعراء الطيبين في أخلاقهم ودينهم الله يسكنه الجنه . وسلطان الله يطول بعمره ويراجع نفسه والميت مات والحي يبغا الثبات وصح إلسانك يالرهاوي وبيض الله وجهك |
||||||||
|
|||||||||
09 Jan 2009, 11:06 PM | [ 4 ] | |||||||||||||||||||||||||||
شاعر
|
موقف يشكر عليه ولاهي غريبه عليه وسلطان إذا فقدناه في المحاوره ما بنفقد قصيده في النظم عسى عمره طويل ولكن ابو بدر إعتزاله نهائي عن الدنيا والمحاوره والنظم الله يرحمه ويغفر له أبيات كيبورديه بعد قراءتي للخبر وان شاء الله أكملها وأراجعها وتوصل لشاعر العرب إسمحووا لي يالهاجري لو تعتزل مافقدناك؟؟!! = تعوضنا قصايدك عن مقامك حياً ..ونقدر ننتظر ونتحراك = وغيبتك عام ...ورجعتك بعد عامك الله يطول عمرك... وعمر شرواك = والله يلوم الى من الحزن لامك تُشكر.. وهذي ميزه من مزاياك =تفرض على كل الرجال أحترامك مير البلا فيصل تركنا وخلّاك =والايردّه من مماته كلامك والا يردّه حزن هذا وهذاك =ولا يردّه وش بلاك.. وعلامك ذي سنة الدنيا.. خذته .. وتلقّاك = الله يطول في البسيطه مقامك فيصل يابن وسّام ماهوب يخفاك =أخوك... والاّ واحد من عمامك اليا كسرك الوقت وأحتجت له جاك = ويمكن يبدل من عظامه عظامك يحتاج منك ابو بدر تخلص إدعاك =كل ما هجعت.. وقبل صحوت.. منامك وختم الكلام الله يجيرك ويحماك = وحنا نتحرّى رجعتك بعد عامك تبقى فوووووووووووووووووووووق رايات المجد
وشموخه راية شاعرنا الرهاوي راعي الاوله يشهد لك الله يالرهاوي فالعلوم الغانمه هذا رايي في شخصك المحترم ولي رجعه للقصيده للاستمتاع بدررها الثمينه |
|||||||||||||||||||||||||||
|
||||||||||||||||||||||||||||
09 Jan 2009, 11:45 PM | [ 5 ] | |||||||
عضو متميز
|
عسى الله يرحم فيصل ويسكنه فسيح جناته صح لسانك يا الرهاوي والهاجري يستاهل أكثر وأنت ما تحتاج تراجع قصيدك قصيدك جزل وأنت جزل تقبل تحيتي |
|||||||
|
||||||||
10 Jan 2009, 12:01 AM | [ 6 ] | ||||||||
شاعر
|
الله يرحم ابو بدر ويسكنه فسيح جناته والهاجري متاثر مره بوفاة صديقه واخوه فيصل واعلن بترك المحاورت لفتره محدوده صح لسانك يالرهاوي وبيض الله وجهك |
||||||||
10 Jan 2009, 10:01 AM | [ 7 ] | |||||||||||||||||||||||||||
شاعر
|
روق وخذ راحتك يابو طااارق وانتظر عودتك |
|||||||||||||||||||||||||||
10 Jan 2009, 10:57 AM | [ 8 ] | ||||||||
شاعر
|
تستاهل يالرهاوي لقب شاعر البحور السبعه بكل جداره
الله يرحم ابوبدر وصح اللسانك ملايين كفيت ووفيت وانت راعي الاوله ماشاء الله عليك حاضر في جميع المناسبات الله يعطيك العافيه وبيض الله وجهك أستاذ ومدرسة شعر في كل بحر لك غواص تسلم يدك ولاهنت عشرين مره اجي ابي ارد عليك بس فيه هكر لعب بالجهاز حقي الله يكسر يده وفي امان الله |
||||||||
|
|||||||||
10 Jan 2009, 11:27 AM | [ 9 ] | ||||||||
مؤسس شبكة الشدادين
|
وقفة طيبة من شاعر كبير مثل سلطان الهاجري تجاه صاحبه ورفيقه أبو بدر عليه رحمة الله وما هي غريبة مثلك تلك الوقفات على الرجال أمثاله وصح لسانك يا الرهاوي وعاش بنانك شاعر كبير ومبدع وشهادتي فيك مجروحة |
||||||||
|
|||||||||
11 Jan 2009, 12:23 AM | [ 10 ] | |||||||||||||||||||||||||||
شاعر
|
الله يجزاك خير يابدر ويرحم شاعرنا فيصل الرياحي ويغفر له شاعر ويستاهل كل خير شكرا على توووواجدك وصح بدنك يالغاااالي |
|||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اكتمال كافة إجراءات وضوابط الإقراض لمشروع (مساكن) الذي تعتزم المؤسسة إطلاقه في الأيام | العالمي الشدادي11 | الإقتصاد والأسهم السعودية والوظائف | 7 | 01 Jun 2007 03:14 PM |
|