|
||||||||||||||||||
لا يا بحر يا اللي تغازلك الأشعار
لايابحر ياللي تغازلك الاشعار=واعذب طواريق الهوى والقصيدي جيتك وانا تايه وضايق ومحتار=مااحدٍ جبرني يابحر جيت بيدي ضاقت بي الدنيا على وسع الاقطار=واقبلت لك وانا مقيّد بقيدي مثل الاسير اللي مكبل بلا دار=غريب دار وراس ماله حديدي قيدني الهاجوس واسهجت الافكار=مالي ونيس الا الورق والنشيدي جيتك بعد ماعسعس الليل زوار=وانته كريم ولا تمد الزهيدي بيني وبينك يذبل الورد ويغار=انته نديمي فالحزون ونديدي جوفك من الاحزان والهم مقدار=ماجوف صدري والسعاده تبيدي ابوح لك باقسى المواجع والاسرار=وتبوح لي من صمتك المستبيدي صدري يفور امن الليالي ولافار=الابعد يبّس خضار الجريدي البرد يحداني على لاهب النار=والصبر ينقص في يدّي ويزيدي ينقص ليا مني تذكرت ماصار=ويزيد لامن قلت بكره تهيدي مرار مااحسب للمناقيد .. ومرار=احسب واعيد حساب عمري وازيدي صرت آتفكر فالليالي والاقدار=واللي تمده للشقي والسعيدي شفت البلا بين الملا صار يندار=كار الضعوف اللي تحب المكيدي كثروا منقلة الحكي سر واجهار=بين العرب سواة ساع البريدي ناسٍ بلا ذمه تروّج للاخبار=شيٍ وكاد وشيٍ آخر جحيدي اهل النمايم مالهم فالعرب ثار=غير الحسد والتفرقه والوعيدي علومهم فحلوقهم ذنب واوزار=عمله بلا بايع ولا مستفيدي الله يكافيني من افكار الاشرار=والله يقديني على مايفيدي اقولها واحشم طويلين الاعمار=اللي رفاقتهم غناه ورصيدي درع وذرى للي عليه الزمن جار=لاكثرت القالات ضد الضديدي هم محزمي وقت الشدايد والاخطار=سنايدي عن عرف زايد وزيدي حطيت لاصحاب الرخا رمز وشعار=شعارهم رمزه مصالح وفيدي صغيّرين الناهيه عور الاشوار=اللي لعل رقابهم للحصيدي اشوم عنهم واتعذر بالاعذار=اللي تكفي سد باب النقيدي لا يابحر باقي هواجيس كبار=والهم مع دمي جرى في وريدي مالي مع الفرحه مواقف وتذكار=وش عاد ادوّر فالتعاسه واريدي فقدت من ربعي مناعير واخيار=لا والله الا من بعدهم وحيدي عشاقة العليا مشاهير الاذكار=سقم المعادي فالنهار الشديدي ربعي بعيدين المطامع والانظار=بحيله وحال وسيفٍ املح جريدي من عصر راس ذياب عساف الامهار=لفعولهم وسم وعمار وشهيدي لاجيت اعدد في خصايلهم احتار=بين السطا والجود فكري شريدي اذكر مهيّبة العدا سقم من جار=ولا اذكر مضرّين راس الهريدي ولا اذكر اهل البير حماية الدار=سبعه وحدّوا من حداهم حديدي يامدح عبّر للرياجيل معبار=واحصد معاريف النشاما حصيدي مزبّنة من ضامه الويل والعار=امداحهم تملا البحور وتزيدي من روس ابالحارث طويلين الاشبار=اللي لهم فالعز مجدٍ تليدي تشهد قبايل نجد واطراف سنجار=وتشهد مغلقة النحور وتشيدي يكفي ليا عديت مقبول وعجار=عون القريب وكحل عين البعيدي لايابحر خلك على قلبي ستار=وحبل التواصل في هوانا مديدي ماطعت بك قولت .. ترى البحر غدار=طبعي كذا فالعشق راسي عنيدي شفني على شانك تمثلت الاشعار=واعذب طواريق الهوى والقصيدي
|
18 Nov 2009, 02:48 AM | [ 2 ] | ||||||||
مؤسس شبكة الشدادين
|
الله الله يا شاعرنا العذب أبو محمد جميل جداً أن تتحفنا بمثل هذه المشاعر الفيّاضة ورائع أن تطربنا بكل جميل ورائق لا هنت وصح لسانك يا الذيب وأتمنى تتواصل معنا بكل جديد |
||||||||
|
|||||||||
18 Nov 2009, 03:00 AM | [ 3 ] | ||||||||||||||||||||||||||||||||||||||||||||||||
عضوة متميزة
|
أكثر بيت عجبني لأنه يحمل العناد والمكابرة على العالم كلها اللي تقول البحر غدار وبكل عناد وبوقفة عاشق تايه وضايق ومحتار ... ماأجمل هذه القصيدة مع ماحملته من مناجاة ومعانقة البحر بظلام الكون وتوهان الفكر أبييات جزلة حملت وقفة بحر وشرهة دهر ونقص الصبر ... بوحك بالأوجاع وقسوة الزمن وتغيرات البشر حملتها تلك الأمواج بكل قسوة وارتطمت على حجر الواقع فما زاد الظلام إلا ظلام ولا نفع البوح في تغيير ويلات البشر وحنقهم العجيب وحسدهم المرير وغيبتهم القاتلة وما إلى ذلك .. وذكرتني بأبيات لفهد المساعد اللي قال فيها : ياصاحبي لاتجي وتقول لـي قالـوا لوقلت ماقلـت غيـــر الله يجازيهـــم لاشفت بعض الأوادم للـــردى مالــوا نفضتهم من عيونـي قبـل أخليهـم يكفيني القـدر نلتـه يـوم مانالـــوا الا أو أقول مابغى أجيـب طاريهـم ماقول غير أنت لامن حطـوا وشالـوا تعـوذ برحمـة الله مـن أساميهــــم وذكرهم أن العمار إن طالت وطالـوا الخالـد الذكـــر ولا المـــوت قافيهــم أم أنت ياقـلـب لـو صالوبـك وجالـوا خلك مثل ماأنت لاتشرهه على يديهم الناس مـن خلقة الدنيـا ومازالـــوا عيـال رجـال لكـن فيهـم وفيهـــم ذولاك من عرض ناس مالي إن مالوا الا أني أسكت وأقــول الله يجازيهـم
صح لسانك ,, وسلم قلبك ,, وعلا شانك .. لاهنت على هالجزلة ياشاعرنا " |
||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||
18 Nov 2009, 06:15 AM | [ 4 ] | |||||||
شاعر
|
صح لسانك يالذيابي وسلمت يمينٍ خطَت هالجزالة وهالإبداع قصيدة من اجمل القصائد وبيوت كلها جزالة وقوة لاهنت يالذيب وصح لسانك ملايين |
|||||||
|
||||||||
18 Nov 2009, 09:06 AM | [ 5 ] | ||||||
|
قصيدة رائعه يابو محمد فأنت قمه ولا زلت في القمه بارك الله فيك |
||||||
18 Nov 2009, 02:30 PM | [ 6 ] | ||||||||
عضو متميز
|
مناجاة رائعه للبحر وشملت على هموم مبعثر صورتها لنا بتنسيق رائع وتصوير بديع لايمل ولو قرات الف مرة واسمحلي اقول لك شعر لايهز الوجدان ليس بشعر وقصيدتك حركت اشجاني وكانك تقول مابداخلي وهذا هو الشعر الحقيقي وصح لسانك اخوي بشير الذيابي قصيد جزله ولا تحرمنا من جديدك صـــرت آتـفـكـر فاللـيـالـي والاقــــدار والـلــي تـمــده للـشـقـي والـسـعـيـدي شفـت البـلا بـيـن الـمـلا صــار يـنـدار كـار الضعـوف اللـي تـحـب المكـيـدي كثـروا منقـلـة الحـكـي ســر واجـهـار بـيـن الـعـرب ســواة ســاع الـبـريـدي نـــاسٍ بـــلا ذمـــه تــــروّج لـلاخـبــار شـــيٍ وكـــاد وشـــيٍ آخـــر جـحـيـدي اهــل النمـايـم مالـهـم فـالـعـرب ثـــار غـيـر الحـسـد والتفـرقـه والـوعـيـدي |
||||||||
|
|||||||||
18 Nov 2009, 02:53 PM | [ 7 ] | |||||||
أميرة الذوق
|
جيتك وانـا تايـه وضايـق ومحتـار مااحدٍ جبرني يابحـر جيـت بيـدي ضاقت بي الدنيا على وسع الاقطـار واقبلت لـك وانـا مقيّـد بقيـدي مثل الاسير اللـي مكبـل بـلا دار غريـب دار وراس مالـه حديـدي بشير رااااائعه بحق وهذا ليس بغريب من شاعر متألق مثلك ...قلم مبدع ..واسلوب راقي..وفكر سليم ....يعطيك العافيه |
|||||||
|
||||||||
18 Nov 2009, 02:57 PM | [ 8 ] | ||||||||
عضوة متميزة
|
صح لسانك ملاييييييييين ويعطيك العافيه ماقصرت .... لك جزيل الشكر والتقدير ... |
||||||||
|
|||||||||
19 Nov 2009, 01:07 AM | [ 9 ] | ||||||||
عضو متميز
|
ذكرتني البحر ، ولم أكن سلوت ولكن زدت جمرا على جمر . لا يضيقون صدرك الرخوم . اكفخ بجنحان السعد لا تبالي . إعطاء أهل النميمة والغيبة فوق ما يستحقون ، هو في الحقيقة تعظيم لهم . وحقهم أن يهملوا ، فلا يُلتفت إليهم . أعجبني فخرك بقبيلتك العظيمة . شكرا لك ، ولا حرمنا الله إبداعك . |
||||||||
19 Nov 2009, 01:37 AM | [ 10 ] | ||||||||
عضوة متميزة
|
جيتك بعد ماعسعـس الليـل زوار وانتـه كريـم ولا تمـد الزهيـدي بيني وبينـك يذبـل الـورد ويغـار انتـه نديمـي فالحـزون ونديـدي جوفك من الاحزان والهـم مقـدار ماجوف صدري والسعـاده تبيـدي ابوح لك باقسى المواجع والاسـرار وتبوح لي من صمتـك المستبيـدي ......... صح لسانك ماشاء الله قصيد رائع واكثر من رااائع كل الابيات معبرة مدح الصحبة( الربع) اثر فيني مدري ليش تذكرت صديقاتي ........... حطيت لاصحاب الرخا رمز وشعـار شعارهـم رمـزه مصالـح وفيـدي صغيّريـن الناهيـه عـور الاشـوار اللـي لعـل رقابهـم للحصيـدي اشـوم عنهـم واتعـذر بالاعـذار اللي تكفـي سـد بـاب النقيـدي ايه صدقت والله حسبي الله على العدوو ......... سلمت ياخووي |
||||||||
|
|||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الأسعار دبلوها والنظافه أهملوها | ابن الأمير | القسم العام | 13 | 13 Aug 2010 03:32 AM |
الأسعار الجديدة ل dsl وتخفيض 70% | السلطان | الهواتف الذكية - سامسونج - هواوي - البلاك بيري | 3 | 02 Apr 2009 09:00 PM |
قصيدة في ارتفاع الأسعار | الغريق الشدادي | بحور القوافي | 11 | 05 Nov 2007 02:58 PM |
غلاء الأسعار.....من السبب فيه!؟؟ | كاتب شدادي | النقاشات والمواضيع الهادفة | 20 | 11 Sep 2007 06:36 AM |
|