بدع ورد

هذه البدعه عرضت على في موقع الصور بالحارث وكانت موجهه لي وهي من شاعر من زهران وقمت بالرد عليها

البدع :
ياسلامي لبالحارث رجال يهزون الدول
أهل شيمة وغيرة في جميع القبايل ما تشبه
يوردون العدو للتهلكة لابدا وقت النشب
وأنا لو ما ان زهران العناصي لباسي تاج راسي
كان من حب بالحارث زعمت إن جدي حارثي
عزوتٍ ياسعد من ينتسب لإسمها لاواهنية
عزوةٍ يشهد الله والتواريخ عن وقفاتها


لو مدحت الحارثي كل ليل وكل يوم
المدايح تنقصر عن فعول الطيبين
حى قيفٍ كنه البدر في سود الليالي
ونعم الحرث وكل الدير برجالها



الرد

مرحبا باسم ربعي كنهم رحبوا بك بالدول
ما تورد على ناسا هزايل وبيتا مات شبه
وإي نحنا هل البارود لا جاتنا حربا نشب
وان زهران معروفه كما الحيد يوم الحيد راسي
حيد ما ينمحي لو جاله لغوب والا حارثي
مزبنين الدخيل أليا انتخى فيهم أبلاواهنية
ونعم أقولها مليون في وجهها وقفاتها

أول الاقوال مابيننا حقد وليوم
والمعزه تنطوي بيننا والطي يبين
قالها شاعر وغنى بها طرقا ياللالي
عالما قفت وراحت تري مرجا لها

صح إلسانك وصح إلسان الزهراني


وبيض الله وجيهكم جميع ..

صح إلسانك وصح إلسان الزهراني تقبل مروري
تحياتي ,,,

صح لسانك وبيض الله وجهك كفيت ووفيت

وصح لسان الزهراني الذي ابدع في البدع

وتقبل تحياتي

صحت السنتكم

شكراً لك على نقل المساجله

كل الود

صح لسانك وصح لسان الزهراني
ابدعتوا
تحياتي

صح لسانك ياكاسبر وبيض الله وجهك

على الرد الوافي لبدع الشاعر الزهراني

تحياتي لك الغربي