البرتقاله !!

من جمال القصيدة كتبت لكم ابياتها هنا .. وهي اعتقد للأستاذ ناصر السعيد :[/align][/size]

غركم مظهر جمـال البرتقالـه=ما عرفتوا وش حسبها من نسبها
لو بها حشمة وتخضع للعدالـة=كان بين الناس ما هزت كعبها
هافي أصله وعمـه مع خوالـه=همها ترقص وتلهى في طربها
الجهالة من يناظـر هالجهالـة=ما يميز وش محرم من رجبهـا
واحسايف كيف يخدعكم جمالـه=والبضاعة كـل شّـرايٍ قلبهـا
البنات الحور في نجد الأصالـة=الحيا والستر من ربـي وهبهـا
الفخر بالدين ما هـو بالخمالـة=والنحاس نحاس يفرق عن ذهبها
شف في بالي واحـدٍ مبغـا بدالـه=عرضها مصيون ما زولٍ سلبها
ما مشت عريا وداجت في البقالـه=العقل والدين هو غايـة طلبهـا
والله اني كلمـا شفـت الرذالـه=كن جوفي يصهره حامي لهبهـا
حالة صرنا بها ما هيب حالـه=العقايب لا تجينـا مـن سببهـا
النمل لا طار ينذر في زوالـه=كم ديار منعمـه ربـي نكبهـا
مثل جنة عاد يوم الريح جالـه=صب ربك فوقهم حامي غضبها
العرب غنت على يـالال لالـه=والقدس تبكي وتنخى في عربها
صارت إسرائيل تقتل بالعمالـه=الشجاع من العرب منهو شجبها
والعراق اليوم وضعـه يّرثالـه=سلط الله بوش دمرها و نهبهـا
يالله احفظ دارنا مهـد الرسالـه=من أمور تشعل النار بحطبهـا

ان شاء تعجبكم ويكون فيها فائدة ..

في الحفظ والصون ...

		المشاركة الأصلية بواسطة : المستحيلة اقتباس
	من جمال القصيدة كتبت لكم ابياتها هنا .. وهي اعتقد للأستاذ ناصر السعيد :[/align][/size] واحسايف كيف يخدعكم جمالـه=والبضاعة كـل شّـرايٍ قلبهـا البنات الحور في نجد الأصالـة=الحيا والستر من ربـي وهبهـا الفخر بالدين ما هـو بالخمالـة=والنحاس نحاس يفرق عن ذهبها شف في بالي واحـدٍ مبغـا بدالـه=عرضها مصيون ما زولٍ سلبها ما مشت عريا وداجت في البقالـه=العقل والدين هو غايـة طلبهـا والله اني كلمـا شفـت الرذالـه=كن جوفي يصهره حامي لهبهـا ...

الحقيقه قصيده اكثر من راااااااااائعه

الف شكر يالمستحيله على الاختيار

الموفق والله يعطيك العافيه

اصلا البرتقاله فيها مهانة ترى للرجال يوم تهافتو عليها لانهم عرفو نقظة ضعف الرجل قالو نشكل له مره برتقاله

مره تفاحه وبألاخير جابو البيدجانه كلها ساتهتار بقدرات الرجل العربي

قصيده حلوه يالمستحيله تسلمين

الله يسلمكم ..
عبدالله وعزوف ..

من جد صارت مهزلة ..

شف في بالي واحـدٍ مبغـا بدالـه=عرضها مصيون ما زولٍ سلبها
ما مشت عريا وداجت في البقالـه=العقل والدين هو غايـة طلبهـا

قصيده رائعه ومشكوره يالمستحيله وتقبلي تحياتي .

تسلم يالعبيدي ...
مرورك هو المتعة بذاتها

يالبرتقـــــــــــــــــاله ...

من أكبر الضحكات في هذا العصر

المجموعة العراقية تتغني بالفواكه

البرتقال
التفاحة
المشمشة
الرمانة

المجموعة السورية تتحدى بأسماء

وطفى
نوره
عمشاء
حسناء

مجموعة الرجال العربية

تشاهد
تفغر
تنقهر
يضحك عليهم

هذا هو حالنا وحال الكثرين مع هؤلاء الساقطات

وأخواتنا في العراق وفلسطين وافغانستان

تنتهك أعراضهن ويقتل آبائهن وأبنائعن وإخوانهن

ونحن فاغرون أما هيفاء وهبي وسفالتها ونانسي عجرم وقلة أدبها

فلا حول ولا قوة إلا بالله

ألف شكر لكِ أيتها المستحيلة

كلامك على راسي يالسلطان ..

البنات الحور في نجد الأصالـة الحيا والستر من ربـي وهبهـا

الفخر بالدين ما هـو بالخمالـة والنحاس نحاس يفرق عن ذهبها

شف في بالي واحدٍ مبغا بدالـه عرضها مصيون ما زولٍ سلبها

(!!!!!!!!!!!!!!!!!!!!!!!!!!!)
(؟؟؟؟؟؟؟؟؟؟؟؟؟؟؟؟؟؟)