قصيدة موجهه إلى سعود بن سليمان

مساء الخير أخواني

مشرفين وأعضاء منتدانا الغالي

أليكم هذة القصيدة التي وجهتها لشاعرنا الكبير سعود بن سليمان

يابو جناب الراس كثرت طواريه =والنار شبت في ضميري حروقي
بسباب غروٍ جادل ٍعند أهاليه=فيه الدلع عاده وطبعه صدوقي
سلبتّ عقول أهل الهوى من مباديه= عينه سهوم الموت فيها سبوقي
توه صغير ٍزايد الغي مغريه=هادي من الخفرات والذوق ذوقي
حبه بوسط القلب باعلى عراويه=ساكن بوسط الجوف داخل عروقي
وش حيلة المشتاق من فقد غاليه=الدرب ظلماء والسماء به بروقي
خايف من العذال تكشف خوافيه=تطلع علوم الحب يطمع سروقي
يشك فـيّ العارفه من دوانيه=وأنا من اللي شيمته ما تبوقي
جيته لحد الباب عودت راجيه=سلم العرب يفرض عليّ الحقوقي
شوفه دواي وعلتي من تغليه =قربه علاج القلب رجوى خفوقي
ما ظنتي بقدر على الوصل وارضيه=دربه صعيب ٍوالبضاعة بسوقي
بنت العرب ترسل عليّ المشاريه=شرهاتها حزت بقلب ٍشفوقي
يا سعود لا تذخر ترى القلب يرجيه =افزع لنا يا سعود قبل السبوقي
بوصف لك الديرة وبوصف حراويه=أرضه نفود وساكن ٍبالطروقي
في ديرته خضر النوامي تغذيه =والبيت عن غيره ترابه فروقي
فوقه علم شبه الجزيرة محليه=وباقي وصوف البيت داخل عموقي
ولا اقدر أوضح زود تظهر مواريه=ويصير في وصل المواليف عوقي

يا سعود لا تذخر ترى القلب يرجيه =افزع لنا يا سعود قبل السبوقي
بوصف لك الديرة وبوصف حراويه=أرضه نفود وساكن ٍبالطروقي
في ديرته خضر النوامي تغذيه =والبيت عن غيره ترابه فروقي
فوقه علم شبه الجزيرة محليه=وباقي وصوف البيت داخل عموقي
ولا اقدر أوضح زود تظهر مواريه=ويصير في وصل المواليف عوقي

الله الله يا ابن جربان

افزع يا أبو طارق ترى العلم ناصيك=افزع لابن جربان خلّك سبوقي

يا هلا والله بشاعرنا ابن جربان

أبدعت عسى عمرك طويل وما قصرت يالذيب وصح لسانك

في انتظار حضور الذيب الآخر وما يخبرنا به .

الله الله يابن جرباااان بدون اي مجامله

من اروع ماسمعت الحقيقه صح لسانك في انتظار سعود

		المشاركة الأصلية بواسطة : السلطان اقتباس
	يا سعود لا تذخر ترى القلب يرجيه =افزع لنا يا سعود قبل السبوقي بوصف لك الديرة وبوصف حراويه=أرضه نفود وساكن ٍبالطروقي في ديرته خضر النوامي تغذيه =والبيت عن غيره ترابه فروقي فوقه علم شبه الجزيرة محليه=وباقي وصوف البيت داخل عموقي ولا اقدر أوضح زود تظهر مواريه=ويصير في وصل المواليف عوقي الله الله يا ابن جربان افزع يا أبو طارق ترى العلم ناصيك=افزع لابن جربان خلّك سبوقي يا هلا والله بشاعرنا ابن جربان أبدعت عسى عمرك طويل وما قصرت يالذيب وصح لسانك في انتظار حضور الذيب الآخر وما يخبرنا به .

تسلم يا لسلطان

وسعود شاعر متمكن

ولاهنت على المرور

		المشاركة الأصلية بواسطة : عبدالله الشدادي اقتباس
	الله الله يابن جرباااان بدون اي مجامله من اروع ماسمعت الحقيقه صح لسانك في انتظار سعود

صح بدنك

أخوي

عبدالله الشدادي

ومشكور على المرور والحضور الدائم

أبن جربان .. صح لسانك ... قصيدة جميله

وسعود .شاعر متمكن .. بيعطيك ... العلم

تحيااااااااااااااااتي

صح لسانك يا بن جربان
عزالله انها قصيده جزله
وفي انتظار رد شاعرنا سعود
لك كل الود

راس العرب

مرورك أسعدني

ولاهنت

أخوي

قلب الذيب

مشكور على المرور والحضور الدائم

يا ذيبان ولاهنت

يامال العافيه يابن جربان

صح لسانك يا خوي

قصيده جزله من شاعر جزل وموجهه لشاعر صاحب جزاله

شكرا لك يا بن جربان وننتظر رد نابغتنا