تعال يا الغربي ..

استلم يا الغربي

تعال يا الغربي اللي كل يومن زعول=اقرب وخل النوايا بالغلا صافيه
ان كان يم الزعل يطري عليك الميول=تراك تتعب وتلقى قلة العافيه

		المشاركة الأصلية بواسطة : عمر ابن دويس اقتباس
	استلم يا الغربي تعال يا الغربي اللي كل يومن زعول اقرب وخل النوايا بالغلا صافيه ان كان يم الزعل يطري عليك الميول تراك تتعب وتلقى قلة العافيه

يامرحبا وانت رجالٍ تقول وتطول=لكن خل الاجابه ياعمر كافيه
ما ازعل على اللي غلاهم وسط قلبي يجول=هذا كلامي وخل القافيه وافيه

كم لي وانا اشوفك بوسط الصحاري تجول=مير الليالي تبيــــــن نيةٍ خافيه
يا الغربي اليل تالي الوقت عندك يطول=مير انت صاير تدور لك على الجافيه

		المشاركة الأصلية بواسطة : عمر ابن دويس اقتباس
	كم لي وانا اشوفك بوسط الصحاري تجول مير الليالي تبيــــــن نيةٍ خافيه يا الغربي اليل تالي الوقت عندك يطول مير انت صاير تدور لك على الجافيه

اجول ياصاحبي واعس كل السهول=والا انت تمشي ورجلك ياعمر حافيه
اسهر واسامر خفوقي وسط دق الطبول=مدام كل العلوم البينه شافيه

قبل على العز والنوماس تلقى القبول
مير انت عندك علومن منك متنافيه

مره نقابلك عرض ومر نلقاك طول
علامك انت تغني و العرب غافيه

		المشاركة الأصلية بواسطة : عمر ابن دويس اقتباس
	قبل على العز والنوماس تلقى القبول مير انت عندك علومن منك متنافيه مره نقابلك عرض ومر نلقاك طول علامك انت تغني و العرب غافيه

انا على الطيب ثابت ياعساك معقول=تدرقوا ياعرب لاهبت السافيه
وان طعتني ياعمر لاترتكي للحمول=احذر مدام القوافل جتك متقافيه

يا عيد والليل روح وانت دايم تطول
لاتلحق اللي يغيب اليوم بالقافيه

ودك تغني على كيفك وانا ويش اقول
يا الله عسى الوالي يسهل لك الكافيه

		المشاركة الأصلية بواسطة : عمر ابن دويس اقتباس
	يا عيد والليل روح وانت دايم تطول لاتلحق اللي يغيب اليوم بالقافيه ودك تغني على كيفك وانا ويش اقول يا الله عسى الوالي يسهل لك الكافيه

كم مرةٍ ياعمر قلت احذر من السيول=لكن نارك بعد علمك هذاطافيه
ركز معي لجل ياراع الشهامه تنول=الفوز والعز والخبلان متجافيه

اسلم وسلم يا راع المهره اللي جفول
النار حيه و الأجاويد متعافيه

مير انت ماخذك ياالغربي شوية فضول
علومك اليوم صارت عندنا نافيه

صح لسانك ياعمر

الليله ترى الفكر مشوش

تحياتي لك