قصيدة للشاعر / بسيس بن حدّيد في منازل ربعه بالجبوب

تباشري يادارنا بالفهودي=جنوب ابو فوزي وغربآ حنيان
وذوي عويض راسمين الحدودي=وعقلت ذوي عياد ذربين الايمان
رسوا كما ترسي رواس الحيودي=وسط الجبوب اللي يشابه للبنان
والعلم كله عند قدح الزنودي=والزند يبغاله قديحه وصوان
واليا وردنا صافيات العدودي=نشرب قراح ويبتعد كل شيطان
وبكره ليا قامت تدن الرعودي=وطاح الربيع وربعت كل الاوطان
اما نجي من قصر عيد وسنودي=والا نجي في حي مسلط وسلطان
واحدن نزل يم الوزر والعمودي=واحدن نزل مفلا اباعر سريان
واللي حفر له بير مثل الشهودي=واللي بنا له بيت ماهو بخسران
وختامها مني زباد وعودي=هذا وخلونا على الحق عوان

سلمت يمينك اخوي
وصح السان شاعرها

تحيتي وتقديري

الله يعطيك العافية صح للسان بسي الله يرحمه

شاكر لك جهدك مجموعة انسان

الله يرحم شاعرنا بسيس بن حدّيد
ويغفر له ويدخله فسيح جناته
ومدحه لربعه يستاهلونه
كفيت ووفيت أخوي مجموعة إنسان
ودائماً ننتظر منك الجديد والمفيد

الله يرحم شاعرنا بسيس بن حدّيد
ويغفر له ويدخله فسيح جناته
ومدحه لربعه يستاهلونه
كفيت ووفيت أخوي مجموعة إنسان