رؤوس تحت المقصلة

نقوم من تحت الحديده او نعذر بالحلال=انهارت البرصه وحاز الكسب سوق البنقله
يادوب تروى من قراح تشربه عذب زلال=من قبل يتعكر تناوش ماتشيله وانقله
قست الزوايا والزوايا تنحسب دون اختلال=كم قستها بالعين قبل اقيسها بالمنقله
شفت السراب وقلت نهر عذب واثر اللال لال=يسر عين الناظرين وهو قرين المعضله
ماكل حق مغتصب والاحتلال الاحتلال=واصل القضيه عادله بس البلا بالعرقله
تسري ليال جرهديه من هلال الى هلال=والحال ثابت ماسرى والروس تحت المقصله
يامن على مركى ولك متكى معا صفر الدلال=بكره بعد بكره مسافات وغيب نجهله
هذا هو الواقع اديم الارض او روس التلال=ولا رضينا الاضطهاد ولا نريد البلبله
لك يوم من شهرك واذا شرف يعبون السلال=والتاليه قد تنتهي بك في حدود المهزله
كم من عيون كاويه بأجفانها مثل الخلال=ترديك اوتشفى شماته عند حد المزقله
ارجع على ميثاق دينك وانتهج منهج بلال=في صالي الرمضا صمد يقرا الصمد بالقلقله
وان جارت الدنيا وكبدك لافها مثل الملال=اقرا عليها سورة اقرأ والنبأ والزلزله

ارجع على ميثاق دينك وانتهج منهج بلال في صالي الرمضا صمد يقرا الصمد بالقلقة .

الله عليك ياشاعرنا
لاخير في الدنيا ان لم تكون الحياة
على نهج كتاب الله وسنة نبيه .

صح لسانك يالطيب ابيات رائعة
وحضور مميز عساك ع القوة .

الله الله
يا شاعرنا العزيز أبو فهد
كفو والله وصح لسانك على هذا الابداع
وهذه الرائعة
وننتظر جديدك دائماً

		المشاركة الأصلية بواسطة : أم وريف اقتباس
	ارجع على ميثاق دينك وانتهج منهج بلال في صالي الرمضا صمد يقرا الصمد بالقلقة . الله عليك ياشاعرنا لاخير في الدنيا ان لم تكون الحياة على نهج كتاب الله وسنة نبيه . صح لسانك يالطيب ابيات رائعة وحضور مميز عساك ع القوة .

يامرحبا يا ام وريف
صح بدنك ولاهنتي
شاكر لك على هذه المشاعر الاخويه الطيبه
وفي رعاية الله وحفظه

		المشاركة الأصلية بواسطة : السلطان اقتباس
	الله الله يا شاعرنا العزيز أبو فهد كفو والله وصح لسانك على هذا الابداع وهذه الرائعة وننتظر جديدك دائماً

حياك الله اخي السلطان العزيز

وبما ان القصيده تتحدث
عن استغلال بعض البنوك لضروف البعض
والحصيله ديون بفوائد غير مبرره(ربويه)
قد تودي بحاملها الى مايشبه المقصله
فأننا ننصح بالحذر الشديد من ذلك
لذلك وجب التنويه

شاكر لكم اخي السلطان حسن تعاملكم
وفي رعاية الله وحفظه

سفير وشاعر

كفيت ووفيت والله ووصلت المعلومه وصح لسانك وعلى شانك ياالامير وتقبل مروري واحترامي

		المشاركة الأصلية بواسطة : احمد الروقي اقتباس
	سفير وشاعر كفيت ووفيت والله ووصلت المعلومه وصح لسانك وعلى شانك ياالامير وتقبل مروري واحترامي

اخي احمد الروقي

ماعليك زود يالنشمي
وصح بدنك
ولاهنت ولاعدمناك

الله يعطيك العافية ع الايراد الرائع ، ماقصرت
شكري وتقديري ..

		المشاركة الأصلية بواسطة : الفارسة اقتباس
	الله يعطيك العافية ع الايراد الرائع ، ماقصرت شكري وتقديري ..

الله يعافيك يالفارسه
ويبارك فيك

شاكر ومقدر
ولاهنتي