صبا نجد

بسم الله الرحمن الرحيم
السلام عليكم ورحمة الله وبركاته
هذي رسالة وسائط جتني على الجوال واعجبتني كلامتها ورديت عليها وانا والله مدري منهو قايلها

هات البكت وأنثر جديد السجاير = وأشعل غضبها مثل شب الفتايل
وهات القلم بكتب بيوتٍ عساير = بكتب على موت الورق لي رسايل
وأحييه يسهر مع عيونٍ سهاير = والحب زرعٍ مثل زرع الفسايل
كم من سقيمٍ من هواء البيض حاير = الحب طوفانٍ يسوق الهوايل
دونك عنا قلبٍ ركونه كساير = من هاجسٍ بأقصى الضلوع النحايل
كنه مقابل قوم وقومٍ نحاير = كسيرهم ماقام وسط النثايل
ولو يجبرونه ماتفيد الجباير = يحول دونه من صبا نجد حايل
خلٍ رموشه كالسيوف الشهاير = يذبح ويذبح بالعيون الكحايل
تفداه روحٍ قبل عرفه نثاير= ما لمها غيره من الناس جايل
رصيد حبه ما تجيه الخساير = وميزان حسنه فايقٍ كل كايل
دمي على غيره من الناس فاير = ولاجيت عنده داخلي قال قايل
اني على بعدك سكبت العباير = وحبك رقابي عاليات المخايل
وش له تصد وتترك الجرح غاير = هذي ترى ماهي فعول الحمايل
لو جيتني مع نجمة الليل زاير = شفت الدموع اللي عليكم همايل
لله دره موقدٍ بي سعاير = اللي وصوفه من خيار الجزايل
يامعذبي حلمك ترى الحكم جاير = بصبر ومن يصبر مع الوقت نايل
ويا منير لو تدري بخافي السراير = بكيت دمعٍ من على الخد سايل
بنيت بأحلامي قصور وعماير = وأصبحت مامنها على الارض زايل
تسري بي امالي على كف طاير= عل النصيب يصيب لو كان مايل
هذا نصيبي من زمان العثاير = كم لي وكم لي داخل القلب شايل
لاشك ماقدر على العبد ساير = ياللي تراسلني بحلو المثايل
حركت قلبٍ جاك بأقصاه ثاير= لولاي أرده عن كثير القوايل
تباشروه أعداه بأغلى البشاير = جنسٍ خبيث وينكرنون الجمايل
اطيبهم اللي مع رفاقته باير =يالله دخيلك من دروب الفشايل
ولا أنت عوني يوم قل الذخاير = تربط وتفتل في صعيب الحبايل

بنيت بأحلامي قصـور وعمايـر=وأصبحت مامنها على الارض زايل
تسري بي امالي على كـف طايـر=عل النصيب يصيب لو كان مايـل
هذا نصيبي مـن زمـان العثايـر=كم لي وكم لي داخل القلـب شايـل

صح لسانك يازعيم..
قصيدة مميزة..كالعادة
تحياتي

دونك عنا قلـبٍ ركونـه كسايـر=من هاجسٍ بأقصى الضلوع النحايل
كنـه مقابـل قـوم وقـومٍ نحايـر=كسيرهـم ماقـام وسـط النثـايـل
ولـو يجبرونـه ماتفيـد الجبايـر=يحول دونه من صبا نجـد حايـل

صح لسانك يا زعييييييييييم

مشكور على القصيده الرائعه .. سلمت

ههههههه التدخين مضر بالصحه

حياك والله

تحياتي

لاشك ماقدر على العبد ساير = ياللي تراسلني بحلو المثايل
حركت قلبٍ جاك بأقصاه ثاير= لولاي أرده عن كثير القوايل
تباشروه أعداه بأغلى البشاير = جنسٍ خبيث وينكرنون الجمايل
اطيبهم اللي مع رفاقته باير =يالله دخيلك من دروب الفشايل
ولا أنت عوني يوم قل الذخاير = تربط وتفتل في صعيب الحبايل

صح لسانك اخوي زعيم الحب

قصيده راااااائعه لاهنت

لاتحرمنا من جديدك الدايم

الله من العنا يا زعيم الحب

والألم يحرق صدورنا حرق

صح لسانك ولا هنت يالنشمي

إختيار رائع أخوي زعيم

وصح لسان الشاعر وسلمت يمينك

والله يعطيك العافيه

زعيم الحب

وحضور متميز
كعادته

جزله من راس شاعر
تحيااااااااتي

صح لسانكـ أخوي زعيـم الـحـب


ولا هنت على القصيدهـ

سعود سليمان حياك الله

بدوي فاهم مرحباااااا