مهرة (ن) مارضت غير الشجاع الأبي "

ليت فايز يشوف اللي سبتنـي سبـي=والله انه ليعـذر مـن كثيـر المـلام
فتنة(ن) من ترفها لو تمـر الظبـي=قال هذا الجمال اللـي عليـه الكـلام
لاتهـادت تمايـل كنـهـا ماتـبـي=غير ذبح القلوب اللي ملاهـا الهيـام
سلهمت بالعيون وطـال ليـل اتعبـي=والرموش ان رمتني قل علي السـلام
استمالت و مالت ساع قلـت اقربـي=ولو منعها حياها طاعت امر الغـرام
مهرة(ن) مارضت غير الشجاع الأبي=والله اللي قسمها لي علـي الحـرام
كن شمس الضحى في وجهها تختبي=ساع تفهق شعرها يستنيـر الظـلام
الوصوف اجنبيه والجمـال اعربـي=كيف اميّز حلال وكيف اميّـز حـرام
ياغـزال البـوادي العبـي واطربـي=مالوجهك حلايا غيـر بـدر التمـام
اذبحي بالعيون الناعسـه واحسبـي=كل من سلهمت له راح كلـه حطـام
وخوذي القلب كله وامسحي واكتبـي=وارسمي صورتك وتصير مسك الختام
والله انك عـذاب إللابسـات العبـي=مالهن لاظهرتي غير عـض البهـام

لــ الرائع : نــايف مساعد المطيري "

صح لسانك .. وعلا شانك

بصراحة قصيدة في محلها

ولايق الوصف الموجود فيها على الموصوف

يعطيك العافية ترف ،،، بالتوفيق

ياهلابك ياألماسة وصح لسان شاعرها

نورتي يالغلا وحياك

أرق وردة لروحك العذبة "

امتناني"

اختيار رائع

كروعة تواجدك يا ترف

لاعدمنا هالحضور.

الروعة مرورك يالغلا

يعطيك ألف عافية يالشموخ ولاهنتي

امتناني"

الله الله
يا مشرفتنا ترف
وصف وأي وصف
وروعة وأري روعة
لا هنتي ولا هان غاليك
والله يعطيك ألف عافية

يسلموووووووو ترف
على الاختيار الرررررائع
الله يعطيج العافيه اختي اختيار موفق.......

>> خشيت جو مع القصيدة

حرفنة وإبداع دقيق في الوصف

صح لسان نايف المطيري

ولاعدمنا أختيارك ياترفنا

مبدعه
اعجبتني ... ابياتها قويه
تحياتي لك

ياهلابك يالسلطان وحياك ..

الروعة تواجدك وحضورك الراقي ..

يعطيك ألف عافية ولاهنت "